"தளிராடும் தூறலில்"

[kandiah Thillaivinayagalingam]

"தளிராடும் தூறலில்"

 

"தளிராடும் தூறலில் தாங்காத மோகத்தில் 
துளிர்விடும் இன்பக் காதல் நினைவில் 
ஒளிவீசும் உன் ஈர்ப்பு விழிகளில் 
எளிமை கொண்ட வீரநடை காண்கிறேன்!   
குளிர் காய்கிறேன் ஈரமாய் நனைகிறேன்!"

 

"எண்ண முடியா உடல் கவர்ச்சியும் 
எண்ணம் புரியா மௌனத்தின் அழகும்
வண்ணம் போடும் ஆகாயத்தின் எழிலும் 
மண்ணில் விழும் துளிகள் சொல்கின்றனவே! 
விண்ணில் உன் முகம் தெரிகிறதே!" 

  
[கந்தையா தில்லைவிநாயகலிங்கம்,
அத்தியடி, யாழ்ப்பாணம்]  

  

 

[ஈழப்பிரியன்]

39 minutes ago, kandiah Thillaivinayagalingam said:

தளிராடும் தூறலில்"

வயதானாலும் இன்னும் வாலிபனாகவே இருக்கிறீர்கள் தில்லை.

[kandiah Thillaivinayagalingam]

நன்றி   

"எளிமையான வாழ்வில் தூய்மை கண்டு
எதிலும் பற்றற்ற தனிமை கண்டு
எனக்குள் நானே எதையும் அலசி
என்போக்கில் வாழ பழகி விட்டேன்!”

"எழுதத் தொடங்கினேன் மனதில் பட்டதை 
உற்சாகம் தந்தனர் மகிழ்வும் வந்தது
பேரப் பிள்ளைகள் தனிமை போக்க 
ஆறுதல் அடைந்து ஆனந்தம் கண்டேன்!”

"உறங்கி கிடைக்கா மனது ஒருபக்கம் 
உலகம் துறக்கா ஆசை ஒருபக்கம்
பிறந்தநாள் கூட்டுது வயதை ஒருபக்கம்
பிரிந்த உறவுகளை எண்ணுது ஒருபக்கம்!”

"என்னை நினைக்க சிரிப்பு வருகுது
அவளை நினைக்க அழுகை வருகுது
வாழ்வை  நினைக்க ஆத்திரம் வருகுது   
மரணத்தை  நினைக்க மகிழ்ச்சி வருகுது!!”

 

[ஈழப்பிரியன்]

நித்தம் நித்தம் மாறுகின்ற எத்தனையோ
நெஞ்சில் நினைத்ததிலே நடந்ததுதான் எத்தனையோ

நித்தம் நித்தம் மாறுகின்ற எத்தனையோ
நெஞ்சில் நினைத்ததிலே நடந்ததுதான் எத்தனையோ
கோடு போட்டு வாழ்ந்தவர்கள் எத்தனையோ
கொண்ட குறியும் தவறி போனவர்கள் எத்தனையோ

நித்தம் நித்தம் மாறுகின்ற எத்தனையோ
நெஞ்சில் நினைத்ததிலே நடந்ததுதான் எத்தனையோ
கோடு போட்டு வாழ்ந்தவர்கள் எத்தனையோ

சுரை விதைத்த நிலத்தில்
வேறு செடி முளைத்தது
காதல் கதையில் பாதி நடக்கும் போது
திரை விழுந்தது

சுரை விதைத்த நிலத்தில்
வேறு செடி முளைத்தது
காதல் கதையில் பாதி நடக்கும் போது
திரை விழுந்தது
தங்கை உயிர் தானிருந்த இடத்தில் நின்றது
கண்டு அங்கும் இங்கும் இன்றி ஒன்று
மயங்குகின்றது
கண்டு அங்கும் இங்கும் இன்றி ஒன்று
மயங்குகின்றது

நித்தம் நித்தம் மாறுகின்ற எத்தனையோ
நெஞ்சில் நினைத்ததிலே நடந்ததுதான் எத்தனையோ
கோடு போட்டு வாழ்ந்தவர்கள் எத்தனையோ

இளமை துள்ளி எழுந்து நின்று
காதல் என்றது
குடும்ப நிலமை எதிரில் வந்து நின்று
கடமை என்றது

இளமை துள்ளி எழுந்து நின்று
காதல் என்றது
குடும்ப நிலமை எதிரில் வந்து நின்று
கடமை என்றது
காதல் என்னும் பூ உலர்ந்து கடமை வென்றது
என்றும் மேடு பள்ளம் உள்ளதுதான்
வாழ்க்கை என்பது
என்றும் மேடு பள்ளம் உள்ளதுதான்
வாழ்க்கை என்பது

நித்தம் நித்தம் மாறுகின்ற எத்தனையோ
நெஞ்சில் நினைத்ததிலே நடந்ததுதான் எத்தனையோ
கோடு போட்டு வாழ்ந்தவர்கள் எத்தனையோ

தனிக் கொடியாய் நடை இழந்து
தவித்தது ஒன்று
அதன் துணைக்கு வந்து துயர் துடைக்க
நின்றது ஒன்று
இதற்க்கிதுதான் என்று முன்பு யார் நினைத்தது
வழி இங்கு வந்து முடியும் என்றால்
யார் தடுப்பது
வழி இங்கு வந்து முடியும் என்றால்
யார் தடுப்பது

நித்தம் நித்தம் மாறுகின்ற எத்தனையோ
நெஞ்சில் நினைத்ததிலே நடந்ததுதான் எத்தனையோ
நித்தம் நித்தம் மாறுகின்ற எத்தனையோ

10 minutes ago, kandiah Thillaivinayagalingam said:

என்னை நினைக்க சிரிப்பு வருகுது
அவளை நினைக்க அழுகை வருகுது
வாழ்வை  நினைக்க ஆத்திரம் வருகுது   
மரணத்தை  நினைக்க மகிழ்ச்சி வருகுது!!”

 

[kandiah Thillaivinayagalingam]

பந்தபாசத்தில் சீர்காழி பாடிய, மாயவநாதனின்  ‘நித்தம் நித்தம் மாறுகின்றதெத்தனையோ’ என்ற பொருத்தமான பாடலை தேடி எடுத்து பதிந்ததுக்கு மிக்க நன்றி !