இருதரப்பும் பாதுகாப்பு உத்தரவாதம் தந்தால்தான் இம்முறை மடுத் தேவாலயத் திருவிழாவை நடத்தலாம் தன்னைச் சந்தித்த அமைச்சர் குழுவிடம் மன்னார் ஆயர் தெரிவிப்பு

மன்னார் மடுத் தேவாலயத்தில் இம்முறை திருவிழா இடம்பெறவேண்டுமானால் விடுதலைப் புலிகளும், இராணுவத்தினரும் பாதுகாப்பு உத்தரவாதம் தரவேண்டும்''

இவ்வாறு மன்னார் மாவட்ட ஆயர் இராயப்பு ஜோசப் ஆண்டகை நேற்று தன்னைச் சந்தித்த அமைச்சர்கள் மட்ட உயர் குழுவிடம் தெரிவித்திருக்கிறார்.

திருவிழா இடம்பெறும் பகுதியில் ஆயுதப் பிரசன்னமோ அரசியல் நோக்கங்களோ அல் லது இராணுவ நோக்கங்களோ இருக்கக் கூடாது என்றும் அவர் அமைச்சர்களிடம் எடுத்துக் கூறினார்.

இந்த விடயம் குறித்து மன்னார் ஆயர் நேற்றிரவு பி.பி.ஸி தமிழோசைக்குத் தெரிவித்த விடயங்கள் வருமாறு:

வன்னி நிலப்பரப்பில் இராணுவத்தினர் தொடர்ச்சியாக மேற்கொண்டு வரும் தாக் குதல்கள் காரணமாக அப்பகுதி மக்கள் இடம்பெயர்ந்து பாரிய நெருக்கடிக்குள் ளாக் கப்பட்டிருக்கின்றனர். அவர்களைப் பாது காப்பதற்குரிய ஒழுங்குகளை அரசு மேற் கொள்ள வேண்டும் என நான் அமைச்சர் களைக் கேட்டுக்கொண்டேன். அங்குள்ள 4 இலட்சம் மக்களுக்கு அரச சார்பற்ற நிறுவனங்கள் உதவி புரிவதற்கு தடை ஏற்படுத்தக்கூடாது என்றும் நான் அவர்களிடம் கோரிக்கை விடுத்தேன்.

மன்னார், வவுனியா மாவட்டங்களின் மனித உரிமை நிலைமைகள், போக்குவரத்துக்கள் தொடர்பில் மக்கள் எதிர்நோக்கிவரும் பிரச்சினைகளுக்கு மாற்று நடவடிக்கைகள் செய்து தரவேண்டும் எனவும் வேண்டுகோள் விடுத்தேன்.

மடுமாதா திருவிழா இடம்பெறவேண்டும் என்றால் இருதரப்பினரும் மடுப்பிரதேசத்தை சமாதானப் பிரதேசமாகப் பிரகடனம் செய்து அங்கு செல்லும் பொதுமக்களின் பாதுகாப்பை உறுதிசெய்ய வேண்டும். அங்கு விடுதலைப் புலிகளும், அரச படையினரும் எமக்கு பாதுகாப்பு உத்தரவாதம் தரவேண்டும்.

அங்கு பாதுகாப்பு உத்தரவாதத்தைத் தருவோம் என அமைச்சர்கள் என்னிடம் தெரிவித்தனர். இராணுவத்தினர் உத்தரவாதம் தரும்வேளையில் விடுதலைப்புலிகளுடனும் இந்த விடயம் தொடர்பில் பேசி, அவர்களும் உத்தரவாதம் தந்தால்தான் இந்தத் திருவிழாவை நடத்துவதற்கு நாங்கள் முடிவெடுப்போம் எனவும் நான் அமைச்சர்களிடம் எடுத்துக் கூறினேன்.

மடுமாத ஆலயம்ஓர் ஆன்மிகப் பிரதேசம். அந்த இடத்தில் ஆயுதப்பிரசன்னமோ, அரசியல் நோக்கங்களோ இருக்கக்கூடாது என்றும் அவர்களுக்கு விரிவாக விளக்கப்பட்டது என்றார்

http://www.uthayan.com/