இலங்கை அரசுப் படைகளின் பல முனைப் படை நடவடிக்கைகளினால் நொந்து, நொடித்துப் போயுள்ள விடுதலைப் புலிகள் வேறு வழியின்றி யுத்த நிறுத்தத்துக்கு வழி செய்வதற்காகப் பல தரப்புகளிடமும் ஓடித்திரிந்து காலில் விழுந்து கெஞ்சுகின்றனர் என்பது போலவும் :-

ஆனால் இராணுவ வலுச் சமநிலையில் உச்சத்தில் இருக்கும் அரசுத்தரப்பு, புலிகளின் கெஞ்சலை உதாசீனம் செய்து, புறம் ஒதுக்கி, புலிகளின் தற்போதைய யுத்த நிறுத்த அறிவிப்பைத் திமிரோடு நிராகரிக்கின்றது என்ற மாதிரியாகவும் -

தென்னிலங்கையில் இப்போது செய்திகள் வெளியாகிக் கொண்டிருக்கினறன. செய்திகள், கட்டுரைகள், கேலிச்சித்திரங்கள் எனப்பலவாறாக வெளியாகும் இக்கருத்து வடிவங்களில் எல்லாம் யுத்த நிறுத்தத்துக்குத் தாம் தயார் என்ற புலிகளின் இப்போதைய அறிவிப்பு அவர்களின் எதிர்ப்பார்போடு கூடிய கெஞ்சல் நடவடிக்கை என்ற அர்த்தத்தைத் தருவதாகக் காட்டப்படுகின்றது.

உண்மை நிலைமை அதுவல்ல -

ஈழத்தமிழர் தாயகம் மீது இலங்கை அரசுப்படைகள் தொடுத்திருக்கும் கொடூர யுத்தம் காரணமாக, தமிழர் தாயக மக்கள் பேரவலத்துக்குள்ளும் பெரும் மனிதாபிமானப் பிரச்சினைகளுக்குள்ளும், போரழிவுகளுக்குள்ளும் சிக்கும் நிலைமை ஏற்பட்டிருக்கினறது. இந்த விடயம் தமிழகத்திலே பெரு மக்கள் உணர்வெழுச்சியைக் கிளப்பி விட்டிருக்கின்றது.

தம் உரிமைக்காக, நியாய வாழ்வுக்காக, கௌரவத்துடன் கூடிய இருப்புக்காத் தங்கள் உயிரையும் உடைமைகளையும் இழந்து பெரும்பான்மை இனத்தவர்களான சிங்களவர்களின் ஆட்சி அதிகாரத்துக்கு எதிராகப் போராடி வரும் சிறுபான்மை இனத்தவர்களான ஈழத்தமிழர்கள், தமது அந்த நியாயப் போராட்டடத்ததுக்கு வலிமையும் உறுதியும் சோப்பதற்காக அயலில் இனத்தாலும், மொழியாலும் ஒன்றுபட்டு நிற்கும் தமிழகத் தமிழர்களின்; ஆதரவையும், ஒத்துழைப்பையும், உதவி ஒத்தாசைகளையும் பெற்றுக் கொள்வது அத்தியாவசியமானதாகும். அது தவிhக்கமுடியாத கட்டாயமாகும்.

இந்த வகையில் தங்களுக்காக, தங்கள் இரத்த உரித்துக்கள் தமிழகத்தில் கிளாந்தெழுந்திருக்கும் போது அந்த உறவுகளை அரவணைத்து, அவர்களோடு இயைந்து, நீதிக்கான போரட்டத்தை முன்னெடுப்பதே ஈழத் தமிழர்களுக்கு உள்ள ஒரே மார்க்கமாகும்.

அந்த வகையில் தமிழகத்தில் அந்த உணர்வெழுச்சிக்குத் தலைமை தாங்கி அதை வழிநடத்தும் பொறுப்பைத் தாமாக சுவீகரித்துள்ள தமிழக முதலவர் கலைஞர் கருணாநிதி, போர் நிறுத்த விவகாரத்தை முன்னிலைப் படுத்திக் கருத்துக் கூறி வருகிறார்.

இலங்கையில் போர் நிறுத்தத்தைக் கடைப்படிப்பதாயின் அது போரில் சம்பந்தப்பட இரு தரப்புகளும் தொடர்புடைய விடயம். ஒருதரப்பை மட்டும் யுத்தத்தை நிறுத்துமாறு நாம் கோரமுடியாது என்று கலைஞர் பகிரங்கமாகக் கருத்து வெளியிட -

இவ்விடயத்தை ஒட்டித் தங்களின் கருத்து நிலைப்பாட்டை விடுதலைப் புலிகள் வெளிப்படையாகத் தெளிவுபடுத்த வேண்டும் என இந்தியக் கம்யூனிஸ் கட்சியின் தமிழக மாநிலத் தலைவர் தா.பாண்டியன் கோரிக்கை முன்வைக்க -

அதையடுத்தே விடுதலைப் புலிகளின் அரசியல் பொறுப்பாளர் பா.நடேசன் தங்கள் தரப்புக் கருத்து நிலப்பாட்டைத் தெளிவுபடுத்தியிருக்கின்றார

Edited November 12, 200817 yr by Janarthanan

தமிழர் தரப்பு தமிழ் மக்கள் மீது சிங்கள இனவெறி அரசால் தொடுக்கப்பட்ட இன அழிப்பு போரையே தம்மால் முடிந்தவரை தமிழர்கள் எதிர்கொள்கிறார்கள். அப்பாவி தமிழரை சிங்கள பேரினவாதத்தின் இன துடைத்தழிப்பில் இருந்து பாதுகாக்கும் போரே அவர்கள் செய்வது.