வருந்த தக்க விடயம்..

இது இன்று வவுனியா நிலைமை பற்றி நான் கேட்டு அறிந்த ஒன்றே தவிர - தயவு செய்து நியாயமாய் இங்கு இருந்து உறவுகளை தேடி தரும் கள அன்பர்களை விமர்சித்து பேசுவதாய் நினைக்க வேண்டாம்... அது அல்ல எனது நோக்கம்... எனெவே இங்கு உள்ள யாரும் என்னுடன் கோவிக்க வேண்டாம்!

உங்களில் சிலருக்கு முதலே இந்த நிலைமை தெரிந்து இருந்து இருக்கலாம், என்னை போன்றோருக்கு தெரிய படுத்த தான் இந்த பதிவு.

வவுனியா முகாம்களில் உள்ள உறவுகளில் பெரும்பாலானோரை அரசாங்கம் பதிவு செய்யவில்லை. அவ்வாறு வைத்து இருப்பதற்கு காரணங்கள் பல:

- அரசாங்கம் கணக்கு காட்ட தேவை இல்லை

- காரணங்கள் இல்லாமல் தாங்கள் இளைஜனர்களையும், யுவதிகளையும் (சிறுமிகள் உட்பட) எங்கு வேண்டும் என்றாலும் கொண்டு போகலாம்

- EPDP மற்றும் எனேயே ஒட்டு குழுக்கள், அங்கு உள்ள காவல் துறையினர், ராணுவம் ஊடாக மக்களை மீட்டு தருகிறோம் என்று தலா ஒருவருக்கு குறைந்த பட்சம் ஒரு லட்சம் ரூபாய் கப்பம்/ நன்கொடை/ உபயம்/ லஞ்சம்/ கூலி கேட்பதற்கு இலகுவாக இருக்கும்!!

இந்த ரீதியில் தமது உறவுகள் உயிரோடு வெளிய வந்தாலே காணும் என்று தவிக்கும் பலர் - இந்த தொகையை இரண்டாம் ஜோசினை இல்லாமல் தூக்கி கொடுத்து விட்டு - தங்கள் உறவுகளை மீட்க முயலுகிறார்கள். பாவங்கள்.

எத்தினை துன்பங்களை தாங்கி வந்த இந்த மக்கள் - ஒரு வேளை சோறு சாப்பிட்டே பல மாதங்கள் ஆகிறதாம். ஷெல் அடி, குண்டு மழை, என்று தங்கள் உறவுகளை இழந்து, உடைமைகள் இன்றி, உடல் ஒட்டி போய் வந்து இப்போது முள்ளு கம்பிகளிடை அடை பட்டு துன்பப் படும் இந்த உறவுகளை வைத்து வியாபாரம் பண்ணுவது கூட வவுனியாவில் உள்ள சில ஈழத் தமிழர்கள் தான்.

இது இன்று வவுனியா நிலைமை பற்றி நான் கேட்டு அறிந்த ஒன்றே தவிர - தயவு செய்து நியாயமாய் இங்கு இருந்து உறவுகளை தேடி தரும் யாரையும் குத்தி பேசுவதாய் நினைக்க வேண்டாம்... அது அல்ல எனது நோக்கம்... உதவியை இந்த நேரத்திலாவது எமது உறவுகளுக்காக - எத்தினை சொல்லெண்ணாத் துன்பங்களை தாங்கி வந்த இந்த மக்களுக்காக உதவி செய்ய கூடிய நிலைமையில் அங்கு உள்ளவர்கள் - மனசாட்சியுடன் இரக்கத்துடன் செயல் பட வேண்டும்.

ஒரு லட்சம் ரூபாய் எமக்கு பெரிய காசில்லை எனலாம்..தடுப்பு முகாம்களில் இருந்து கொடுமை படுவதை காட்டிலும் ஒரு லட்சமோ ஒரு கோடியோ குடுத்து விட்டு உயிரோடு மீண்டால் சந்தோசமே .. ஆனால் ஒரு கணம் ஜோசித்து பாருங்கள் - அந்த வசதியை கூட இழந்து நிக்கும் குடும்பங்களையும், ஒரு குடும்பத்திலேயே பத்து பன்நீரெண்டு பேருடன் உள்ளவர்களின் நிலைமையையும்!

களை எடுக்க தான் மறித்து வைத்து இருக்கிறோம் என்று சிங்களவன்... சுளையா காசு கொஞ்சம் இதில் தண்டலாம் என்று சில தமிழர். இடையில் குற்றுயிரை தவிர வேறு ஒன்றும் இல்லாத தமிழன்!

என்ன பாவம் செய்தோம், இப்படி அவல பட..

வருந்த தக்க விடயம்..

...எத்தினை துன்பங்களை தாங்கி வந்த இந்த மக்கள் - ஒரு வேளை சோறு சாப்பிட்டே பல மாதங்கள் ஆகிறதாம். ஷெல் அடி, குண்டு மழை, என்று தங்கள் உறவுகளை இழந்து, உடைமைகள் இன்றி, உடல் ஒட்டி போய் வந்து இப்போது முள்ளு கம்பிகளிடை அடை பட்டு துன்பப் படும் இந்த உறவுகளை வைத்து வியாபாரம் பண்ணுவது கூட வவுனியாவில் உள்ள சில ஈழத் தமிழர்கள் தான். ...

மிகவும் கவலைக்குரிய, வெட்கப் படவேண்டிய விடையம்.

பணம் சம்பாதிக்க ஆயிரம் வழிகள் உள்ளன... தயவு செய்து தற்போதைய நிலைமையில் ஈழத் தமிழரின் உயிரை வைத்து வியாபாரம் செய்யாதீர்கள், அப்படி செய்பவர்கள் நிச்சயமாக ஈழத் தமிழனாக இருக்க முடியாது... ஈனத் தமிழராகவே கணிக்கப்படுவர்...