வரலாற்றுத் தவறு நிகழ்த்தப்பட்டது

தமிழீழ விடு தலைப் புலிகளைத் தோற்கடித்து தமிழ்த் தேசிய எழுச்சிக்கு முற் றுப்புள்ளி வைக்க வேண்டும் என்று விரும் பிய இந்திய அரசாங்கத்தின் திட்டத்திற்கு தமிழ்த்தேசியக் கூட்டமைப்பின் தலைவர் கள் என்று தம்மை கூறிக்கொள்வோர் இரக சியமாகத் துணைபோனார்கள். யுத்தத்தின் இறுதிக் கட்டத்தில் 2009 ஏப்ரல் மாதத்தில் யுத்தநிறுத்தம் ஒன்றைக் கொண்டுவந்து எமது மக்களைக் காப்பாற்றுவதற்கு கிடைத்த அருமையான சந்தர்ப்பம் இவர்களால் தவற விடப்பட்டது. இந்திய அரசாங்கத்தை திருப் திப்படுத்தவே இந்த வரலாற்றுத் தவறு நிகழ்த்தப்பட்டது.

இவ்வாறு கடந்த சனிக்கிழமை திரு நெல்வேலி சிவகாமி அம்மன் கோயில் வீதி யில் நடைபெற்ற தமிழ்த்தேசிய விடு தலைக் கூட்டமைப்பின் முதலாவது தேர் தல் பிரசாரக் கூட்டத்தில் உரையாற்றிய அதன் தலைவரும் யாழ்.மாவட்ட முதன்மை வேட்பாளருமான ந.சிறீகாந்தா தெரிவித்தார்.

தமிழ்த் தேசிய விடுதலைக் கூட்ட மைப்பின் நல்லூர் தொகுதி வேட்பாளர் சட்டத்தரணி கனக.நமநாதனை ஆதரித்து நடத்தப்பட்ட இக்கூட்டத்திற்கு வட்டுக்கோட் டைத் தொகுதிக்கான வேட்பாளர்களில் ஒரு வரான வி.கேதீஸ்வரதாசன் தலைமை தாங்கினார்.

ஸ்ரீகாந்தா மேலும் தெரிவித்தவை வருமாறு

கொடூரமாகத் தொடர்ந்து நிகழ்ந்து கொண்டிருந்த யுத்தத்தில் தினமும் பெரும் எண்ணிக்கையில் தமிழ்மக்கள் கொல்லப் பட்டுக் கொண்டிருப்பதையிட்டு தமிழ் நாட்டு மக்கள் ஆத்திரம் அடைந்திருந்த னர். அதன் எதிரொலியாக தமிழ்நாடே குமு றிக்கொண்டிருந்தது. இந்தியப் பொதுத் தேர்தலுக்கும் அப்போது அறிவிப்பு வெளி யிடப்பட்டது.

பொதுத்தேர்தலை மனதில் வைத்து தமிழ்நாட்டு மக்களை சாந்தப்படுத்த இந்தி யாவின் காங்கிரஸ் தலைமையிலான ஆளும் கூட்டணி விரும்பியது. தமிழ்த் தேசியக் கூட்டமைப்பை பேச்சுவார்த் தைக்கு வருமாறு இந்திய அரசாங்கம் அழைத்தது. தமிழ்நாட்டில் காங்கிரஸ் கருணாநிதி கூட்டணியின் தேர்தல் வெற் றிக்கு இந்தப் பேச்சுவார்த்தை தேவையாக இருந்தது.

போரில் இந்தியாவின் இரட்டை வேடத் தைப் புரிந்துகொண்டிருந்த பெரும்பான் மையான கூட்டமைப்பு நாடாளுமன்ற உறுப்பினர்கள், யுத்தநிறுத்தம் ஒன்றினை இந்திய அரசு ஏற்படுத்தினால் மட்டுமே பேச்சுவார்த்தைக்கு கூட்டமைப்பின் பிரதி நிதிகள் குழு செல்லவேண்டும் என்று முடி வெடுத்தனர்.

யுத்த நிறுத்தத்தைக் கொண்டுவர நல்லதோர் சந்தர்ப்பம் ஏற்பட்டுள்ளது என் பதே அவர்களின் கருத்தாக இருந்தது. அவர்களின் முடிவு சென்னையில் இருந்த சம்பந்தனுக்கு அறிவிக்கப்பட்டது.

ஆனால் பெரும்பான்மையினரின் முடிவை மீறி சம்பந்தனும் மற்றவர்களும் புதுடில் லிக்குப் போனார்கள். பேச்சுவார்த்தை நடந் தது. ஆனால் யுத்தநிறுத்தக் கோரிக்கை எது வும் கூட்டமைப்பின் சார்பில் சமர்ப்பிக்கப் படவில்லை.

இந்தச் சந்திப்பைப் பயன்படுத்தி தமிழ் நாட்டில் பெரும்பான்மையான நாடாளு மன்ற ஆசனங்களை காங்கிரஸ் தலைமை யிலான கூட்டணி தட்டிச்சென்றது.

இந்திய அரசை திருப்திப்படுத்தும் முயற்சியில் கூட்டமைப்புத் தலைவர்கள் எமது மக்களின் உயிர்களோடு விளையாடி னார்கள். இவர்களைப் பயன்படுத்திக் கொண்ட இந்திய அரசு, இந்திய பொதுத்தேர்தல் முடிந்த கையோடு விடுதலைப் புலிகளை யும் வீழ்த்துவதில் வெற்றிகண்டது.

இந்திய இலங்கை அரசாங்கங்களின் கூட்டுச் சதியினால் தமிழ்த்தேசிய எழுச்சி நசுக்கப்பட்டது. கூட்டமைப்பு உடைவதற்கு இந்திய அரசும் அதன் ஏவலாட்களாகச் செயற்படும் கூட்டமைப்பு தலைவர் களுமே காரணகர்த்தாக்கள் ஆவார்கள் என் றார்.

உதயன்

வாத்தியார்

............