அரசு கபளீகரம் செய்ய முற்பட்ட உழவு இயந்திரங்கள் இந்தியாவின் தலையீட்டால் தடுத்து நிறுத்தம்

சனி, 23 ஏப்ரல் 2011 08:34

E-mail அச்சிடுக PDF

இந்திய அரசினால் வழங்கப்பட்ட 500 உழவு இயந்திரங்களை அரச நிறுவனங்களின் தேவைக்காக பயன்படுத்த திட்டமிட்டிருந்த நிலையில், இந்திய உயர்ஸ்தானிகராலயத்தின் விசாரணைகளை அடுத்து வடபகுதி விவசாயிகளுக்கே உழவு இயந்திரங்கள் மீளக் கையளிக்கப்பட்டன.

இந்திய அரசாங்கத்தினால் வடபகுதி விவசாயிகளுக்காக வழங்கப்பட்ட 500 உழவு இயந்திரங்களில் சுமார் 100 உழவு இயந்திரங்கள் மரமுந்திரிகை மற்றும் தெங்கு அபிவிருத்தி கூட்டுத்தாபனங்களுக்கும் மாற்றப்பட்டிருந்தது.

அத்துடன் 100 உழவு இயந்திரங்களை வேறு பல நிறுவனங்களுக்கு வழங்க திட்டமிடப்பட்டிருந்ததாகவும் கடந்த பெப்ரவரி மாதம் 13ஆம் திகதி நாடாளுமன்றில் எம். ஏ. சுமந்திரன் குற்றம் சுமத்தியிருந்தார். இதுதொடர்பாக இந்திய உயர்ஸ்தானிகராலயத்திற்கு முறையீடு செய்ததாக கூறியிருந்தார்.

இதைத்தொடர்ந்து இந்திய உயர்ஸ்தானிகராலயம் விசாரணைகளை மேற்கொண்டதையடுத்து, 600 மில்லியன் ரூபா பெறுமதியான 500 உழவு இயந்திரங்களை வடபகுதி விவசாயிகளுக்கே வழங்குவதற்கு இலங்கை அரசாங்கம் உறுதி செய்துள்ளதாக இந்திய உயர்ஸ்தானிகராலயம் அறிவித்துள்ளது.

இந்த 500 உழவு இயந்திரங்களில் யாழ்ப்பாணத்துக்கு 109 உழவு இயந்திரங்களும், முல்லைத்தீவுக்கு 112 உழவு இயந்திரங்களும், கிளிநொச்சிக்கு 110 உழவு இயந்திரங்களும், மன்னாருக்கு 100 உழவு இயந்திரங்களும், வவுனியாவுக்கு 69 உழவு இயந்திரங்களும் பகிர்ந்தளிக்கப்பட்டுள்ளன.

tamilcnn

பின் முந்திரி தெங்கு திணைக்களத்தில் இருந்து ஸ்ரீ லங்கா அமைச்சர்களின் வைப்பாட்டி, சின்னவீடு திணைகளங்களுக்கு போக இருந்தது.