அமெரிக்காவின் மிரட்டலுக்கு அடிபணியப் போவதில்லை

அமெரிக்காவின் மிரட்டலுக்கு அடிபணியப் போவதில்லை

[07 - August - 2009]

* அஹமதி நிஜாத்

அமெரிக்காவின் மிரட்டலுக்கு அடிபணியமாட்டோமென ஈரானிய ஜனாதிபதி மஹ்மூட் அஹமதி நிஜாத் தெரிவித்துள்ளார்.

இரண்டாவது தடவையாகப் பதவியேற்ற பின்னர் பாராளுமன்றத்தில் நிகழ்த்திய உரையின் போதே அஹமதி நிஜாத் இவ் எச்சரிக்கையை விடுத்துள்ளார். இங்கு அவர் மேலும் உரையாற்றுகையில்;

ஆதிக்க சக்திகளால் சர்வதேச அளவில் பாகுபாடு நிலவுகிறது. இந்தப் பாகுபாட்டைக் கலைத்து அனைத்து நாடுகளும் பயன்பெறும் வகையிலான முயற்சிகளை ஈரான் மேற்கொள்ளும்.

ஈரானின் வெளியுறவுக் கொள்கை அணுசக்தித் திட்டங்களை மையமாகக் கொண்டுள்ளது. இது மேற்கத்திய நாடுகளுக்கு கலகத்தை ஏற்படுத்தியுள்ளது. ஈரான் தனது அணுசக்தித் திட்டங்கள் மூலம் அணுவாயுதக் கட்டமைப்பை வலுப்படுத்திவிடுமோ என்ற பயம் மேற்கத்திய நாடுகளிடம் பரவியுள்ளது. வரும் காலத்திலும் ஈரானின் தற்போதைய வெளியுறவுக் கொள்கையே தொடரும். இதில் எவ்வித மாற்றமும் இருக்காது.

நான் பதவியேற்றுக் கொண்டதற்கு அமெரிக்கா வாழ்த்துத் தெரிவிக்க வேண்டியதில்லை. அவர்கள் (அமெரிக்கா) வாழ்த்துத் தெரிவிப்பார்கள் என்று ஈரான் எதிர்பார்க்கவில்லை என்றும் அஹமதி நிஜாத் தெரிவித்தார்.

முன்னதாக அஹமதி நிஜாத்தின் பதவியேற்புக் குறித்து கருத்துத் தெரிவித்த வெள்ளை மாளிகைத் தரப்பு, அஹதி நிஜாத் மக்களால் தேர்ந்தெடுக்கப்பட்ட தலைவர் தான். ஆனால், அவர் ஜனாதிபதியாகப் பதவியேற்பதற்கு வாழ்த்துச் சொல்ல அமெரிக்கா விரும்பவில்லை என்று தெரிவித்திருந்தமை குறிப்பிடத்தக்கது.

http://www.thinakkural.com/news/2009/8/7/f...s_page78624.htm