இஸ்ரேல் தாக்குதலால் 50 பணயக் கைதிகள் கொல்லப்பட்டுள்ளனர்: ஹமாஸ் – தற்போதைய தகவல்கள்

பட மூலாதாரம்,GETTY IMAGES

45 நிமிடங்களுக்கு முன்னர்

காஸாவின் மீது இஸ்ரேலின் தாக்குதல் துவங்கியதில் இருந்து, சுமார் 50 இஸ்ரேலியப் பணயக் கைதிகள் கொல்லப்பட்டிருப்பதாக அக்குழு கூறியிருக்கிறது.

இதுபற்றி, ஹமாஸ் ராணுவப் பிரிவின் செய்தித் தொடர்பாளர் அபு ஒபேய்தா கூறுகையில், இஸ்ரேலின் தாக்குதல்களின் விளைவாக, தங்கள் குழுவினரால் காஸாவில் சிறைப்பிடிக்கப்பட்டிருந்த சுமார் 50 பிணைக்கைதிகள் கொல்லப்பட்டனர், என்றார்.

கடந்த அக்டோபர் 7-ஆம் தேதி ஹமாஸ் இஸ்ரேலுக்குள் நுழைந்து தாக்குதல் நடத்தி, பலரைக் கொன்று, மேலும் பலரைச் பேரைச் சிறைபிடித்துச் சென்றது.

அதற்கு பதிலடியாக இஸ்ரேல் காஸாவின்மீது வான்வழியாகவும் தரைவழியாகவும் தாக்குதல்கள் நடத்திவருகிறது. இதன் விளைவாகவே 50 பிணைக்கைதிகள் கொல்லப்பட்டிருப்பதாக ஹமாஸ் கூறியிருக்கிறது.

பட மூலாதாரம்,EMPICS

இதுபற்றி அபு ஒபேய்தா மேலதிக விவரங்களை வழங்கவில்லை.

ஹமாஸின் இந்தக் கூற்றுக்கு இஸ்ரேல் பாதுகாப்புப் படை ‘எந்தக் கருத்தும் இல்லை’ என்று பதிலளித்திருக்கிறது.

பிபிசியால் இந்த எண்ணிக்கையையோ அவர்கள் வழங்கிய விவரங்களையோ சரிபார்க்க முடியவில்லை.

காஸாவில் ஹமாஸ் அமைப்பினரால் சிறைபிடிக்கப்பட்டிருக்கும் 224 பணயக் கைதிகளை இஸ்ரேல் ராணுவம் இதுவரை அடையாளம் கண்டுள்ளது.

 

பட மூலாதாரம்,EPA

படக்குறிப்பு,

பிணைக்கைதிகளை மீட்க இஸ்ரேல் அரசாங்கம் மேலும் முயற்சிகளை மேற்கொள்ள வேண்டும் என்று இஸ்ரேல் மக்கள் போராட்டம் நடத்தினர்

‘பணயக் கைதிகளை மீட்க இனி அதிக நேரம் இல்லை’

பல பணயக் கைதிகள், இஸ்ரேலின் விமானப்படை குறிவைத்துத் தாக்கும் காஸாவிலுள்ள ஹமாஸின் சுரங்கப் பாதைகளில் சிறைவைக்கப்பட்டிருக்கலாம்.

இந்த வாரத் தொடக்கத்தில் ஹமாஸ் குழுவினர் சிறைபிடித்திருந்த யோஷேவேத் லைஃப்ஷிட்ஸ் என்ற இஸ்ரேலியப் பெண்ணை விடுவித்தனர். அவர் ஊடகங்களுக்குப் பேசியபோது, தான் ஈரப்பதம் மிக்க ‘சிலந்தி வலை’ போன்ற நிலத்தடிச் சுரங்கப்பாதையில் சிறை வைக்கப்பட்டிருந்ததாகச் சொன்னார்.

இஸ்ரேலிய விமானத் தாக்குதலில் பணயக் கைதிகள் கொல்லப்பட்டதாக ஹமாஸ் கூறுவது இது முதல் முறையல்ல. பணயக் கைதிகளைப் பிடித்து வைத்திருப்பதால் இஸ்ரேலுக்கு ஏற்படும் நெருக்கடியையும் வேதனையையும் அக்குழு நன்கு அறிந்திருக்கிறது.

இதைத்தொடர்ந்து, நேற்று டெல் அவிவ் நகரில், பணயக் கைதிகளை மீட்க இஸ்ரேல் அரசாங்கம் மேலும் முயற்சிகளை மேற்கொள்ள வேண்டும் என்றுகோரி இஸ்ரேல் மக்கள் மற்றொரு போராட்டம் நடத்தினர். பணயக் கைதிகளைக் குறித்து இஸ்ரேல் மக்களிடம் பொறுமையின்மை அதிகரித்து வருகிறது.

பணயக் கைதிகள் காப்பாற்றப்பட வேண்டிய நேரம் துரிதமாகக் கடந்து வருகிறது என்று அவர்கள் நினைக்கின்றனர்.

பட மூலாதாரம்,EPA

படக்குறிப்பு,

இந்த வார தொடக்கத்தில் ரஃபா எல்லை வழியாக காஸாவுக்குள் நுழையக் காத்திருக்கும் உதவி டிரக்குகள்

காஸாவில் விரைவாகத் தீர்ந்துவரும் உணவுப் பொருட்கள்

இந்நிலையில், காஸாவில் மனிதாபிமானச் சிக்கல்கள் தீவிரமடைந்து வருகின்றன என்று ஐ.நா.வின் உதவி நிறுவனங்கள் தெரிவித்துள்ளன.

உணவு மற்றும் எரிபொருள் வேகமாகத் தீர்ந்து வருவதாக அவர்கள் கூறுகிறார்கள்.

மிகக்குறைந்த அளவிலேயே உதவிப் பொருட்கள் காஸாவுக்குள் வருவதாக ஐ.நா.வின் உதவி நிறுவன அதிகாரிகள் கூறுகின்றனர்.

இதற்கான ஒரு காரணமாக எகிப்தின் ரஃபா எல்லையில் அளவுக்கதிகமான சோதனைகளும் அலுவல் முறைகளும் உதவிப்பொருட்களைச் சுமந்து செல்லும் வாகனங்களைத் தாமதப்படுத்துவதுதான் என்று ஐ.நா.வின் உலக உணவுத் திட்டத்தின் அதிகாரிகள் கூறுகின்றனர்.

காஸாவுக்குள் ஆயுதங்கள் கடத்தப்படுவதைத் தடுக்க இந்தச் சோதனைகள் அவசியமென்றாலும், இன்னும் பல மடங்கு அதிகமான உதவிப் பொருட்கள் காஸாவுக்குள் அனுப்பப்படவேண்டும் என்கிறார் உலக உணவித் திட்டத்தின் தலைவரான சிண்டி மெக்கெய்ன்.

https://www.bbc.com/tamil/articles/clm0jpd74x7o

உண்மையாகவே 50 பணயக்கைதிகள் கொல்லப்பட்டிருந்தால் இவர்கள் இன்னும் அதிக விலை கொடுக்க வேண்டி வரும். பணயக்கைதிகளை பாதுகாக்க வேண்டியது அவர்களது கடமை. ஒரு முடிவு வரும்போது இவர்கள் பதில் சொல்லியாக வேண்டும். ஆனாலும் பயங்கரவாதிகள் எல்லோரும் அழிக்கப்பட்டுவிடடாள் பிரச்சினை இருக்காது.  

4 hours ago, Cruso said:

உண்மையாகவே 50 பணயக்கைதிகள் கொல்லப்பட்டிருந்தால் இவர்கள் இன்னும் அதிக விலை கொடுக்க வேண்டி வரும். பணயக்கைதிகளை பாதுகாக்க வேண்டியது அவர்களது கடமை. ஒரு முடிவு வரும்போது இவர்கள் பதில் சொல்லியாக வேண்டும். ஆனாலும் பயங்கரவாதிகள் எல்லோரும் அழிக்கப்பட்டுவிடடாள் பிரச்சினை இருக்காது.  

இஸ்திரேலின் கண்மூடித்தனமான குண்டுவீச்சுக்குள்ளும் சாகாமல் 
ஓரிரு பயங்கவாதிகள் ஒருவேளை தப்பினால் ............
50 பயணக்கைதிகளையும் காப்பற்றாமல் போனதற்கு சரியான தண்டனையாக 
அவர்களுக்கு மரண தண்டனை வழங்க வேண்டும் 

இஸ்ரேல் சிறையில் உள்ள ஹமாஸ் உறுப்பினர்கள் விடுதலை செய்யப்பட்டால் பணயக்கைதிகளை விடுதலை செய்ய தயார் - ஹமாஸ்

Published By: RAJEEBAN     29 OCT, 2023 | 06:30 AM

இஸ்ரேலின் சிறையில் உள்ள ஹமாஸ் உறுப்பினர்களை விடுதலை செய்தால் தன்னிடமுள்ள பணயக் கைதிகளை விடுதலை செய்ய தயார் என ஹமாஸ் அறிவித்துள்ளது.

ஒக்டோபர் ஏழாம் திகதி மோதல் ஆரம்பித்த பின்னர் முதல்தடவையாக அறிக்கையொன்றை வெளியிட்டுள்ள ஹமாசின் தலைவர் யஹ்யா சின்வர் இதனை அறிவித்துள்ளார்.

சியோனிஸ்ட் எதிரியின் சிறையில் உள்ள கைதிகள் விடுதலை செய்யப்பட்டால் எதிர்ப்பாளர்களிடம் உள்ள அனைத்து பணயக்கைதிகளையும் விடுதலை செய்ய தயார் என அவர் அறிவித்துள்ளார்.

https://www.virakesari.lk/article/167974

19 hours ago, Maruthankerny said:

இஸ்திரேலின் கண்மூடித்தனமான குண்டுவீச்சுக்குள்ளும் சாகாமல் 
ஓரிரு பயங்கவாதிகள் ஒருவேளை தப்பினால் ............
50 பயணக்கைதிகளையும் காப்பற்றாமல் போனதற்கு சரியான தண்டனையாக 
அவர்களுக்கு மரண தண்டனை வழங்க வேண்டும் 

அப்படி எல்லாம் இல்லை. பயங்கரவாதிகளால் (ஹமாஸ் , ஹிஸ்புல்லா) ஏவப்படும் ரொக்கெட்டுகளால் அங்கு இஸ்ரேலிய சிறைகளில் கைதிகளாக உள்ளவர்கள்  கொல்லப்படலாம். அங்கு ஆயிரக்கணக்கான ஹமாஸ் இயக்கத்தவர்களும் அவர்களின் வால்களும் அடைக்கப்பட்டிருக்கிறார்கள்.