தெற்கு சிங்கள இளைஞன் என்றவகையில் தேசத்துரோகியாக மரணிக்க விரும்பவில்லைஆளும் தரப்புக்கு மாறிய மஹிந்த ரட்ணதிலக எம்.பி. கூறுகிறார்

தெற்கில் பிறந்த சிங்கள இளைஞன் என்றவகையில் தேசத்துரோகியாக மரணிக்க நான் விரும்பவில்லை. வரவு செலவு திட்டம் 18 மேலதிக வாக்குகளால் வெற்றிபெறும் என அரசு தரப்புக்கு மாறியுள்ள ஐக்கிய தேசியக் கட்சியின் இரத்தினபுரி மாவட்ட பாராளுமன்ற உறுப்பினர் மஹிந்த ரட்ணதிலக தெரிவித்தார்.புலிகளின் 20 தற்கொலை குண்டுதாரிகள் கொழும்புக்குள் ஊடுருவியுள்ளனர்.

ஜனாதிபதி மஹிந்த ராஜபக்ஷ, பாதுகாப்பு அமைச்சின் செயலாளர் கோத்தபாய ராஜபக்ஷ, பாராளுமன்ற உறுப்பினர் பசில் ராஜபக்ஷ உள்ளிட்ட 10 அமைச்சர்களை தற்கொலைத் தாக்குதல் மூலம் கொலைசெய்வதற்கும் புலிகள் திட்டமிட்டுள்ளனர் என்றும் அவர் கூறினார்.

கொழும்பில் உள்ள அரசாங்க தகவல் திணைக்களத்தில் அமைச்சரவை முடிவுகளை அறிவிக்கும் செய்தியாளர் மாநாட்டில் கலந்துகொண்டு பேசுகையிலேயே பாராளுமன்ற உறுப்பினர் மஹிந்த ரட்ணதிலக மேற்கண்டவாறு குறிப்பிட்டார். அவர் இங்கு மேலும் கூறியதாவது:

புலிகளையும் அவர்களின் பயங்கரவாத செயற்பாடுகளையும் ஒழித்துக்கட்ட வேண்டும். அந்த இலக்குடன் செயற்படும் ஜனாதிபதி மஹிந்த ராஜபக்ஷவிற்கு ஆதரவு வழங்குவதற்கு நான் தீர்மானித்துள்ளேன். 1983 ஆம் ஆண்டு முதல் நான் ஸ்ரீலங்கா சுதந்திரக் கட்சி உறுப்பினராகவே அரசியல் செய்தேன். 1992 ஆம் ஆண்டு வடக்கையும் புலிகளிடமிருந்து மீட்பேன் என்று முன்னாள் ஜனாதிபதி டி.பி. விஜயதுங்க அறிவித்தார்.

இதனால் கவரப்பட்ட நான், அன்றுதொட்டு ஐக்கிய தேசியக் கட்சியுடன் இணைந்து எனது அரசியல் செயற்பாடுகளை முன்னெடுத்து வருகின்றேன். இன்று ஜனாதிபதி மஹிந்த ராஜபக்ஷவும் அவ்வாறானதொரு நிலைப்பாட்டில் உள்ளார். அதனாலேயே அவருக்கு ஆதரவு வழங்க தீர்மானித்துள்ளேன். ஐக்கிய தேசியக் கட்சியின் பாராளுமன்ற உறுப்பினராகவே அரசாங்கத்திற்கு ஆதரவு வழங்குகின்றேன். கட்சியை விட்டு நான் விலகிவிடவில்லை.

அதற்காக ஐக்கிய தேசியக் கட்சியின் ஜனநாயக்குழுவிலும் இணைந்துவிடவில்லை. நான் தனித்தே செயற்படுவேன். அரசுக்கு ஆதரவு வழங்குவது தொடர்பான தீர்மானத்தையும் தனித்தே எடுத்தேன். பணத்தின் மூலம் அரசு தரப்பினரை எதிர்க்கட்சி வரிசையில் அமரச்செய்வதன் மூலம் அரசாங்கத்தை கவிழ்ப்பதற்கு புலிகள் திட்டமிட்டுள்ளனர். பயங்கரவாதிகளை ஒழிப்பதன் மூலம் மட்டுமே தமிழ் மக்களுக்கு நிரந்த தீர்வை பெற்றுக்கொடுக்க முடியும்.

http://www.tamilwin.net/

பணம் செய்யும் கோலம் அதனை நியாயப்படுத்த புலி தேவை இந்த அரசியல் விபச்சாரிகளுக்கு

சரியாகச் சொன்னீர்கள் ஈழவன்! அரசியல் விபச்சாரிகள்- இதைவிட இவர்களுக்கு பொருத்தமான பெயர் இருக்காது.