யாழ்.மாநகர சபை பகுதியில் டெங்குப் பரம்பல் அதிகரிப்பு - சுகாதாரப் பணிப்பாளர் தகவல்

யாழ். மாநகர எல்லைக்குட்பட்ட பகுதிகளி லேயே டெங்கு நோயின் பரம்பல் அதிகரித் துக் காணப்படுவதாக யாழ். பிராந்திய சுகா தார சேவைகள் பணிப்பாளர் வைத்திய கலாநிதி ஆ.கேதீஸ்வரன் தெரிவித்தார்.இது தொடர்பாக அவர் மேலும் தெரிவித்துள்ளதாவது,

யாழ். மாவட்டத்தில் கடந்த டிசம்பர் மாதம் டெங்கு நோய் பீடிக்கப்பட்ட 308 நோயாளர் கள் இனங்காணப்பட்டதுடன் அதில் 5 பேர் உயிரிழந்தனர்.அத்துடன் இம் மாத ஆரம்பத்திலிருந்து நேற்று முன்தினம் வரை 350 நோயாளர்கள் இனங்காணப் பட்டதுடன் அதில் 9 பேர் உயிரிழந்துள்ளனர்.இதில் இம் மாதத்தின் ஆரம்பத்திலிருந்து நேற்று முன்தினம் வரை மாத்திரம் யாழ். மா நகரசபை எல்லைக்குட்பட்ட பகுதியில் வசிக் கும் நோயாளர்கள் இனங்காணப்பட்டுள்ளனர்.

அத்துடன் நல்லூர் பிரதேச சபைப்பிரி வில் 56 நோயாளர்களும் சண்டிலிப்பாய் 41, கோப்பாய் 23, சங்கானை 22 நோயாளர் களும் இனங்காணப்பட்டனர்.கடந்த டிசம்பர் முதலாம் திகதியிலிருந்து நேற்று முன்தினம் வரை 14 பேர் டெங்கு நோய் காரணமாக உயிரிழந்துள்ளனர்.இதில் 13 வயதுக்குட்பட்ட 12 சிறுவர்கள் உயிரிழந்துள்ளனர். ஏனைய இருவரும் 17 வயது மாணவரும் 30 வயது பெண்ணும் உயிரிழந்துள்ளனர்.

தற்போது டெங்கு நோயைக் கட்டுப்படுத்த கிராமிய பிரதேச மற்றும் மாவட்டங்களில் குழுக்கள் அமைக்கப்பட்டு டெங்கு கட்டுப் பாட்டு நடவடிக்கைகள் முன்னெடுக்கப்படு கின்றன.இந் நிலையில் யாழ்.மாநகரசபைக்குட் பட்ட பகுதிகளில் அதிகரித்து வரும் டெங்கு பரம்பலைக் கட்டுப்படுத்தும் நடவடிக்கைக ளைத் துரிதமாக முன்னெடுப்பதற்கு இன்று காலை 11 மணிக்கு யாழ்.மாநகர சபையின் விசேட கூட்டம் நடைபெறுகின்றது.

இக் கூட்டத்தில் யாழ்.மாநகர சபைக்குட் பட்ட பகுதிகளிலுள்ள கழிவுப் பொருள்களை அகற்றுவதற்குள்ள சிக்கல் தொடர்பில் ஆரா யப்படும். அத்துடன் கழிவுப் பொருள்களை அகற்றுவதற்கு வாகனங்கள், தொழிலாளர் கள் தேவைப்படின் அரச சார்பற்ற நிறுவனங் களின் உதவியுடன் ஒப்பந்த அடிப்படையில் சேவைகள் பெற்றுக் கொடுக்கப்படும்.

இதேபோன்று ஏனைய பிரதேச சபைப் பிரிவுகளிலும் ஒழுங்குகள் மேற்கொள்ளப் படும். இதற்கான அறிவுறுத்தலை உரியவர்க ளுக்கு வடக்கு மாகாண ஆளுநர் விடுத்துள் ளார்.எவ்வாறாயினும் அனைத்து மக்களும் ஒத்துழைப்பு வழங்கும்போதுதான் டெங்கு நோயைப் பரப்பும் நுளம்பை முற்றாக கட்டுப் படுத்த முடியும் என்று யாழ்.பிராந்திய சுகாதார சேவைகள் பணிப்பாளர் வைத்திய கலாநிதி ஆ.கேதீஸ்வரன் தெரிவித்தார்.

http://www.valampurii.com