கிளிநொச்சி ஜெயபுரத்தில் ‘மகிந்த ராஜபக்ச மாவத்தை’

கிளிநொச்சி ஜெயபுரத்தில் ‘மகிந்த ராஜபக்ச மாவத்தை’

Monday, May 23, 2011, 18:59சிறீலங்கா, தமிழீழம்54 views1 comment

தமிழீழ விடுதலைப் புலிகளின் தலைநகர் என வெளிநாடுகளால் வர்ணிக்கப்பட்டுவந்த கிளிநொச்சி ஜெயபுரத்தில் சிறீலங்காவின் பிறிதொரு ஆக்கிரமிப்பு வடிவம் நிறுவப்பட்டுள்ளதாக தெரியவருகிறது .

ஜெயபுரத்தில் இருந்து பல்லவராயன்கட்டு நேக்கி பிரயாணிக்கையில் ஜெயபுரம் சந்தைக்கு அருகாமையில் இரண்டு குறுக்கு வீதிகள் ‘மகிந்த ராஜபக்ச மாவத்தை’ மற்றும் ‘அழுத் மாவத்தை’ எனப் பெயரிடப்பட்டுள்ளதாகவும், இன்னும் சில வீதிகளுக்கு வேறுபல சிங்களப்பெயர்கள் இடுவதற்கு திட்டமிடப்பட்டுள்ளதாகவும் அறிய முடிகின்றது.சிறீலங்கா படைகள் தமிழர் தாயகப் பகுதகளை ஆக்கிரமிக்க மேற்கொண்ட போரின் பின்னர் தற்போது இவ்வாறான ஆக்கிரமிப்பு வடிவங்களை நிறுவி வருகின்றன. அதில் இவ் இரண்டு விடயங்களும் கடந்த சில நாட்களுக்கு முன்னர் நடந்தேறியுள்ளன.

கிளிநொச்சி உள் வீதிகளில் இவ் அடையாளங்களை இடுவதன் மூலம் தமிழ் ஊடங்கள் மற்றும் ஆர்வலர்கள் கண்களில் இருந்து இதை மறைத்து சிங்கள மயமாக்கலை மேற்கொள்ளும் இரகசிய திட்டம் தற்போது அம்பலமாகியுள்ளது.

அது மட்டுமல்லாமல் இந்த பெயர் பலகைகளை பாதுகாக்கும் நோக்கில் அவற்றிற்கு அருகில் சிறீலங்கா ஆக்கிரமிப்பு காவல்துறையினர் காவலுக்கு அமர்த்தப்பட்டுள்ளதால், பெயர் பலைகையை நிகழ்படம் எடுக்க முற்படும் பொதுமக்களும், பாதசாரிகளும் அவதானிக்கப்படுவதால் மக்கள் அஞ்சி அதை தவிர்த்து வருகின்றனர்.ஜெயபுரத்தில் இருந்து பல்லவராயன் கட்டுச்சந்தி நோக்கி பயணிக்கையில் இடது புறமாக இரண்டு அடுத்தடுத்த சிறு வீதிகள் இவ்வாறு பெயரிடப்பட்டுள்ளதுடன், வெள்ளை பலகையில் கறுப்பு மையால் இவ் பெயர்கள் பெறிக்கப்பட்டுள்ளன.

கடந்த சில நாட்களுக்கு முன்னர் இவ் ஆக்கிரமிப்பு லகைகள் நிறுவப்பட்டிருக்கலாம் என செய்தியாளரிடம் தெரிவித்துள்ள பிரதேச வாசிகள், முதலில் தாம் இதனைக் கவனிக்கவில்லை எனவும், அப்பகுதியில் திடீர் என காவல்துறை பிரசன்னம் காணப்பட்டது தமக்கு சந்தேகங்களை ஏற்படுத்தியிருந்நதாகவும் தெரிவித்துள்ளனர் ஜெயபுரத்தின் உள் பகுதிகளில் பகுதியில் சிங்கள குடியிருப்புக்கள் நிறுவப்பட்டுள்ளதாக கூறப்பட்டுள்ள போதும் அதை உறுதிப்படுத்த முடியவில்லை.

நன்றி : Eelamdaily News