தமிழக மக்களே! உங்கள் தீர்ப்பு வான்புகழ் கொண்டது[

செய்தி பதிவுசெய்யப்பட்டது : 2011-05-14 08:36:24| யாழ்ப்பாணம்]

தமிழக சட்டசபைத் தேர்தல் முடிபுகள் வெளியாகி உள்ளன. கலைஞர் மு.கருணாநிதியின் திராவிட முன்னேற்றக் கழகம் படுதோல்வி கண்டுள்ளது.தமிழகத்தின் ஆட்சியை செல்வி ஜெயலலிதா தலை மையிலான அண்ணா திராவிட முன்னேற்றக் கழகம் கைப்பற்றியுள்ளது. கலைஞர் மு.கருணாநிதியின் தொலைக்காட்சிகள் நடத்திய பெரும் எடுப்பிலான பிரசாரம், கலைஞரின் இலவசக் கொடுப்பனவுகளின் அறிவிப்புகள் என்பவற்றின் மத்தியில் செல்வி ஜெயலலிதா தலைமை யிலான அ.தி.மு.க. மகோன்னத வெற்றிபெற்றமை யானது,

தமிழக மக்கள் பெரும் புத்திசாலிகள் என்பதை நிரூபித்துள்ளது. ஊழல் மோசடிகள், குடும்ப ஆதிக்கம், ஊடகத் தடிப்பு, தென்னிந்திய சினிமாத் துறையை தனது கைக்குள் அடக்கும் முயற்சி என்பவற்றின் உக்கிரம் கலைஞர் கருணாநிதிக்கு வயோதிக காலத்தில் பெரும் துயரைக் கொடுத்துவிட்டது. மேற்கூறிய காரணங்கள் மட்டுமின்றி கருணா நிதியிடம் இயல்பாக இருக்கக் கூடிய பொய், புளுகு, ஏமாற்று வித்தை, நாடகம், நடிப்பு, எழுத்து என்பவற்றின் சுயவடிவங்களையும் தமிழக மக்கள் அறிந்து கொண்டதனால் கலைஞர் மு.கருணாநிதியை தயவு தாட்சணியம் இன்றி முதல்வர் பதவியிலிருந்து தூக்கி யயறிந்துள்ளனர். இனிமேல் அவரும் அவரது குடும்பமும் மீளப் போவதில்லை என்பது உறுதி.

அதற்கு மேலாக ஊழல் குற்றச்சாட்டில் ராஜாவுடன் கருணாநிதியின் குடும்ப அங்கத்தவர்களும் சிறை செல்லும் வாய்ப்பு இருப்பதை எளிதில் மறுத்துவிட முடியாது. தமிழக ஆட்சியில் கருணாநிதி இழைத்த மாபெரும் குற்றம் வன்னி யுத்தத்தின்போது உண்ணவிரதம் இருந்து விட்டு பின்னர் வன்னியுத்தம் நிறுத்தப்பட்டு விட்டதெனக் கூறி, சிலமணி நேரங்களில் உண்ணா விரதத்தை முடித்துக் கொண்டமை. இரண்டாவது சீமானை சிறைக்கு அனுப்பி சீமானின் குரலை நசுக்கும் திட்டத்தை அரங்கேற்றியமை. இந்த இரண்டு மகாபாவங்களையும் முத்துவேலு கருணாநிதி செய்ததை தமிழக மக்கள் மன்னிக்க மாட்டார்கள் என்பதற்கு சட்ட சபைத் தேர்தல் முடிபுகள் நல்ல சான்று.

ஆனாலும் ஒரு கவலை. அது என்ன வெனில் நடந்து முடிந்த சட்டசபைத் தேர்தல் முடிபுகள்தான் உங்களுக்கு மாரகமாக அமையப்போகின்றது. கலைஞரே! என்ன செய்வது நீங்கள் கடவுள் இல்லை என்று நினைக்கலாம்-நம்பலாம்- அதைப் பரப்பலாம் குறள் ஓவியம் எழுதிய உங்களுக்கு ஊழ்வினைப் பயன்பற்றி தெரியாமல் இருக்க முடியாது.

ஆகையால் உங்கள் பதவி இழப்பு-வன்னிப் போரில் மாண்ட அப்பாவி மக்களின் சாபம் என்பதை மறந்து விடாதீர்கள். உங்களின் அந்திம காலத்தில் உங்கள் மனைவி யும் துணைவியும் மக்களும் அருகில் இருப்பார்களா? என்பது கூட சந்தேகமே. என்ன செய்வது? ஏமாற்றுதாரிகளுக்கு கடவுள் இப்படித்தான் தண்டனை கொடுப்பான் என்பதை இந்த உலகம் உங்களிலிருந்து கற்றுக்கொள்ளட்டும். எல்லாவற்றுக்கும் மேலாக வர்ணத் தொலைக் காட்சியும் வார்த்தை அலங்காரங்களும் வேண்டாம். எங்கள் தமிழகத்தில் ஊழலும் குடும்ப ஆதிக்கமும் இல்லாத நல்லாட்சி வேண்டும் என உள்ளார்ந்தமாக நினைத்து அதனை அரங்கேற்றிய தமிழக மக்களே! உங்கள் தீர்ப்பு வான்புகழ் கொண்டது. வாழ்க உங்கள் அறிவு. வாழ்க உங்கள் ஜனநாயகத் தீர்ப்பு.

http://valampurii.com/online/viewnews.php?ID=19105

Edited May 14, 201114 yr by akootha

உலகம் பூராகவும் தமிழ்மக்கள் விழித்துக்கொண்டார்கள். என்பதை இந்தியாவின் தமிழநாட்டுத் தேர்தலும் காட்டமாக நிரூபித்துள்ளது. ஆயுதத்தை எடுக்காது அகிம்சை வழியில் வெட்டிச்சாய்த்துள்ளனர்.

கருணாநிதிக்கு விழுந்த அடியும் கனடாவில் லிபரலுக்கு விழுந்த அடிபோல் பலத்த அடிதான். தமிழ்நாட்டுமக்களுக்கு நன்றி நன்றி நன்றி. தமிழ் மக்களின் இருப்பைப்பலமுடன் நிலைநாட்ட இது தக்க தருணம். எதிர்காலத்திலும் எட்டப்பர் கூட்டத்தை வெட்டி எறியுங்கள்