கிளிநொச்சி செல்வாநகர் குடியிருப்பில் வாழ்கின்ற 10குடும்பங்களுக்கான உதவிகள் 14.09.10 அன்று வழங்கப்பட்டுள்ளது. இயற்கை அனர்த்தங்களாலும் போரினாலும் பாதிக்கப்பட்ட மேற்படி குடும்பங்களுக்கான சுயதொழில் ஊக்குவிப்புக்கான உதவிகளும் பிள்ளைகளின் கல்விக்கான உதவிகளும் வழங்கப்பட்டது.

இக்குடும்பங்களைச் சேர்ந்த அனைவரும் அங்கவீனர்களாகவும் போரில் பிள்ளைகளை கணவர்களை இழந்தவர்களாகவும் மற்றும் தடுப்புமுகாமிலிருந்து வெளிவந்தவர்களாகவும் இருக்கின்றனர். இன்னும் தங்கள் உடல்களில் சன்னங்கள் எறிகணைத்துண்டுகளையும் சுமந்து கொண்டிருக்கும் இவர்களை நம்பிக்கைகொடுத்துப் புதுப்பிக்கும் உதவியாக இவ்வுதவிகள் வழங்கப்பட்டுள்ளது.

கூரைகள் அற்ற வீடுகளில் தறப்பாள்களோடு வாழ்கின்ற இம்மக்கள் தங்களுக்கான தொழில் வாய்ப்பினைக் கோரியிருந்த போது அவர்களது தரவுகளை அவர்களது நிலமைகளைக் கேட்டு இந்தத் தொழில் வாய்ப்புக்கான உதவிகளை வழங்கிய யேர்மனி டோட்மூண்டிலிருந்து பவானி , யேர்மனி ஸ்ருட்காட்டிலிருந்து மனோகாந்தன் , டென்மார்க்கிலிருந்து திரு.திருமதி குணரட்ணம் யோகமலர் மற்றும் டென்மார்க்கிலிருந்து சுஜாதா சண்முகநாதன் அவர்களும் முன்வந்து உதவிகளை வழங்கியிருந்தனர்.

இலங்கைரூபா ஒருலட்சத்து ஐம்பதாயிரம் ரூபாவிற்கான உதவிகள் வழங்கப்பட்டுள்ளது. தையல் மெசின்கள் , தச்சுத் தொழிலுக்கான உபகரணங்கள் , சிறுமளிகைக்கடை , சைக்கிள் திருத்தும் கடை ,கோழிவளர்ப்பு மற்றும் ஆடுவளர்ப்பு போன்றவற்றுக்கான ஆதாரமாக வழங்கப்பட்டுள்ளது.

செல்வாநகர் ஊனமுற்றோர் குடியிருப்பில் வாழும் குடும்பங்களுக்கான உதவிகளை முன்வந்து செய்த உறவுகளுக்கு நேசக்கரம் தனது நன்றிகளைத் தெரிவித்துக் கொள்ளும் அதேநேரம் போரின் காயங்களோடு வாழும் ஆயிரமாயிரம் உறவுகளின் வாழ்வாதாரத்தைக் கட்டியெழுப்ப தங்களது ஆதரவினைத் தொடர்ந்தும் தர வேண்டுமெனவும் கேட்டுக்கொள்கிறது.

செல்வா நகர் ஊனமுற்றோர் குடியிருப்பு சுயதொழில் வேலைவாய்ப்பு உதவிகள் வழங்கப்பட்ட படங்கள்

மேலதிக படங்கள் விபரங்கள் நேசக்கரம் இணையத்தில் பார்க்கலாம்.....

Edited September 16, 201015 yr by shanthy

ரொம்ப சந்தேசமாக இருக்கு நேசக்கர உறவுகளே

தங்களது சேவைக்கும் நேரத்துக்கும் தலைசாய்த்து நன்றிகள்

தொடரட்டும் தங்கள் பணி

என்னால் முடிந்தவரை தங்களுக்கு கரம் கொடுப்பேன்

ரொம்ப சந்தேசமாக இருக்கு நேசக்கர உறவுகளே

தங்களது சேவைக்கும் நேரத்துக்கும் தலைசாய்த்து நன்றிகள்

தொடரட்டும் தங்கள் பணி

என்னால் முடிந்தவரை தங்களுக்கு கரம் கொடுப்பேன்

உங்கள் ஆதரவுக்கு நன்றிகள் விசுகு.

அனைவரது பங்களிப்புகளையும் வேண்டி நிற்கிறோம். பல்லாயிரம் பேரின் வாழ்வு எதுவுமற்ற நிலையில் தெருவில் கிடக்கிறது. உதவ விரும்புவோர் நேரடியாகவே உதவுவதற்கான ஏற்பாடுகளை செய்து தருவோம்.

எனது ஊர் நண்பர்களுடன் சேர்ந்து ஒரு திட்டத்தை செயற்படுத்த ஆயுத்தம் செய்கின்றோம்

அது சோறு போடுவதாக இல்லாது...

தொழிலையோ அல்லது அதற்கான வாய்ப்புக்களையோ செய்வதாக ஒரு பெரும்முதலீட்டுடன் இருக்கவேண்டும் என்பது எனது அவா.

அதன் பேச்சுவார்த்தைகள்

பொதுமக்கள் தொடங்கி....

பாராளுமன்ற உறுப்பினர்கள்வரை...

நடந்த வண்ணம் உள்ளன.

தங்களது உதவிகளும் ஆலோசனைகளும் தேவைப்படலாம்

தேவைப்படும்போது தொடர்பு கொள்வேன்

ஏன் அது தங்களிடமுள்ள திட்டங்களாகக்கூட இருக்கலாம்

ஆரம்பத்தில்தான் முயற்சி உள்ளது

நிச்சயம் எமது மக்களை மறந்து எம்மால் உறங்க முடியாது

அவர்களுடனான எமது தொடர்புகள் தொடர்ந்து வலுப்படும்

Edited September 21, 201015 yr by விசுகு