'தல' யின் தலவி

ஒரு மகள் கேட்டோம். ஒரு அழகான தேவதையே கொடுத்திருக்கிறார் கடவுள்’ இப்படித்தான் தங்களது செல்ல மகள் ’அனொஸ்கா’ பற்றி பெருமிதம் கொள்கிறார்கள் அஜித்தும், ஷாலினியும்.

‘அன்ஷூ..அன்ஷூ..’ என்று செல்லமாக அழைத்தால் இன்னும் சிறகு விரிக்காத இரண்டரை வயது லிட்டில் ஏஞ்சலாக மிதந்து வருகிறாள்.

’வாங்க அங்கிள். எப்படி இருக்கீங்க? ஆன்ட்டி நல்லா இருக்காங்களா? தாத்தா, பாட்டி எப்படி இருக்காங்க? சாப்பிட்டீங்களா?’ என்று மழலைக் குரலில், மெச்சூர்டான பெண்ணைப் போல அக்கறையோடு விசாரிக்கிறாள்.

ஒரே நாளில் நீங்கள் எத்தனை முறை அன்ஷூவைச் சந்தித்தாலும் அவரது அப்பாவைப் போலவே இப்படித்தான் வாஞ்சையோடு கேட்கிறாள்.

குணத்தில் அப்படியே அஜித்தையும், ஷாலினியையும் சரியான விகிதத்தில் கலந்த பக்கா காம்பினேஷன் இந்த சுட்டிக் குழந்தைகாலையில் எழுந்து, பள்ளிக்கூடத்திற்குச் செல்லும் வரையிலான பீக் ஹவர்களில் தன்னுடைய வேலைகள் எல்லாவற்றையும் அவளே பார்த்துக் கொள்ள ஆரம்பித்திருக்கிறாள். காரணம் சிம்பிள். அன்ஷூ அம்மா பொண்ணு. ப்ரஷ் செய்வது, ஆடைகள் அணிவது, டைனிங் டேபிளில் அமர்ந்தால் தானாகவே போர்க்கையும், ஸ்பூனையும் வைத்துக்கொண்டு லாகவமாக சாப்பிடுவது, பிறகு ஸ்கூலிற்கு கிளம்புவது எல்லாமே செல்ஃப் சர்வீஸ்தான். நிலாவைக் காட்டி சோறு ஊட்டுவதற்கு பதிலாக, டேபிள் மானர்ஸ் பற்றி கற்றுக் கொடுத்து வளர்த்து வருகிறார் ஷாலினி.

மனிதர்களுக்கும், உறவுகளுக்கும் மரியாதை கொடுக்க வேண்டு மென்பது அஜித்தின் பாலிஸி.அதன்படி அன்ஷூவும் தங்களது வீட்டில் வேலை பார்ப்பவர்கள் யாராக இருந்தாலும், அவர்கள் அங்கிள் என்றோ, ஆன்ட்டி என்றோ உறவு முறை சொல்லித்தான் அழைக்கிறாள். இந்த விஷயத்தில் அஜித் கொஞ்சம் கெடுபிடியான அப்பாதான்.

ஷாலினியின் அப்பா பாபு அன்ஷூவின் சீனியர் நண்பர்.இரண்டு மணிநேரம், மூன்று மணிநேரம் கூட அன்ஷூவுடன் அமர்ந்து அவள் பேச்சைக் கேட்பார். கதைகள் சொல்வார். இதில் பெரும்பாலும் ஷாலினி பேபி ஷாலினியாக நடித்த காலங்களில் அவர் பண்ணிய சேட்டைகளை, குறும்புகளை ஒரு கதையைப் போல சொல்வது வழக்கம்.அதனால் அன்ஷூ இப்போதே ஒரு ‘ஸ்டோரி டெல்லர்’ ஆகவே மாறியிருக்கிறாள். இவளது கதைகளில் நாயகி லிட்டில் ஏஞ்சல் அன்ஷூதான். இவளது இன்ஸ்பிரேஷன் சாட்சாத் ஷாலினிதான்.

இன்று அன்ஷூவுக்கு சர்வமத பிரார்த்தனைகள் எல்லாமே ஓரளவுக்கு அத்துபடி. ‘ நீங்கள் இந்து. உங்கள் மனைவி கிறிஸ்துவர். உங்கள் குழந்தை எந்த மத முறைப்படி இறைவனை வணங்குவாள்?’ என்ற கேள்வியை அஜித்திடம் கேட்டதற்கு ‘இறைவனை வழிபடுவதற்கு மனம் இருந்தால் போதும். அதனால் என் மகள் வளர்ந்த பிறகு, அவளுக்கு எது பிடிக்கிறதோ அதன்படி அவளே முடிவு பண்ணட்டும்’ என்றார் அஜித். அதன்படியே தொடர்கிறது அன்ஷூவின் வழிபாடுகள்.

இந்த குட்டி தேவதையுடன் பத்து நிமிடங்கள் இருந்தாலே போதும், ‘ஆஹா.. இப்படியொரு க்யூட்டான குட்டி தேவதை நம்முடைய வீட்டிலும் இருந்தால் எப்படியிருக்கும்..’என்று ஏங்க வைத்து விடுகிறாள் இந்த அன்ஷூ.

முதல்ல அன்ஷூக்கு திருஷ்டி சுத்திப் போடுங்க தல..

நன்றி குமுதம்

படங்களைப் பார்வையிட.....

http://www.thedipaar.com/cinema/cinema.php?id=4841