தமிழ் மண்ணைக் கைப்பற்றி ஆக்கிரமித்தாலும் தமிழர்களின் போரட்டம் தொடரும் - சுரேஷ் எம்.பி.

இந்த அரசு தமிழர்களின் பூர்வீக நிலங்கள் எவற்றைக் கைப்பற்றி ஆக்கிரித்தாலும் தமிழாகளுக்கு உரிய அரசில் தீர்வு கிடைக்கும் வரை தமிழர்களின் போராட்டம் தொடந்த வண்ணமே இருக்கும் என்று த.தே.கூட்டணி எம்.பி. சுரேஷ் பிரேமச்சந்திரன் நேற்று நாடாளுமன்றில் கூறினார்.

போரட்டத்தின் வடிவம் மாறுமே தவிர, போராட்டத்தின் நோக்கம் ஒருபோதும் மாறாது என்று கூறிய அவர். கௌவரவம் மிக்க அரசியல் தீர்வின் ஊடாகவே தொடரும் இந்த யுத்தத்தை நிறுத்த முடியும் என கூறினார்.

பாராளுமன்றில் சாட்சிகளைப் பாதுகாக்கும் சட்டமூலம் மீதான விவாதத்தின் போது பேசிய அவர் மேலும்

வடகிழக்கு மற்றும் கொழும்பு உட்பட எல்லா இடங்களிலும் மனித உரிமை மீறல்கள் இடம் பெறுகிறது.

இப்படியான நிலையில் இன்றைய சூழலில் சாட்சிகளைப் பாதுகாப்பும் சட்ட மூலம் கொண்டு வரப்பட்டிருக்கின்றமை பலத்த சந்தேகத்தை ஏற்படுத்துகின்றது.

சர்வதேசத்தை ஏமாற்றும் அரசின் கண்கட்டு வித்தைதான் இந்தச் சட்டமூலம்.

ஏற்றுமதி வரிச்சலுகை உள்ளிட்ட பல விடயங்களைக் காப்பாற்றிக் கொள்வதற்காகவே இச் சட்ட மூலம் கொண்டு வரப்பட்டிருக்கினறது.

உண்மையில் ஐரோப்பிய ஒன்றியத்தைத் திருப்திப் படுத்தவே இந்தச் சட்டமூலம் கொண்டுவரப்பட்டிருக்கிறது. சாட்சிகளைப் பாதுகாக்கும் உண்மையான நோக்கம் இலங்கை அரசுக்கு இருந்திருந்தால் இதை எப்போதோ அது கொண்டு வந்திருக்கும்.

திருகோணமலையில் ஐந்து மாணவர்கள் கொல்லப்பட்னர்: மூதூரில் 17 தொண்டு நிறுவன ஊழியர்கள் கொல்லப்பட்னர்: எம்.பிக்கள் கொல்லப்படடனர். ஆனால், கொலையாளிகள் எவரையும் அரசு கைது செய்யவில்லை.

யுத்தம் என்ற பெயரில் அரசு எதையும் செய்யும். அரசின் செயற்பாட்டுக்கு எதிராக சிங்ளவர்கள் குரல் எழுப்பினால் அவர்களுக்கும் புலி முத்திரை குத்தப்படுகின்றது.

யுத்தத்தை நிறுத்தம் படி சிங்களவாகள் பேசினால் அவர்கள் 'தேசத் தூராகிகள்' என்று அழைக்கப்படுகின்றனர்.

இன்று தமிழர்களின் மண்ணை நீங்கள் பிடிக்கலாம். வடக்கை பிடித்தோம், கிழக்கைப் பிடித்தோம் என்றெல்லா அரசு சொல்லலாம். ஆனால், தமிழர்களுக்கு உரிய தீர்வு கிடைக்கும் வரை தமிழர்களின் போரட்டம் தொடர்ந்து கொண்டேதான் இருக்கும்.

இந்த விடுதலைப் போராட்டத்தை நிறுத்த ஆட்சிக்கு வந்த அனைத்து அரசுகளும் நடவடிக்கை எடுத்தன. கடந்த 30 வருடங்களுக்கு மேலாக இந்த நடவடிக்கை முன்ளெடுக்கப்பட்ட போதிலும் அந்த நடவடிக்ககைள் வெற்றியளிக்கவில்லை.

தமிழர்களுக்கு அரசியல் ரீதியான பிரச்சினைகள் உண்டு என்பதை உணர்ந்து அதற்குத் தீர்வு முன்வைக்க சிங்கள அரசுகள் முன்வராவிட்டால் இந்த யுத்தத்தை ஒருபோதும் முடிவுக்குக் கொண்டு வர முடியாது.

போராட்டத்தின் வடிவம் மாறலாம். ஆனால் போராட்டம் நிற்காது. இந்த நோக்கம் இல்லாமல் போகாது.

இந்தத் தேவையற்ற யுத்தம் காரணமாக நாளாந்தம் நூற்றுக் கணக்கான அரசு படையினர் கொல்லப்படுகின்றனர். அதுபற்றிய செய்திகளை வெளியிட முடியாமல் ஊடகங்களுக்கு அரசு வாய்ப்பூட்டு போட்டுள்ளது.

தமிழர்களுக்குப் பொருத்தமான தீர்வைக் கொடுத்துத் தமிழர்களும் சிங்களவர்களும் கைகோர்த்து வாழுகின்ற சூழலை இந்த அரசு இப்போது இல்லாமல் செய்துவிட்டது.

இந்த இரண்டு இனங்களும் கௌரவாமாக இணைந்து வாழக்கூடிய நிலை இப்போது அறவே இல்லை. அதற்கான அடிப்படை ஏற்பாடுகள் எவற்றையுமே இந்த அரசு செய்யவில்லை.

இந்த அரசு செய்ததெல்லாம் தமிழர்கள் பற்றி சிங்கவர்கள் மனங்களில் குரோதத்தை உருவாக்கி வளர்த்ததுதான்.

இப்படியானதோரு நிலயில் இப்போது அரசினால் கொண்டுவரப்பட்டிருக்கும் சட்டமூலம எப்படித் தமிழ் மக்களுக்கு வாய்பாபக அமையும்?

இந்தச்சட்ட மூலத்தை நாம் நம்பப் போவதில்லை. இது சர்வதேசத்தை ஏமாற்றும் கண்கட்டு வித்தை என்றர்ர்.

நன்றி : சுடர் ஒளி