மெல்லத் துளிர் விடும் நம்பிக்கைகளுடன் ஒரு பாடசாலை

மெல்லத் துளிர் விடும் நம்பிக்கைகளுடன் ஒரு பாடசாலை

கடந்த வருடம் இலங்கைத்தீவில் உள்நாட்டு யுத்தம் ஓய்ந்த பின்னர் வன்னி நிலப்பரப்பிலிருந்து இடம்யெர்ந்து முகாம்களில் தங்கியிருந்த மக்கள் ஒரு வருடங்களின் பின்னர் மீண்டும் தங்கள் ஊர்களிற்கு திரும்பத்தொடங்கியுள்ளனர் ; அதனைத்தொடர்ந்து பாடசாலைகளும் குறைந்தளவு மாணவர்களின் வருகைகளுடன் மீளவும் இயங்கத்தொடங்கியுள்ளன.அப்படி மீண்டும் இயங்கத் தொடங்கியிருக்கும் பாடசாலைகளில் ஒன்றான மன்னார் மாவட்டம் விளாத்திக்குளம் அமெரிக்கன் மிசன் தமிழ் கலவன் பாடசாலைக்கு எமது நேசக்கரம் உதவி அமைப்பினர் நேரில் சென்று பாடசாலை மாணவர்களின் இன்றைய நிலைமை பற்றி கேட்டறிந்துள்ளனர். நிலைமை பற்றி பாடசாலையின் அதிபர் திரு.சிவகுமார் அவர்கள் கருத்து தெரிவிக்கையில்..தரம் 5 வரை கல்வி கற்பிக்கப்படும் இந்தப் பாடசாலையில் யுத்தத்திற்கு முன்னர் 200ற்கும் மேற்பட்ட மாணவர்கள் கல்வி கற்று வந்தனர்.தற்சமயம் மக்கள் தங்கள் சொந்த இடங்களிற்கு திரும்பத் தொடங்கியிலுந்தாலும் மாணவர்களின் வருகை மிக குறைவாகவே உள்ளது. இந்தப் பாடசலையில் முன்னர் கற்பித்த ஆசிரியர்கள் கூட மீண்டும் பணிக்குத்திரும்பவில்லை அவர்கள் எங்கிருக்கிறார்கள் என்கிற விபரங்களும் இல்லை. எமது அயல் கிராமமான இரணை இலுப்பைக்குளம் பாடசாலையிலும் இதே நிலைமைதான் .எனவே நாங்கள் தற்காலிகமாக இரணை இலுப்பைக்குளம் பாடசாலையையும் எம்முடன் இணைத்து தரம் ஒன்றிலிருந்து தரம் ஜந்துவரை பெற்றோரை இழந்த 5 மாணவர்கள் உட்பட 33 மாணவர்களிற்கான கல்வியை வழங்கிக் கொண்டிருக்கின்றோம். மீண்டும் இந்தக் கிராமத்தின் அனைத்து குழந்தைகளும் பாடசாலைக்கு திரும்பவேண்டும் என்பது எமது விரும்மாகும் என்று தெரிவித்தார்..இந்தப் பாடசாலையில் ஒரு அதிபரும் ஒரு ஆசியர் மட்டுமே தற்சமயம் பணி புரிகின்றனர். மேலும் நான்கு தொண்டர் ஆசிரியர்கள் கொடுப்பனவுகள் ஏதும் இல்லாமல் சேவை அடிப்படையில் பகுதிநேரமாகவும் பணிபுரிகின்றார்கள். அந்தக் கிராமத்தில் பாடசாலைக்கு செல்லாமல் வீதியோரங்களில் விழையாடிக்கொண்டிருந்த சிறுவர்களை அணுகி உரையாடியபொழுது..தமக்கும் பாடசாலை செல்வதங்கு விரும்பம்தான் ஆனால் அதற்கான சீருடைகள் கொப்பி பென்சில் போன்றவை வாங்குவதற்கு தங்கள் குடும்பத்தில் எவ்வித வசதிகளும் இல்லாத காரணத்தினால் தாங்கள் பாடசாலைக்கு செல்லமுடியாதிருப்பதாக தெரிவித்தார்கள்.

Edited July 12, 201015 yr by sathiri