உயிர் அச்சுறுத்தல் - குடாநாட்டு மக்கள் யாழ் மனித உரிமை ஆணைக்குழுவில் சரணடையும் பரிதாப நிலை தொடர்கிறது:

உயிர் அச்சுறுத்தல் காரணமாக யாழ் மனித உரிமை ஆணைக்குழுவின் பணிமனையில் சரணடையும் யாழ்ப்பாண வாசிகளின் பரிதாப நிலை தொடர்கிறது. யாழ்- பலாலி வீதியின் கந்தர்மடத்தை சேர்ந்த 27 வயதான ஒருவர் தனக்கு ஏற்பட்டுள்ள உயிர் அச்சுறுத்தல் காரணமாக யாழ்ப்பாணம் -மனித உரிமை ஆணைக்குழுவில் நேற்று (நவூ) சரணடைந்துள்ளார்.

இலங்கை இராணுவத்தினரால் தனது உயிருக்கு அச்சுறுத்தல் இருப்பதாக அவர் ஆணைக்குழுவில் முறைப்பாடு செய்துள்ளார். சரணடைந்தவர் யாழ்ப்பாணம் சிறைச்சாலையில் தங்கவைப்பட்டு அவருக்கு பாதுகாப்பு வழங்கப்படும் என மனித உரிமை ஆணைக்குழு தெரிவித்துள்ளது.

இதேவேளை அரசாங்கத்தின் கட்டுப்பாட்டில் உள்ள யாழ்ப்பாணத்தில் ஆட்கடத்தல், கொலை, அடையாளம் தெரியாத நபர்களின் துப்பாக்கிச் சூடு உள்ளிட்ட சம்பவங்கள் தொடர்ந்த வண்ணம் உள்ளதாக தெரிவிக்கப்படுகிறது. உலகத்தில் தமது உயிர்களை பாதுகாத்து கொள்ளும் நோக்கில் விரும்பியே சிறைச்சாலைக்கு செல்லும் நபர்களை கொண்ட ஒரே பிரதேசம் யாழ்ப்பாணம் என சுட்டிக்காட்டப்பட்டுள்ளது.

இவ்வாறு உயிர் அச்சுறுத்தல் காரணமாக சரணடைந்த ஒருவர் சில மாதங்களுக்கு முன்னர் நீதிமன்றத்திற்கு கொண்டு செல்லும் வழியில் இனந்தெரியாத ஆயுததாரிகளினால் சுட்டுக்கொல்லப்பட்டமை குறிப்பிடதக்கது.

http://www.globaltamilnews.net/tamil_news....=2047&cat=1

உண்மை நிலையை புலம்பெயர் மக்கள் தான் வெளியே கொண்டுவர வேண்டும். செய்திதடையும், ஊடகத்துக்கு எதிரான அடக்குமுறையும் தொடரும்போது உண்மைகள் உறங்கிவிடும். நாம் வாழும் நாடுகளில் கருத்துச் சுதந்திரம் எமக்கு உள்ளது. தகுந்த ஆதாரங்களுடன், ஊடகங்களுக்கு நாமே எழுதலாமே? நடப்பது உலகத்துக்கு தெரியுது எண்டால் செய்பவன் யோசிப்பான், கொஞ்சமாவது எங்கள் யாழ்ப்பாண சனத்தின் துன்பம் குறையும்.