வீரகேசரி இணையம் - இளைஞர் என்றால் புலி ஈழத் தமிழ் பேசினால் புலி எனக்கு புலிகளுடன் தொடர்பில்லை என்று கூறுபவர்களும் புலிதான் என மத்திய அரசு கூறுகிறது. நான் விடுதலைப்புலிகளை ஆதரித்துப் பேசி என்னை துரோகி என்று, பொறுப்பற்ற கொள்கையற்ற சிலர் விமர்சிக்கின்றனர். ஆனால் அவர்களுக்காக எனது கொள்கைகளிலிருந்து நான் ஒருபோதும் பின்வாங்க மாட்டேன் என்று விடுதலை சிறுத்தைகள் அமைப்பின் தலைவர் தொல். திருமாவளவன் தெரிவித்துள்ளார்.

பெட்ரோல், டீசல் விலையுயர்வைக் கண்டித்து சென்னையில் நேற்றுமுன்தினம் விடுதலைச் சிறுத்தைகள் கட்சியினர் ஆர்ப்பாட்டம் நடத்தினர். இதில் விடுதலை சிறுத்தைகள் கட்சித் தலைவர் தொல். திருமாவளவன் கலந்துகொண்டு ஏமலும் தெரிவித்ததாவது :

மத்திய அரசின் தவறான பொருளாதாரக் கொள்கையால் மக்களுக்கு ஏற்படும் பாதிப்பு பற்றி பொறுப்புள்ள எதிர்க்கட்சித் தலைவர் பொறுப்பற்ற விதத்தில் பேசாமல் இருக்கிறார். ஆனால் விடுதலைப் புலிகளைப் பற்றி பேசியதால் என்னை 10 ஆண்டுகள் சிறையில் தள்ளவேண்டும் என்று பேசி வருகிறார். அரைவேக்காடு என்றெல்லாம் பேசியுள்ளார். இதைப் பற்றியெல்லாம் நாங்கள் கவலைப்படுவதில்லை.

தமிழகத்தில் கைதானவர்களில் ஒருவர்கூட புலிகள் அல்லர். இளைஞர் எனறால் புலி. ஈழத்தமிழ் பேசினால் புலி. 15 ஆண்டுகளாக இயக்கத்துடன் தொடர்பு இல்லை என்று சொன்னாலும் புலி என்கின்றனர். ஆனால் ஒருவரைக்கூட விடுதலைப் புலியாக அடையாளம் காட்ட முடியவில்லை.

மத்திய அரசை எதிர்த்துப் பேசுவ தால் திருமாவளவன் கூட்டணியில் இருக்கலாமா? என்றெல்லாம் ஏளனமாகப் பேசுகிறார்கள். யாருக்காகவும் எங்களது கருத்துரிமையில் இருந்து பின்வாங்க முடியாது.

நன்றி வீரகேசரி

சிறைக்கு சென்றாலும் ஆதரவு தொடரும்: திருமா உறுதி

'வாழ்நா‌ள் முழுவதும் சிறையில் அடைத்தாலும் உலக தமிழர்களுக்கான எங்களது ஆதரவு தொடரும்' என்று விடுதலைச் சிறுத்தைகள் அமைப்பின் திருமாவளவன் திட்டவட்டமாக கூறியுள்ளார்.

இதுகுறித்து திட்டக்குடி அருகேயுள்ள நிராமணியில் நட‌ந்த அம்பேத்கர் விழாவில் கலந்துகொண்டு திருமாவளவன் பேசியதாவது:

நாட்டில் வெவ்வேறு தலைவர்கள் வெவ்வேறு காரணங்களுக்காக போராட்டங்கள் நடத்தி வருகின்றனர். ஆனால், தாழ்த்தப்பட்ட மக்களின் பிரச்சனைகள் எவருக்கும் தெரியவில்லை. தாழ்த்தப்பட்ட மக்களுக்காக ஒரு பண்பாட்டு புரட்சியே செய்தவர் அம்பேத்கர்.

ஒட்டுமொத்த தமிழர்களுக்காக பாடுபடும் ஒரே இயக்கம் விடுதலைச் சிறுத்தைகள் மட்டும்தான். அரசியல் விழிப்புணர்வு பெறுவதன் மூலமே பெண்கள் முன்னேற்றம் காண முடியும்.

உலக தமிழர்களை ஆதரிப்பதற்காக அதிமுக பொதுச் செயலாளர் ஜெயல‌லிதா என்னை கைது செய்து சிறையில் அடைக்க வேண்டும் என்கிறார். வாழ்நா‌ள் முழுவதும் நான் சிறையில் இருந்தாலும், எனது கொள்கையை, நிலைப்பாட்டை மாற்றி கொள்ளவே மாட்டேன். உலக தமிழர்களுக்கு நாங்கள் தொடர்ந்து தார்மீக ஆதரவு த‌‌ருவோ‌ம். இவ்வாறு அவர் பேசினார்.

நன்றி : யாகூதமிழ் (மூலம் - வெப்துனியா)

தனது தமிழ் உணர்விலும் கொள்கை பிடிப்பிலும் சிறிதும் விட்டு கொடுக்காதவர் திருமாவளவன் அவர்கள்! தொடர்ந்து புலிகளுக்கு ஆதரவாக தமிழகத்தில் ஓங்கி குரல் கொடுக்கும் திருமா.அவர்களுக்கு எனது பாரட்டுக்கள்!!!!