இடம்பெயர்ந்துள்ள மக்களை அவர்களின் விருப்பத்துக்கு முரணாகத் தங்கவைப்பது நியாயமற்றது எனத் தெரிவித்திருக்கும் சிறிலங்காவின் உயர் நீதிமன்றம், அகதி முகாம்களில் இருந்து வெளியேறுவதற்கு அனுமதி கோரும் இடம்பெயர்ந்த மக்களை விடுவிப்பதற்கான வழிவகைகளை ஆராயுமாறு சட்டமா அதிபருக்கு உத்தரவிட்டிருக்கின்றது.

சட்டரீதியான அதிகாரம் இன்றி இடம்பெயர்ந்த மக்களை அவர்களின் விருப்பத்துக்கு முரணாக முகாம்களில் நீண்ட காலம் தங்கவைப்பதன் மூலம் அவர்களின் அடிப்படை உரிமை மீறப்படுவதாக உயர் நீதிமன்றத்தில் மனு ஒன்று தாக்கல் செய்யப்பட்டிருக்கின்றது.

வவுனியா முகாமில் உள்ள நால்வர் சார்பில் அவர்களின் உறவினர் ஒருவர் இந்த மனுவைத் தாக்கல் செய்துள்ளார்.

இந்த மனுவை நேற்று வெள்ளிக்கிழமை பரிசீலனைக்கு எடுத்துக்கொண்ட போதே இந்த உத்தரவை உயர் நீதிமன்றம் நேற்று பிறப்பித்தது.

பிரதான மனுதாரர் நோய் வாய்ப்பட்டிருப்பதாகவும், அவர் யாழ்ப்பாணம் மருத்துவமனையில் சத்திர சிகிச்சைக்கு உட்படுத்தப்பட்டவர் எனவும் மனுவில் தெரிவிக்கப்பட்டிருக்கின்றத

இராணுவ ஆட்சியோ,மக்களால் தெரிவு செய்யப்பட்ட அரசோ அல்லது சர்வாதிகார ஆட்சியோ எதுவாயினும் ஒரு நாட்டை உண்மையில் ஆள்வது அந்த நாட்டின் சட்டமே,சட்டத்தின் சட்ட தீர்மான அமைப்பு(அரசு,உள்ளூராட்சி அமைப்புகள்) மற்றும் சட்ட அமுலாக்கப்பிரிவான காவல் துறை இராணுவம் என்பன போன்ற உப பிரிவுகள் இயங்கும்.

இலங்கையில் அரசுக்கும் சட்டத்துறைக்குமிடையே எப்போதும் ஒரு பனிப்போர் நிலவுவதற்கான காரணம் சட்டத்துறைக்கு உரிய முக்கியத்துவத்தை அரசு கொடுப்பதில்லை இருப்பினும் சட்டத்தின் மூலம் முகாம்களில் உள்ள மக்களின் அவலத்தை நீக்க எடுத்த முயற்சி மிகவும் நல்லதொரு முயற்சி உள் நாட்டிலும் வெளி நாட்டிலும் சிங்களத்திற்கு அளுத்தம் கொடுப்பதன் மூலம் வன்னி மக்களின் நிலமையை மேம்படுத்தலாம்.

அட.. அவங்கள் அப்பிடித்தான் பீலா காட்டுவாங்கள். அப்பத்தானே நீதியும், நேர்மையும் இன்னமும் சிறீ லங்காவில வாசம் செய்யுது என்று உலகத்துக்கு காட்டமுடியும். அடிப்படையில சட்டம், அரசியல் அதிகாரம், படைகள் எல்லாம் ஒரு கட்டுப்பாட்டின் கீழத்தான் - மகிந்த சிந்தனையின் கீழத்தான் இயங்கிது. உப்பிடி உயர் நீதிமன்றம் பீலா காட்டுறதும் மகிந்த சிந்தனைதானுங்கோ.

Edited July 25, 200916 yr by கலைஞன்