டகளஸ் தேவானந்தவை கொலை செய்ய முயற்சி - தற்கொலை குண்டுதாரி ஒருவர் உட்பட 3 விடுதலைப்புலிகள் கைது என்கிறது காவற்துறை:

டகளஸ் தேவானந்தவை கொலை செய்ய முயற்சி - தற்கொலை குண்டுதாரி ஒருவர் உட்பட 3 விடுதலைப்புலிகள் கைது என்கிறது காவற்துறை:

GTN news

ஈழமக்கள் ஜனநாயகக் கட்சியின் தலைவரும் அமைச்சருமான டகளஸ் தேவானந்தவை கொலை செய்யும் நோக்கில் சென்றதாக கூறப்படும் தற்கொலை குண்டுதாரி ஒருவர் உட்பட மூன்று விடுதலைப்புலிகளை தெஹிவளை பிரதேசத்தில் வீடொன்றில் மறைந்திருந்த போது தாம் கைதுசெய்துள்ளதாக காவற்றையினர் தெரிவி;த்துள்ளனர்

அமைச்சர் தேவானந்தா கொலை திட்டம் தவிர இவர்கள் மேலும் பல தாக்குதல்களை நடத்த திட்டமிட்டிருந்தனர் எனவும் காவற்துறையினர் கூறியுள்ளனர். கைதுசெய்யப்பட்டவர்களின் பெண் உறுப்பினர் ஒருவரும் இருப்பதாகவும் அமைச்சர் வாகனத்தில் சென்று கொண்டிருக்கும் போது அவரை இலக்கு வைத்து தாக்கல் நடத்த இவர்கள் திட்டமிட்டிருந்தனர் எனவும் காவற்துறையினர் குறிப்பிட்டுள்ளனர்.

இதனைத் தவிர பாதுகாப்பு உயர் அதிகாரிகளை கொலை செய்யும் நோக்கில், கார் குண்டொன்று தயாரிக்கப்பட்டுள்ளமை விசாரணைகளில் தெரியவந்துள்ளது. இந்த தாக்குதலுக்கு பயன்படுத்தி திட்டமிட்டிருந்த வாகனம் சில மாதங்களுக்கு முன்னர் திகண பிரதேசத்தில் தோட்டம் ஒன்றில் மறைத்து வைக்கப்பட்டிருந்த நிலையில் பயங்கரவாத தடுப்பு பிரிவினரால் கைப்பற்றபட்டுள்ளது.

அத்துடன் அந்த தோட்டத்தில் இருந்து 300 கிலோ கிராம் அதி சக்தி வாய்ந்த வெடி மருந்தும் காவற்துறையினரால் கைப்பற்றபட்டது. கைது செய்யப்பட்டவர்களிடம் விசேட காவற்துறை குழுவொன்று விசாரணைகளை நடத்தி வருவதாக தெரிவிக்கப்பட்டுள்ளது.