இந்திய மருத்துவர்களின் வருகையால் சிறிலங்கா மருத்துவர்கள் சீற்றம்

யுத்தத்தால் காயமடையும் வன்னி பிரதேச மக்களுக்கு சிகிச்சையளிக்கவெனக் கூறிக்கொண்டு புல்மோட்டையில் இந்திய வைத்திய முகாம் அமைத்துள்ளமை பல சந்தேகங்களை எழுப்பியுள்ளதென அகில இலங்கை அரசாங்க வைத்திய உத்தியோகத்தர் சங்கம் தெரிவித்துள்ளது.

புல்மோட்டையில் ஏற்கனவே சிறிலங்கா அரசாங்கத்திற்கு வைத்தியசாலை ஒன்று இருக்கும் பொழுது ஏன் வேறொரு வைத்தியசாலையை அமைக்க வேண்டும். இந்திய வைத்தியர்கள் புல்மோட்டை அரச வைத்தியசாலையின் ஊடாக ஏன் சேவையாற்ற முடியாது. இந்தியா மெதுவாக இலங்கையை தமது ஆக்கிரமிப்புக்கு கொண்டு வருகின்றது என்றும் சங்கம் தெரிவித்துள்ளது.

புல்மோட்டையில் அமைக்கப்பெற்ற இந்தியாவின் வைத்தியசாலை தொடர்பாக நேற்று விளக்கமளிக்கையிலேயே அகில இலங்கை அரசாங்க வைத்திய உத்தியோகத்தர் சங்கத்தின் தலைவர் டொக்டர் கிஷாந்த தசநாயக்க மேற்கண்டவாறு குறிப்பிட்டார். அவர் மேலும் கூறுகையில், அரசாங்கத்தின் அறிவிப்பின்படி இன்னும் 35 சதுர கிலோமீற்றர் நிலப்பரப்பே புலிகள் வசம் உள்ளது. சுமார் 30 ஆண்டுகால யுத்தம் முடிவடையும் தறுவாயில் உள்ளது என அரசாங்கம் பொதுமக்களுக்கு அறிவிக்கும் போது, இறுதி பணியை செய்வதற்கு இந்தியாவின் மருத்துவ குழுவை இலங்கைக்கு அழைத்துள்ளமை மீள முடியாத இன்னுமொரு பிரச்சினையின் ஆரம்பமேயாகும்.

புல்மோட்டையில் அமைக்கப்பட்ட இந்தியாவின் வைத்தியசாலையை சுகாதார அமைச்சோ, இலங்கை வைத்தியர்களோ தலையிட முடியாதவாறு சுயமாக இயங்கவிட்டமை அரசாங்கம் செய்த பாரிய குற்றமாகும். இலங்கையில் 13 ஆயிரத்திற்கும் அதிகமான வைத்தியர்கள் இருக்கும்போது இந்திய வைத்தியர்களை இலங்கையில் சேவையாற்ற அழைத்தமையானது உள்நாட்டு வைத்தியர்களை இழிவுப்படுத்தும் செயலாகவே அமைகின்றது.

மருத்துவ துறையில் நடைபெறும் இவ்வாறான மன்னிக்க முடியாத குற்றங்களுக்கு எதிராக, தொழில் சங்க நடவடிக்கை எடுக்க முடியாதவாறு அரசாங்கம் தேசிய பாதுகாப்பை காரணம் காட்டுகின்றது.

இந்திய அரசாங்கத்தின் இலங்கை மீதான ஆக்கிரமிப்புக்கான தலையீடுக்கு சிறிலங்கா அரசாங்கம் வீண் வழியமைத்துக் கொடுக்கின்றது. அகில இலங்கை அரசாங்க வைத்திய உத்தியோகத்தர் சங்கம் என்ற வகையில் புல்மோட்டையில் இந்தியாவின் வைத்தியசாலையை அமைத்து சுயமாக செயல்பட அனுமதித்தமையை வன்மையாக எதிர்க்கின்றோம்.

இந்தியாவின் உள்நோக்கங்களை புரிந்து கொண்டு ஜனாதிபதி மகிந்த ராஜபக்சவும் அரசாங்கமும் செயல்பட வேண்டும் எனவும் தெரிவித்தார்.

http://www.sankathi.com/

இந்த சிங்கள பெளத்த இனவாத வைத்தியர் சங்கங்கள் தங்களுடைய சுய நலம் கருதிச்ச்செயற்படும் அமைப்புக்கள். மருத்துவ தர்மமே தெரியாத இவர்கள், தற்போது அரசியல் விளையாட்டிலும் இறங்கிவிட்டார்கள்.அமைப்பில் உள்ள ஒவ்வொருவரும் அரசியல், வியாபாரம் என்பவற்றில் கோலூச்சுபவர்கள்.

* 1987 இலும் இந்திய வைத்தியர்கள் இலங்கை மக்களுக்கு வைத்தியம் செய்தார்கள் அப்போது நீங்கள் என்ன செய்தீர்கள்

* அப்பலோ வைத்தியசாலையிலும் இந்திய வைத்தியர்கள் இலங்கை மக்களுக்கு வைத்தியம் செய்கிறார்கள் அப்போதும் நீங்கள் என்ன செய்தீர்கள்? அங்கு சிங்களவனுக்கும் வைத்தியம் நடக்கிறது. கொழும்பில் வேலை செய்யலாம் என்றால் புல்மோட்டை யிலும் வேலை செய்யலாம்.

* 2004 சுனாமியின் போது பல வெளி நாட்டு வைத்தியர்கள் இலங்கை மக்களுக்கு வைத்தியம் செய்தார்கள் அப்போது நீங்கள் என்ன செய்தீர்கள்

இலங்கையில் தாராளமாக வைத்தியர்கள் இருந்தால் ஏன் பாதிக்க பட்ட இடங்களுக்கு அனுப்பவில்லை?

மருந்த்துகள் ஏன் அனுப்பவில்லை?

எல்லாம் நாடகம். எம்மக்களின் (தமிழ்) பெயரை சொல்லியே சிங்களவன் அரசு செய்கிறான்.

இலங்கையில் மருந்து வாங்க திறைசேரியில் பணமில்லை. இந்திய மருத்துவ குழுவை மருந்துகளுடன்,வரவழைத்து பின்னர் தனது இனவாதக் குழுக்களின் ஆர்ப்பாட்டத்தால் அவர்களை வெளியேற்றுதல். ஆனால் மருந்துகளை மட்டும் வாங்கி விடுதல். இதுதான் நிமாலின் திட்டமா என சந்தேகம் நிலவுகிறது.

வைத்தியர்கள்,தாதிகள், என இன்னோரன்ன அமைப்புக்கள் போர்க்கொடி தூக்கத் தொடங்குவினம்

்

Edited March 14, 200916 yr by Mullaimainthan