இலங்கையில் தமிழர் பண்பாட்டை அழிக்க முயற்சி: இந்து மக்கள் கட்சி குற்றச்சாட்டு

இலங்கையில் இந்து சமயத்தையும், தமிழர் பண்பாட்டையும் அழிக்கும் நடவடிக்கைகளில் அந்நாட்டு அரசு ஈடுபட்டு வருகிறது என, இந்து மக்கள் கட்சியின் நிறுவனர் தலைவர் அர்ஜுன் சம்பத் கூறியுள்ளார்.

திருச்சியில் செய்தியாளர்களிடம் பேசிய இந்து மக்கள் கட்சியின் நிறுவன தலைவர் அர்ஜுன் சம்பத்,

இலங்கையில் இந்து கோயில்களை, புத்த மதக் கோயிலாக மாற்றும் முயற்சியில் அந்த நாட்டு அரசு ஈடுபட்டு வருகிறது. இதற்கு உடன்படாத 3 சிவாச்சாரியர்கள் இலங்கை ராணுவத்தினரால் அண்மையில் சுட்டுக் கொல்லப்பட்டுள்ளனர்.

இலங்கை அரசு இந்து சமய, தமிழர் பண்பாட்டை அழிக்கும் முயற்சியில் ஈடுபட்டுள்ளது. இதை இந்திய அரசு வேடிக்கை பார்த்து வருகிறது.

இந்தப் பிரச்சனை குறித்து சிவசேனை கட்சித் தலைவர் பால்தாக்கரேவுக்கு கோரிக்கை மனு ஒன்றை அனுப்பியுள்ளேன். பா.ஜ. கட்சியினருடன் கலந்து பேசி, மக்களவையில் இதுகுறித்து பிரச்சனை எழுப்பப்படும் என சிவசேனை சார்பில் தெரிவிக்கப்பட்டுள்ளது என்றார்.

http://www.nakkheeran.in/users/frmNews.aspx?N=47160

---------------------------------

நாடு கடந்த தமிழீழ அரசு இது தொடர்பில் இந்தியாவில் உள்ள இந்து அமைப்புக்களிடம் முறையான ஒரு கோரிக்கையை முன் வைப்பதோடு தாயகத்தில் இருந்தும் இவ்வாறான முறைபாடுகளை முன் வைக்க வேண்டும்.

சிங்கள பெளத்த மேலாதிக்கம்... தமிழ் மக்களை சீரழிப்பது என்பது இலகுவான காரியம் அல்ல என்பதை உணர வைக்க வேண்டும். அப்படி உணர்ந்தால் அன்றி சிங்கள பெளத்த பேரினவாதம் தமிழ் மக்களுக்கு எதையும் தராது. சிங்களம் எதையும் தராது என்பதையும் நாம் உலகுக்கு உணர்த்த வேண்டும். அப்போதுதான் உலகம் எம்மை ஆதரிக்கும். அதுவே எமது விடிவுக்கு உதவும்.

இந்தியாவில் இருக்கக் கூடிய எமக்கான நேச வலுக்களை நாம் பயன்படுத்தாமல் விடக் கூடாது.

அதற்காக நாம் சாத்தியமான எல்லா வழிகளையும் கையாள வேண்டும்.

Edited January 21, 201115 yr by nedukkalapoovan

இந்தியாவில் இருக்கக் கூடிய எமக்கான நேச வலுக்களை நாம் பயன்படுத்தாமல் விடக் கூடாது.

அதற்காக நாம் சாத்தியமான எல்லா வழிகளையும் கையாள வேண்டும்.

அதை உங்களுக்கு முதல் டக்கிளஸ் நன்றாகவே உணர்ந்துள்ளார் என்றுதான் நினக்கிறேன்....உலகநாடுகளுக்கு எல்லாம் தெரியும் எல்லா இந்து ,கிறிஸ்தவ கட்சிகளுக்கும் ,சிங்களம் செய்யும் அட்டுழியங்கள் நல்லாவே தெரியும்.......எல்லோரும் தங்களுக்கு என்ன லாபம் வரும் என்று தான் பார்த்து ஆதரவு தருவதற்க்கு வேயிற்றிங்.......

தமிழ் மக்கள் கொத்துக் கொத்தாகக் கொன்று குவிக்கப்பட்ட போது இந்த இந்து அமைப்புக்கள் என்ன செய்து கொண்டிருந்தன?

தமிழ் மக்கள் கொல்லப்பட்ட போது இல்லாத பரிவும் பாசமும் இந்துக் கோயில்கள் புத்த ஆலயங்களாக மாற்றப்படும் போதும் இந்'துப் பூசாரிகள் மூவர் கொல்லப்ப்பட்ட போதும் மட்டும் எழுந்திருக்கிறது.

சிங்கள் அரசாங்கத்தின் பௌத்த திணிப்பையோ அல்லது கொலைகளையோ நான் நியாயப்படுத்தவில்லை. ஆனால் அதற்காக முதலைக் கண்ணீர் வடிக்கும் இந்த இந்து அமைப்புக்களின் செயலையே வெறுக்கிறேன்.

ஈழத்தில் வாழ்ந்து கொல்லப்பட்டவர்கள் இஸ்லாமியர்களாக இருந்திருந்தால் உலகெங்குமுள்ள இஸ்லாமிய நாடுகளும் இஸ்லாமிய நிறுவனங்களும் பள்ளிவாசல்களும் அதெற்கெதிராக பெரும் போராட்டங்களை நடத்தியிருக்கும். ஆனால் நம் ஈழத்தமிழர்களில் பெரும்பான்மையானவர்கள் இந்துக்களாய்ப் போய் விட்டோமே? எமது இந்துக்கள் எமக்கெதிராக குரல் கொடுக்கவில்லை என்பது மட்டுமல்ல இந்தக் கொலைகளுக்கு அனுசரணையாய் இருந்தும் இருக்கிறார்கள் என்பது கொடுமையிலும் கொடுமை.....