நேற்று தனது 89ம் வயதில் தொடர்ச்சியாக 12வது தடவையாக 76% பெருன்பான்மை வாக்குகள் மூலம் கனடாவில் உள்ள ஓர் பிரபல நகரமாகிய Mississaugaஇல் Hazel McCallion அவர்கள் மீண்டும் நகரபிதாவாக தெரிவு செய்யப்பட்டு உள்ளார். அண்மையில் இவர் மீது பல குற்றச்சாட்டுக்கள் வைக்கப்பட்டிருப்பினும், ஊடகங்கள் இவர்பற்றி பலவிதமாக கருத்துக்கள் கூறினாலும் அவற்றையெல்லாம் எதிர்கொண்டு மீண்டும் நகரபிதாவாக சேவை செய்வதற்கு தனது 89வது வயதில் தேர்வுசெய்யப்பட்டுள்ளார். வாழ்த்துகள் கூறும் அதேவேளை... இவரை பெண்கள் மட்டும் அல்ல ஆண்களும் தமது முன்னோடியாக கொள்ளலாம் என்றும் கூறத்தோன்றுகின்றது. உயிர்ப்புடன் சவால்களை சந்தித்து சாதிப்பதற்கு வயது ஓர் எல்லை இல்லை.

தகவல் மூலம்: Wikipedia

Edited October 26, 201015 yr by கரும்பு

மேலே சொன்ன கருத்துக்கள் சரி. ஆனால் ஆணோ பெண்ணோ என்பதற்கு அப்பால் சில விடயங்களை பரர்க்க வேண்டும்.

அ) இவர் இப்பொழுது நாற்பத்தி நான்கு வருடங்களாக நகரபிதவாக இருந்திருக்கின்றார். இன்னும் நான்கு வருடங்களுக்கு இருக்கப்போகின்றார். இப்பொழுது இந்த நகரசபை இரண்டாவது பெரிய மாநகரசபை. இதில் பலரும் அண்மையில் குடியேறிய மக்கள். காலம் மாறியதுடன் தேவைகள்

பொருளாதாரம் தொழில்நுட்பம் என்பன மாறிவிட்டன. அதற்கு ஏற்றவாறு இதை உணர்ந்தாவது நகர பிதாவும் மாறியுள்ளாரா என்பது ஒரு கேள்வி.

ஆ) இந்த நகரம் நல்ல நிலையில் அதன் வரவு செலவுகளை / கணக்கு வழக்குகளை வைத்திருப்பது அதன் சிறப்பம்சம். அதற்கு இந்த அம்மையாரும் ஒரு முக்கிய கரரணம். ஆனால் இதற்கு இன்னொரு முக்கிய காரணம் வளர்ந்து வரும் தேவைகளுக்கு ஏற்ப அது முதலீடு செய்யாதது. உதாரணத்துக்கு இங்கு நிலக்கீழ் போக்குவரத்து (subway/tube/metro) வசதி இல்லை. ( டொராண்டோவில் ஒரு கிலோ மீற்றருக்கு இதை போட இன்றைய செலவு இருநூறு மில்லியன்கள் என மதிக்கப்படுகின்றது). இதை செய்வதும் இதை பராமரிப்பதுமே பெரிய செலவீனம் ஆகும்.

இ) தொண்ணூற்றி இரண்டு வயதில் இவர் இளைப்பாறும் போது இவர் வேலையை நிரப்ப வருபவர் பெரிய எதிர்பார்ப்புக்கு உள்ளாகி மிகவும் சிரமப்படக்கூடும்.

அம்மையார் அவர்கள் நீங்கள் கூறும் சில விடயங்களிற்கு எதிர்ப்புக்கொள்கை உடையவர் என்று எங்கோ வாசித்த அல்லது தொலைக்காட்சியில் பார்த்த ஞாபகம் உள்ளது. சூழலை பாதுகாக்கவேண்டும் எனும் காரணத்திற்காக சில விடயங்களில் இறுக்கமாக உள்ளாரோ தெரியவில்லை. அவர் மிசிசாகா நகரத்தை இரும்புப்பிடியாக பிடித்து.. குறிப்பிட்ட நகரத்தை பாதிக்கக்கூடிய எப்படியான விடயங்களையும் மிகவும் அவதானமாகவே கையாள்கின்றார் என நினைக்கின்றேன். உங்கள் தகவல்களிற்கு நன்றி. என்னதான் இருந்தாலும் 89வயதில் இவ்வளவு ஆளுமையுடன் இவர் காணப்படுவது எனக்கும் எதிர்காலத்தில் ஒருகாலத்தில் வயது போனாலும் வாழ்க்கையை வாழலாம்.. வயது போனாலும் சுறுசுறுப்பாக வாழமுடியும் எனும் நம்பிக்கையை தருகின்றது. நான் அடிக்கடி எனது பெற்றோருக்கு இவரை உதாரணமாக கூறுவது: அதாவது உங்களுக்கு வயது போய் விட்டதாய் நினைக்காதீர்கள். உங்களைவிட மிகவும் வயதில் மூத்த இந்த அம்மையார் இப்படியாக வாழ்கின்றார் என்று.

Edited October 28, 201015 yr by கரும்பு