சீன தென்னாசிய செல்வாக்கை கட்டுப்படுத்த மாலத்தீவு-இந்திய கடற்படைத்தளம்

on 22-08-2009 03:54

தென்னாசியாவில் அதிகரிக்கும் சீனாவின் செல்வாக்கை கட்டுப்படுத்த மாலைதீவில் கடற்படைத் தளம் அமைக்க இந்தியா திட்டம் : தெற்காசியப் பிராந்தியத்தில் அதிகரித்துவரும் சீனாவின் செல்வாக்கை முறியடிப்பதற்காக இந்து சமுத்திரப் பிராந்தியத்தில் உள்ள மாலைதீவில் கடற்படைத் தளம் ஒன்றை அமைப்பதற்கு இந்தியா திட்டமிட்டுள்ளதாக லண்டனில் இருந்து வெளியாகும் 'த ரெலிகிராப்' நாளேடு தெரிவித்திருக்கின்றது.

தெற்காசியப் பிராந்தியத்தில் - குறிப்பாக இந்தியாவைச் சுற்றிவளைப்பதுபோல இந்தியாவின் அண்டை நாடுகளில் சீனா தொடர்ச்சியாக முகாம்களை அமைத்து வருவதையிட்டு இந்தியா விழிப்படைந்திருக்கின்றது.

பாகிஸ்தானின் கெளடார் பகுதியில் ஆழ்கடல் துறைமுகம் ஒன்றை அமைத்துவரும் சீனா, இங்கு தமது அணுவாயுத நீர்மூழ்கிகளை வைத்திருப்பதற்குத் திட்டமிடுகின்றது. இதனைவிட சிறிலங்காவின் அம்பாந்தோட்டை மற்றும் பங்களாதேசிலும் துறைமுகங்களை அபிவிருத்தி செய்யும் பணிகளில் சீனா ஈடுபட்டிருக்கின்றது.

தமது நாட்டைச் சுற்றிவளைக்கும் நோக்கத்துடனேயே இவ்வாறு தமது அண்டை நாடுகளில் துறைமுகங்களை அமைத்து அதன் மூலம் கடற்படைக்கான தள வசதிகளைப் பெற்றுக்கொள்ளும் முயற்சியில் சீனா ஈடுபட்டிருப்பதாக இந்திய கொள்கை வகுப்பாளர்கள் கருதுகின்றார்கள்.

இந்தப் பின்னணியிலேயே மாலைதீவு அதிகாரிகளுடன் பேச்சுக்களில் ஈடுபட்டுள்ள இந்திய அதிகாரிகள், அந்தத் தீவின் பாதுகாப்பை அதிகரிப்பது தொடர்பான பேச்சுக்களை மேற்கொண்டு வருகின்றார்கள்.

மாலைதீவு பொதுவாக போதைவஸ்துக் கடத்தல்காரர்கள், பயங்கரவாதிகள் மற்றும் கடற்கொள்ளையர்களின் தாக்குதல்களுக்கு உள்ளாகக்கூடியதாக இருப்பதால் அவற்றில் இருந்து பாதுகாக்கும் வகையில் கடற் பாதுகாப்பைப் பலப்படுத்துவது தொடர்பாக பேச்சுக்கள் இடம்பெற்றதாகத் தெரிவிக்கப்படுகின்றது.

இந்தத் திட்டத்தின் அடிப்படையில் மாலைதீவில் உள்ள முன்னாள் வான்படைத் தளத்தை அபிவிருத்தி செய்வதற்கும் அதனோடு இணைந்ததாக கடலோரப் பாதுகாப்புத் திட்டத்தை பலப்படுத்துவது தொடர்பாகவும் இந்தியா திட்டமிட்டிருப்பதாகத் தெரிவிக்கப்படுகின்றது.

இந்தியப் பாதுகாப்பு அமைச்சர் ஏ.கே.அந்தோனி மாலைதீவுக்கு அண்மையில் பயணம் செய்து இது தொடர்பாக ஆராய்ந்துள்ளார். கண்காணிப்பு வானூர்திகளையும், கப்பல்களையும் இங்கு நிலை நிறுத்துவது தொடர்பாகவும் இந்திய அமைச்சர் மாலைதீவுத் தலைவர்களுடன் பேச்சுக்களை நடத்தியிருப்பதாகவும் 'த ரெலிகிராப்' செய்தி வெளியிட்டிருக்கின்றது.

மாலைதீவில் 1,000 சிறிய தீவுகள் இருக்கின்றபோதிலும் 200 தீவுகளில் மட்டுமே மக்கள் வசிக்கின்றார்கள். இந்தத் தீவுகள் ஒவ்வொன்றும் பல மைல் தொலைவில் இருப்பதால் இந்தத் தீவுகள் அனைத்தையும் கண்காணிப்பது என்பது மாலைதீவு காவல்துறையினருக்கு சாத்தியமானதாக இல்லை. மாலைதீவிடம் போதிய காவல்துறை இல்லாமையும் இதற்கான காரணம்.

"இங்குள்ள கடற்படைத் தளம் ஒன்றில் இருந்து கண்காணிப்பை மேற்கொள்ள இந்தியா விரும்புகின்றது. இது முக்கியமான மூலோபாய நோக்கத்தை நிறைவு செய்வதாக அமையும்" என ஜோர்ஜியா பல்கலைக்கழகத்தின் அனைத்துலக வர்த்தக மற்றும் பாதுகாப்புத் நிலையத்தின் ஆசிய திட்டங்களுக்கான பணிப்பாளர் முனைவர் அநுபம் சிறிவஸ்த்தவா தெரிவித்தார்.

அதிகாலை

அப்படின்னா சீனாவை நம்ம நண்பன் ஆக்கிக்குவதுதான் நல்லது..!

மேற்குலகையும் இந்தியாவையும் நம்பும் படி.. இல்லை..!

அப்படின்னா சீனாவை நம்ம நண்பன் ஆக்கிக்குவதுதான் நல்லது..!

மேற்குலகையும் இந்தியாவையும் நம்பும் படி.. இல்லை..!

எருமை மாடுகள் இந்தியாவில் இருந்து கச்சதீவை சிங்களவனிடம் கொடுத்துவிட்டு இப்ப மாலைதீவுக்கு போகினமாம். இப்பிடித்தொடுகிற மூக்கை அப்படி தலையை சுற்றி தொட்டானாம் இருக்கிறது காங்கிரசு தி மு க நாய் கலின் கதை .

வந்தெ அழியட்டும் இந்தியா. இனிமேல் இந்தியா என்ற பெயர் இருக்க கொடுக்க கூடாது.

சோனியா அழிக கருண நிதி அழிக.

ஆனால் தமிழினம் வாழ்க.