இலங்கையின் உள்விவகாரங்களில் தலையிடுவதற்கும் அரசின் நடவடிக்கைகள் தொடர்பில் விவாதிப்பதற்கும் ஐக்கிய நாடுகள் சபையின் அதிகாரிகளுக்கு எந்த உரிமையும் கிடையாது என்று தெரிவித்திருக்கிறார் ஐ.நாவுக்கான இலங்கைத் தூதுவர் பாலித கோஹன்ன.

இலங்கை விவகாரங்கள் குறித்து, குறிப்பாக வவுனியாவில் தடுத்து வைக்கப்பட்டுள்ள அகதிகள் தொடர்பாக, ஐ.நா.உட்பட சர்வதேச சமூகம் இலங்கை அரசை விமர்சித்து வருகின்ற நிலையிலேயே பாலித கோஹன்ன இந்தக் கருத்தை வெளிப்படையாகத் தெரிவித்திருக்கின்றார்.

கனடாவின் சி.பி.சி. வானொலிக்கு வழங்கிய பேட்டி ஒன்றிலேயே அவர் இதனைத் தெரிவித்தார்.

அவர், இதுபற்றி மேலும் தெரிவித்தவை வருமாறு:

இலங்கையில் தமிழர்களை அரசு நடத்தும் விதம் குறித்து ஐக்கிய நாடுகள் செயலாளர் நாயகம் ஒருபோதும் குற்றஞ்சாட்டவில்லை.

மேலும் 54 வீதமான தமிழர்கள் பெரும்பான்மை சமூகத்தவர்கள் மத்தியிலேயே வாழ்கின்றனர். அவர்கள் நடத்தப்படும் விதம் குறித்தும் எவரும் குற்றஞ்சாட்டவில்லை.

விடுதலைப் புலிகளால் பலவந்தமாகத் தடுத்து வைக்கப்பட்டிருந்த மக்களைப் படையினர் முகாம்களில் வைத்துப் பராமரிக்கின்றனர்.

எம்மை விமர்சிப்பவர்கள் நான்கு மாதங்களுக்குள் எதனை எதிர்பார்க்கிறார்கள் என்பது புரியவில்லை. இது உலகில் எவருக்கும் சவாலான விடயம்.

அமெரிக்காவில் கத்ரீனா சூறாவளியால் பாதிக்கப்பட்டவர்களை மீளக் குடியமர்த்த எவ்வளவு காலம் எடுத்தது?

அனைத்து வழிகளும் சிறப்பான

விதத்தில் முழுமையாக வழங்கப்படுகின்றன

இலங்கையில் எவரும் மரத்துக்குக் கீழே இருக்கவில்லை. சுகாதாரம், கல்வி, உணவு வசதிகளை வழங்கியுள்ளோம். அனைத்து வசதிகளும் சிறப்பான விதத்தில் முழுமையாக வழங்கப்படுகின்றன என்று நான் சொல்ல வரவில்லை.

ஆனால் இடம்பெயர்ந்த மக்கள் தொடர்பாக எம்மீது விமர்சனங்களை முன்வைப்பவர்களுக்கு உண்மையில் அங்கு என்ன நடைபெறுகிறது என்பது தெரியாது.

இந்தச் செயலை எம்மை விட சிறப்பாகச் செய்ய முடியுமா என நான் சவால் விடுகிறேன்.

முகாம்களுக்குச் செல்வதற்கு மனிதாபிமான அமைப்புகளுக்கு மட்டுப்படுத்தப்பட்ட அனுமதியே வழங்கப்படுகின்றது என்ற குற்றச்சாட்டு எவ்வாறு உருவானது என்பது தெரியாது.

இலங்கையில் உள்ள அனைத்து ஐ.நா. அமைப்புகளும், 54 அரச சார்பற்ற அமைப்புகளும் அங்கு பணிபுரிகின்றன.

ஐக்கிய நாடுகளின் பணியாளர் ஒருவர் உள்ளூர் அரசியலில் தலையிடக்கூடாது. குறிப்பிட்ட நாட்டுடன் தர்க்கிக்கும், விவாதிக்கும் கருத்துகளை வெளியிடக்கூடாது. இது மிகவும் கண்டிக்கத்தக்கது. இலங்கையில் நூற்றுக்கணக்கான ஐ.நா. பணியாளர்கள் உள்ளனர்.

ஐக்கிய நாடுகளின் பணியாளர்களுக்கு அரசுகளுக்கும், மக்களுக்கும் உதவுவதற்கான ஆணையே வழங்கப்பட்டுள்ளது.

அந்தநாட்டு அரசை விமர்சிப்பதற்கான பகிரங்கமாகக் கருத்துத் தெரிவிப்பதற்கான ஆணை வழங்கப்படவில்லை.

எம்மை எவ்வாறு யுத்தக் குற்றங்களுக்காக விசாரணை செய்யமுடியும்?

அரசொன்றின் அதிகாரிகள் அனைவரின் மீதும் குற்றச்சாட்டுகள் சுமத்துவதென்றால், ஆப்கானில் இழைக்கப்பட்ட குற்றங்களுக்காக கனடா அரசின் அனைத்து அதிகாரிகளையும் விசாரணை செய்யவேண்டும்.

ஜேம்ஸ் எல்டெரை நாட்டிலிருந்து வெளியேற்றுவது தொடர்பாக இறுதி முடிவெடுக்கும் அதிகாரம் என்னிடமில்லை என்றார்.

http://parantan.com/

SRI LANKA UN Duration: 00:07:55

One expulsion of a United Nations official from Sri Lanka might be an anomaly. A second U.N. official being threatened with expulsion might seem a coincidence. But now that a third is awaiting deportation, it just might have become a trend.

Earlier this month, we told you that UNICEF's spokesperson in Colombo was being asked to leave the country. James Elder is accused of having given false information to the media while Sri Lanka was in its final stages of civil war with the LTTE, or Tamil Tiger rebels.

Since the news of Mr. Elder's expulsion broke, troubles with other U.N. officials have come to light. One has been expelled for distributing satellite images of the war zone, and another was threatened with expulsion -- but negotiated to stay.

The person responsible for all this is Sri Lanka's former Foreign Secretary Palitha Kohona. "Former", because Dr. Kohona has just been appointed the Permanent Representative for Sri Lanka to the United Nations in New York. That's where we reached him.

http://www.cbc.ca/asithappens/latestshow.html