இலங்கை யுத்த நிறுத்தத்திற் அழைப்பு விடுக்கிறார் ஆஸ்திரேலிய எம்.பி

இலங்கை மோதலுக்கு சமாதானத் தீர்வு காண்பதற்காக அதிகாரத்தை அவுஸ்திரேலிய அரசு பயன்படுத்த வேண்டும் என்று அழைப்பு விடுக்கப்பட்டிருப்பதுடன், 2002 இல் அரசும் புலிகளும் மேற்கொண்ட யுத்த நிறுத்த உடன்படிக்கையை முறையாக மீண்டும் அமுல்படுத்துமாறு கொழும்புக்கு அழுத்தம் கொடுக்குமாறு வலியுறுத்தப்பட்டிருக்கிறது.

இது தொடர்பாக மகஜரொன்றை அவுஸ்திரேலிய எம்.பி.யான ஜோன் மேர்பி நேற்று புதன் கிழமை சபைப் பிரதிநிதிகள் சபையில் சமர்ப்பித்தார்.

இந்த மகஜரில் 4ஆயிரத்துக்கும் அதிகமான அவுஸ்திரேலியர்கள் கையொப்பமிட்டுள்ளனர்.

இலங்கை மோதலுக்கு சமாதானத் தீர்வு காண்பதற்காக அவுஸ்திரேலிய அரசு தனது சகல அதிகாரத்தையும் பயன்படுத்த வேண்டுமெனவும் 2002 யுத்த நிறுத்த உடன்படிக்கையை முறையாக அமுல்படுததினால் இலங்கயைருக்கும் நம்பிக்கையை அது ஏற்படுத்துமென்றும் அத்துடன், அப்பாவி மக்களின் தேவையற்ற மரணங்கள், இடப்பொயர்வுகளை அது முடிவுக்கு கொண்டு வருமெனவும் அம்மகஜரில் தெரிவிக்கப்பட்டுள்ளது.

பல்லாயிரக்கணக்கான மக்களை இடம்பெயரச் செய்திருக்கும் இலங்கை மோதலுக்கு சாதானத் தீர்வை தேட வேண்டிய அரசிலுள்ள சகல தரப்பினரதும் கடமையாகும். மூன்று தசாப்தங்களாக போர்; தொடர்கின்ற நிலையில் இலங்கையில் இரத்தப் பெருக்கை நிறுத்தி சமாதானத் தீர்வுக்காக பாடுபடுமாறு சகல தரப்பினருக்கும் உலக அரசுகள் ஒன்றுபட்டு அழைப்பு விடுப்பதற்கான தருணம் வந்துள்ளது. மோதலுக்கு சமாதானத் தீர்வு காண்பதுடன் வடகிழக்கிலுள்ள தமிழ் மக்களின் மீள் குடியேற்றம், புனர் வாழ்வு தொடர்பாக நடவடிக்கை எடுப்பதற்கும் உலக நாடுகள் ஒன்றுபட வேண்டிய வேளை வந்துள்ளது. என்றும் ஜோன் மேர்பி குறிப்பிட்டுள்ளார்.

அத்துடன் இலங்கை அரசு இனப்படுகொலை குற்றத்தை மேற்கொண்டுள்ளதாகவும் மகஜரில் குற்றம் சாட்டப்பட்டிருப்பதுடன் இலங்கைக்கான சகல உதவிகளையும் அவுஸ்திரேலிய பாராளுமன்றம் நிறுத்த வேண்டுமெனவும் கோரிக்கை விடுக்கப்பட்டுள்ளது. அத்துடன் தமிழ் மக்களின் சம உரிமைகள், சுயநிர்ணய உரிமை என்பவற்றை அங்கீகரிக்குமாறு வேண்டுகோள் விடுக்கப்பட்டுள்ளது.

நன்றி தினக்குரல்