ஐ.நா. செயலாளர் பான் கீ மூனுடன் அமைச்சர் டக்ளஸ் தேவானந்தா சந்திப்பு

வீரகேசரி நாளேடு 4/22/2009 9:19:48 AM -

மனித அழிவுகளும் அவலங்களும் இல்லாத ஒரு சமாதான தேசத்தை உருவாக்கவும், அமைதி, அபிவிருத்தி மற்றும் அரசியலுரிமை என்பனவற்றை எமது மக்கள் நடைமுறையில் அனுபவித்து மகிழ உதவ வேண்டும் என்று ஈ.பி.டி.பி.யின் செயலாளர் நாயகமும் சமூக சேவைகள் மற்றும் சமூக நலத்துறை அமைச்சருமான டக்ளஸ் தேவானந்தா, ஐக்கிய நாடுகள் சபையின் செயலாளர் நாயகம் பான் கீ மூனை நேரில் சந்தித்து வேண்டுகோள் விடுத்துள்ளார். இன ரீதியாகவும், கல்வி மற்றும் வறுமை ரீதியாகவும் உருவாகி வரும் பாகுபாடுகளை நீக்கி அவற்றை உறுதிப்படுத்தும் முகமாக சுவிஸ் ஜெனிவாவில் நடைபெறும் சர்வதேச மாநாட்டில் கலந்துகொள்வதற்காக அங்கு சென்றிருக்கும் அமைச்சர் டக்ளஸ் தேவானந்தா, ஐக்கிய நாடுகள் சபையின் செயலாளர் நாயகம் பான் கீ மூனை நேற்று முன்தினம் நேரில் சந்தித்த போதே இவ்வாறு வேண்டுகோள் விடுத்துள்ளார்.

ஐ.நா. செயலாளர் நாயகத்துடனான சந்திப்பின்போது மேலும் கருத்து தெரிவித்திருந்த அமைச்சர் டக்ளஸ் தேவானந்தா, கடந்த காலங்களில் இலங்கைத் தீவின் பிரதான பிரச்சினையாக இருந்து வரும் அரசியலுரிமை பிரச்சினைக்குத் தீர்வு காண்பதற்கான பல்வேறு முயற்சிகள் முன்னெடுக்கப்பட்டது. ஆனாலும், புலித்தலைமையே அவ்வாறான சந்தர்ப்பங்களை சரிவரப் பயன்படுத்தாமலும் அந்த முயற்சிகளுக்கு தடையாகவும் இருந்து வந்தது. இதனால், எமது மக்கள் தொடர் துயரங்களையும், அழிவுகளையும் சந்திக்க வேண்டிய துர்ப்பாக்கியம் நிகழ்ந்து வருகின்றது என்று தெரிவித்துள்ளார்.

இலங்கை இந்திய ஒப்பந்தத்தின் அடிப்படையிலான 13ஆவது திருத்தச் சட்டத்தை அரசாங்கம் நடைமுறைப்படுத்த ஆரம்பித்திருப்பது குறித்து விளக்கிக் கூறிய அமைச்சர் டக்ளஸ் தேவானந்தா, அவற்றிற்கான மேலதிக அதிகாரங்களை வழங்குவது குறித்து அரசாங்கம் எடுத்து வரும் முயற்சிகளுக்கு ஆதரவளிக்க வேண்டும் எனவும் வேண்டுகோள் விடுத்திருந்ததோடு, அரசியலுரிமை பிரச்சினை தீர்வு நோக்கிய முயற்சிகளுக்கு எதிராக இருக்கும் அனைத்து தடைகளும் அகற்றப்படும் பட்சத்தில் இலங்கைத் தீவில் வாழும் எமது மக்களை அழிவுகளில் இருந்து நிரந்தரமாக மீட்டெடுக்க முடியும் என்ற நம்பிக்கையினையும் வெளிப்படுத்தியுள்ளார். ஐ.நா. செயலாளர் நாயகம் பான் கீ மூனுடனான தனது சந்திப்பு அர்த்தமுள்ளதாகவும், பயனுள்ளதாகவும் அமைந்திருந்தது என அமைச்சர் டக்ளஸ் தேவானந்தா தெரிவித்துள்ளார்

டக்குவுக்கு டக்கு களன்டுபோச்சுது

அரசியலுரிமை என்பனவற்றை எமது மக்கள் நடைமுறையில் அனுபவித்து மகிழ உதவ வேண்டும் என்று ஈ.பி.டி.பி.யின் செயலாளர் நாயகமும் சமூக சேவைகள் மற்றும் சமூக நலத்துறை அமைச்சருமான

அப்ப நடமுறையில் இதுகள் இப்ப இல்லை என்று சொல்ரார்

Edited April 22, 200916 yr by putthan

நைனா செயலாளர் நாயகம் மிகப்பெரிய ஒரு கொலைக்குற்றவாளியுடன் சாவகமாக பேசிமகிழ்ந்து இருக்கிறார். தேவானந்தா அடிகள் கடத்திக்கொண்டுபோன அப்பாவி மக்களின் நிலமை என்ன என்றாவது ஒரு கேள்வி கேட்டு இருக்கலாம். வாழ்த்துகள்!

இவனொருவன் இன்னும் சாகாமல் இருந்துகொண்டு ,இருக்கப்பிடிக்காமல் ஓடித்திரியிறான்