நான் எனது படையினரை மனித உரிமை மீறல் என்றும் போர்குற்றம் என்றும் வெளி நாட்டு விசாரணைகளுக்கு அனுமதிக்கபோவதில்லை. ஆனால் படை நடவடிக்கையின் போது சில குறுக்கீடுகளை, தவறுகளை செய்த அரச உயர் அதிகாரிகள் மீது மனித உரிமை மீறல் பற்றிய குற்ற சாட்டுக்கள் வரும் போது அவர்களை காப்பாற்றப்போவதும் இல்லை என கூறியுள்ளார் சரத்பொன்சேகா.

இன்று கண்டியில் தனது தேர்தல் விஞ்ஞாபனத்தினை வெளியிட்டு பேசிய சரத்பொன்சேகா போர்குற்றம் தொடர்பான விசாரணைகள் பற்றி கூறுகையில் இவ்வாறு தெரிவித்துள்ளார். அவர் மேலும் தனது கருத்தில்;

இராணுவத்தில் சோம்பேறிகளும், இயலாதவர்களும் இருந்தார்கள் அவர்களை வைத்துக்கொண்டு யுத்தம் செய்ய முடியாது ஆகவேதான் திறமையானவர்களை நியமித்து திட்டமிட்டு படை நடவடிக்கைகளை மேற்கொண்டு யுத்தத்தில் வெற்றிபெற்றேன். ஆனால் மீண்டும் இப்போ அந்த திறமையற்றவர்கள் பொறுப்பிற்கு நியமிக்கப்பட்டுள்ளனர். சண்டைக்கு லாயக்கற்ற அதிகாரிகள் நிறைய பேர் இராணுவத்தில் இருந்தனர் அவர்களில் தற்போதய இராணுவ தளபதி எந்தவிதமான தகுதியோ, திறமையோ அற்றவர். அவர் இராணுவத்தில் வினியோக அணிக்கே பொறுப்பாக இருந்தார். தன்னை வவுனியா பகுதிக்கு தளபதியாக்கும்படி என்னை கேட்டுக்கொண்டார். அத்துடன் யுத்தம் முடிந்தவுடனும் அந்த பகுதியிலேயே தன்னை வைத்திருக்கும்படி என்னை கெஞ்சினார். ஆனால் இன்று அவரை தளபதியாக்கியுள்ளார்கள்.

ஊழல்கள், திறமையற்றவர்கள் இராணுவத்தில் இருப்பதற்கு அரச உயரதிகாரிகளே காரணம். அதில் ஒருவர்தான் பாதுகாப்பு அமைச்சர். அவரை யாரும் விசாரிக்கவேண்டி வரின் நான் அவரை காப்பாற்ற மாட்டேன், தடுக்கமாட்டேன் என்றும் வெளிப்படையாக கூறியுள்ளார் பொன்சேகா.

உண்மையில் யுத்தம் வென்றது என்பது நான் எவ்வளவோ கஸ்டப்பட்டு பலதடவைகள் தந்திரோபாயங்களை மாற்றி மாற்றி செயற்பட்டே வென்றேன். தேர்தலில் நிற்பதனைவிட யுத்தத்தில் நிற்பது மிகவும் கடினமானது. ஆனால் நான் நின்று வென்றேன் மஹிந்தவுக்கும் கோத்தபாயவிற்கும் யுத்தம் பற்றி எதுவுமே தெரியாது ஆனால் அவர்கள் போரினை தாம் வென்றோன் என உரிமை கொண்டாட பார்க்கின்றனர். என்றார் பொன்சேகா. http://www.eelanatham.net/news/important

மஹிந்தவுக்கும் கோத்தபாயவிற்கும் யுத்தம் பற்றி எதுவுமே தெரியாது

படைத்தளபதியா தானே இருந்ததாயும் நடந்த எல்லாவற்றுக்கும் தானே பொறுப்பு எண்டு சொன்னதாயும் இங்கதானே வாசிச்சன்.