சிங்களவர்கள் பொங்கினால் மட்டும் அதனை வாங்கிச் சாப்பிடுங்கள்

சனி, 15 ஜனவரி 2011 16:26

சிங்களக் கைதிகள் பால் பொங்கினால் மட்டும் அதனை வாங்கிச் சாப்பிடுங்கள். இது தவிர நீங்கள் பொங்கல் தயாரிக்கவோ அல்லது பொங்கல் தின விசேட நிகழ்வுகளை நடத்தவோ அனுமதிக்க முடியாது என அநுராதபுரம் சிறைச்சாலையில் கடமை புரியும் சில சிறை அதிகாரிகளும் சிங்களக் கைதிகளும் அங்கு தடுத்து வைக்கப்பட்டுள்ள தமிழ்க் கைதிகளிடம் தெரிவித்தனர் எனத் தகவல்கள் தற்போது வெளியாகியுள்ளன.

அநுராதபுரம், சிறைச்சாலையிலுள்ள சுமார் 65 தமிழ்க் கைதிகள் தைப்பொங்கல் தினமான இன்று அங்கு விசேட வழிபாடுகளை நடத்த முயன்ற போது, அதற்கு அனுமதி வழங்க மறுக்கப்பட்டமை தொடர்பில் தமிழ்க் கைதிகளின் உறவினர்கள் தம்மிடம் முறையிட்;டுள்ளனர் என தமிழ்த் தேசிய விடுதலைக் கூட்டமைப்பின் செயலாளர் நாயகம் எம். சிவாஜிலிங்கம் எமது இணையத்தளத்துக்குச் சற்று நேரத்துக்கு முன்னர் தெரிவித்தார்.

அநுராதபுரம் சிறைச்சாலையிலுள்ள தமிழ்க் கைதிகள் இன்று காலையில் பொங்கல் தினத்தையொட்டி சமய வைபவங்களை நடத்த முயன்ற போது, அங்கு எழுந்த நிலைமை குறித்துக் கேட்ட போதே அவர் இவ்வாறு தெரிவித்தார். சிங்களக் கைதிகள் பால் பொங்கினால் மட்டும் அதனை வாங்கிச் சாப்பிடுங்கள்.

இது தவிர நீங்கள் பொங்கல் தயாரிக்கவோ அல்லது பொங்கல் தின விசேட நிகழ்வுகளை நடத்தவோ அனுமதிக்க முடியாது என அநுராதபுரம் சிறைச்சாலையில் கடமை புரியும் சில அதிகாரிகளும் சிங்களக் கைதிகளும் அங்கு தடுத்து வைக்கப்பட்டுள்ள தமிழ்க் கைதிகளிடம் தெரிவித்தனர் என அந்தக் கைதிகளின் உறவினர்கள் தன்னிடம் முறைப்பாடு செய்துள்ளனர் என சிவாஜிலிங்கம் தெரிவித்தார்.

இதனை வன்மையாக ஆட்சேபித்த தமிழ்க் கைதிகள் இன்று முழு நேர உண்ணாவிரதத்தை மேற்கொள்ள திட்டமிட்டிருந்தனர் என அவர்களது உறவினர்கள் தன்னிடம் தெரிவித்தனர். இருப்பினும் இந்த உண்ணாவிரதத்தைக் கைவிடுமாறு தமிழ்க் கைதிகளை அறிவுறுத்தும்படி தான் அவர்களின் உறவினர்களிடம் வேண்டுகோள் விடுத்துள்ளேன்; எனவும் அவர் எமக்குக் கூறினார்.

Share70

tamilcnn.com

இப்ப பொங்குவியள் நாளைக்கு பொங்கு தமிழ் நடத்துவியள்.... ! இப்ப தமிழருக்கு நிம்மதிதான் தேவை... ஆகவே பொங்க எல்லாம் கூடாது...

போற போக்கிலை சிங்களவனும் மாவீரர்நாள் நடத்துவாங்கள் போலை கிடக்கு.