ஈழத் தமிழ் மக்களின் வாழ்வுரிமையினை மீட்க உலகத்தமிழர்கள் ஒன்று படவேண்டும் - உலகத்தமிழர் மாநாட்டில் பழ.நொடுமாறன்

ஈழத் தமிழ் மக்களின் வாழ்வுரிமையினை மீட்க உலகத்தமிழர்கள் ஒன்று படவேண்டும் - உலகத்தமிழர் மாநாட்டில் பழ.நொடுமாறன்

ஈழத் தமிழ் மக்களின் வாழ்வுரிமையினை மீட்க உலகத்தமிழர்கள் ஒன்று படவேண்டும் என்று உலகத்தமிழர் மாநாட்டில் பழநொடுமாறன் தெரிவித்துள்ளார். தமிழகம் தஞ்சாவூரில் தமிழ் வாழ்வுரிமைக்காக நடத்தப்பட்ட உலகத் தமிழர் மாநாட்டின் நிறைவு நாளில் சிறப்புரை ஆற்றும்போது இதனைத் தெரிவித்துள்ளார்.

இம்மாநாட்டில் ஈழத்தமிழர் வாழ்வுரிமைக்காக தீர்மானம் நிறைவேற்றப்பட்டுள்ளது. தொடர்ந்து பேசிய பழ.நெடுமாறன் அவர்கள் தமிழர் பகுதிகளில் சிங்களக் குடியேற்றங்கள் இடம்பெறுகின்றன. தமிழ் மக்களின் நிலங்கள் பறிக்கப்பட்டு அடிப்படை உரிமைகளும் மறுக்கப்பட்டுள்ளன. இந்தஅநீதிகளுக்கு எதிராக தமிழர்கள் முப்பது ஆண்டுகளுக்கு மேலாக போராடிவந்துள்ளார்கள். இந்தபோராட்டத்தில் பலஆயிரக்கணக்கான தமிழ்மக்கள் கொல்லப்பட்டுள்ளார்கள். பல இலட்சக்கணக்கான தமிழ் மக்கள் புலம்பெயர்ந்து பன்நாடுகளில் வாழ்கின்றார்கள்.

ஆனால் தமிழர் வாழ் மண்ணில் ஐந்து இலட்சத்திற்கு மேற்பட்ட மக்கள் அதிகளாக்கப்பட்டு வதை முகாம்களில் அடைக்கப்பட்டுள்ளார்கள். ஸ்ரீலங்காஅரசின் இறுதிக்கட்ட போரின் போது வன்னி மண் பிணக்காடாக காணப்பட்டது. பலஆயிரக்கணக்கான மக்கள் ஊனமாக்கப்பட்டுள்ளார்கள், குழந்தைகளும் பெற்றோர்களும் வெவ்வேறு முகாம்களில் தடுத்துவைக்கப்பட்டுள்ளார்கள். ஸ்ரீலங்காப் படையினரின் இவ்வாறான செயற்பாடுகளினால் மக்கள் உளரீதியாக பாதிக்கப்பட்டுள்ளார்கள்.

இவை அனைத்து பன்நாட்டு குற்றவியல் நீதிமன்றத்தினால் விசாரிக்கப்படவேண்டும் ஐக்கிய நாடுகள் அமைப்பின் தீர்மானத்தின் அடிப்படையில் ஸ்ரீலங்கா அரசு மீது இவ்விவகாரம் தொடர்பில் பன்நாடுகள் விரைந்து நடவடிக்கை எடுக்கவேண்டும் ஐக்கிய நாடுகள் வெளியிட்ட பிரகடனத்தின் அடிப்படையில் தமிழ்மக்களுக்கு அனைத்து உரிமைகளுகம் வழங்கப்படவேண்டும்.

தற்போது வாழும் தமிழ் மக்களும் புலம்பெயர்ந்து வாழும் தமிழ் மக்களும் இணைந்து ஐக்கியநாடுகள் அமைப்பினையும் பன்நாடுகளையும் வற்புறுத்தி செயற்படவைக்கவேண்டும் என்றும் தெரிவித்த அவர், ஈழத் தமிழர்களின் வாழ்வுரிமையினை மீட்க பன்நாட்டு தமிழர்கள் ஒன்றுபட வேண்டும். இவ்வாறான செயல் மூலமே ஈழத்தமிழ் மக்களின் விடுதலைப் போராட்டத்தை முன்னோக்கி நகர்த்த முடியும் என்பதை உணரவேண்டும்.

பன்நாடுகளில் உள்ள ஜனநாயக சக்த்திகள் சமத்துவ சிந்தனையாளர்கள், மனித உரிமை ஆர்வலர்கள், அனைவரும் இணைந்து குரல்கொடுக்க வேண்டும் பன்நாட்டு தமிழர்கள் அனைவரும் அவரவர் நாடுகளில் உள்ள மக்களையும் அரசுகளையும் வலியுறுத்தி ஈழத்தமிழர் பிரச்சனையினை தீர்ப்பதற்கு முயற்சி மேற்கொள்ளப்படவேண்டும் உள்ளிட்ட தீர்மானங்களை நிறைவேற்றவேணடும் என்று உலகத்தமிழர் பேரமைப்பின் தலைவர் பழநெடுமாறன் கருத்துரைத்தார்.

http://www.sankathi.com/index.php?mact=News,cntnt01,detail,0&cntnt01articleid=2675&cntnt01origid=52&cntnt01returnid=51