கண்ணிவெடிகளை அகற்றாமல் மக்களை மீளக்குடியமர்த்தி அவர்களை பலிகொடுக்கத் தயார் இல்லை

கண்ணிவெடிகளை அகற்றாமல் மக்களை மீளக்குடியமர்த்தி அவர்களை பலிகொடுக்கத் தயார் இல்லை

கண்ணிவெடிகளை அகற்றாமல் மக்களை மீளக்குடியமர்த்தி அவர்களை பலிகொடுக்கத் தயார் இல்லையென பிரதமர் ரத்னசிறி விக்ரமநாயக்க தெரிவித்துள்ளார். வவுனியா மெனிக்பார்ம் முகாமில் நேற்று முன்தினம் இடம்பெற்ற வைபவமொன்றில் உரையாற்றும்போதே அவர் இதனைக் கூறியுள்ளார்.

முகாம்களிலுள்ள மக்கள் அவர்களது சொந்தக் கிராமங்களில் குடியமர்த்தியது போன்று அவர்களின் வாழ்க்கைத் தரத்தை உயர்த்துவதற்குத் தேவையான வசதிகளை அரசாங்கம் பெற்றுக்கொடுக்கும். தொழில்கல்வி, வேலைவாய்ப்புக்கள் போன்றவற்றை ஏற்படுத்திக் கொடுத்து அனைவரையும் மேம்படுத்த அரசாங்கம் நடவடிக்கை எடுத்து வருகிறது.

பயங்கரவாதம் காரணமாக இந்த மக்கள் பல வருடங்களாக இன்னல்களை அனுபவித்துவந்தனர். இராணுவ நடவடிக்கையின் மூலம் பயங்கரவாதத்தை இல்லாதொழித்துள்ளதால் அனைத்து மக்களுக்கும் மகிழ்ச்சியாக வாழக் கூடிய சூழல் ஏற்பட்டுள்ளது.

உலகில் பிறக்கும் அனைவருக்கும் உரிமைகள் கிடைக்க வேண்டும். இதில் பிரதானமானது சுதந்திரம். தற்போது இந் மக்களுக்கு சுதந்திரம் கிடைத்துள்ளது. இலங்கையிலுள்ள அனைத்து மக்களுக்கும் சரி சமமான உரிமைகளை வழங்கி ஜனநாயக நீரோட்டத்தில் வாழக்கூடிய சந்தர்ப்பத்தை ஏற்படுத்திக் கொடுக்கவே அரசாங்கம் முயற்சித்து வருகிறது எனவும் ரத்னசிறி

விக்ரமநாயக்க கூறியுள்ளார்.

http://parantan.com/pranthannews/srilankanews.htm