‘இலங்கையின் கொலைக்களம்’ ஆவணப்படம் பிரிட்டனில் ஒரு மில்லியன் மக்கள் பார்வை

Sunday, June 26, 2011, 10:59

உலகம்

வெளிவந்து ஒருவார காலப்பகுதிக்குள் “இலங்கையின் கொலைக் களங்கள்’ (sri lanka killing fields) திரைப்படம் இங்கிலாந்தில் மாத்திரம் ஒரு மில்லியனுக்கும் அதிகமானோரால் பார்வையிடப்பட்டுள்ளதாக தெரியவருகின்றது. இதைவிட உலகெங்குமுள்ள 270,000க்கும் அதிகமானோர் VOD யிலும், முப்பது நாடுகளுக்கும் மேலாக 4ODயிலும் பார்வை யிடப்பட்டுள்ளதாகத் தெரியவருகின்றது.

கடந்த செவ்வாயன்று இராஜதந்திரிகள் மற்றும் அமெரிக்க ஊடகவியலாளர்களுக்காக இத்திரைப்படம் நியூயோர்க்கில் காட்டப்பட்டது. அமெரிக்கா, இந்தியா, ஜேர்மன், அவுஸ்திரேலியா, நியூசிலாந்து, அயர்லாந்து, மற்றும் ஈஸ்ட் திமோர் ஆகிய நாடுகளைச் சேர்ந்த ஐ.நா. தூதுக் குழுவினர் இதில் பங்கு பற்றினர். இலங்கை ஐ.நா.வுக்கான தூதுவரும் நிரந்தரப் பிரதிநிதியுமாகிய பாலித்த கொஹன, பிரிகேடியர் சவேந்திரா டி சில்வா உட்பட எட்டுப் பேர்களைக் கொண்ட குழுவொன்றை அனுப்பி வைத்திருந்தது.

திரைப்பட முடிவில் பாலித கொஹன மற்றும் சவேந்திர டி சில்வா ஆகிய இருவரும் உரையாற்றினார்கள்.

பாலித கொஹன தனதுரையில், காணொளியில் நீங்கள் பார்த்த எல்லா மரணங்களையும் எண்ணிக் கணக்கெடுத்தாலும் அத் தொகை நூறைவிஞ்சாது. இதன் மூலம் ஏனையவர்கள் பாதிக்கப்படவில்லை என்றோ கொல்லப்படவில்லை என்றோ அர்த்தமாகாது.

இராணுவத்தினரால் வெளியிடப்பட்டுள்ள அறிக்கை சம்பந்தமாக அவர் தெரிவித்ததாவது, இராணுவத்தினர் சட்டத்தை மீறி நடந்தாக கூறப்படும் சம்பவங்கள் உறுதிப்படுத்தப்பட்டால் இராணுவம் அது குறித்து கவனமெடுக்கும் காணொளியில் சில விரும்பத்தகாத சம்பவங்கள் காணக்கூடியதாக இருந்தன. அவை உடனடியாக நாட்டின் குற்றவியல் சட்டத்தின் கீழ் நடவடிக்கை எடுக்கப்பட வேண்டியவைகளாகும். இலங்கை இராணுவம் அத்தகைய செயல்கள் குறித்து நடவடடிக்கை எடுப்பதாக வகைப்படுத்திக் கூறியிருந்தது. ஆனால் உண்மையில் இலங்கை தன் குறைபாடுகளைத் தீர்த்துக் கொள்ள முடியாதெனக் கூறுவது மேலாதிக்க நோக்கமுடைய காலனித்துவ சிந்தனையாகும். எங்களால் எங்கள் பிரச்சினைகளத் தீர்த்து கொள்ள முடியும்.

கடந்த புதனன்று பொதுச்சபையில் திரளான கூட்டத்துடன் பொதுச் சபையில் இலங்கைக்கான நிகழ்வு நடைபெற்றது. ஜோன் ஸ்னோ (ஒணிண குணணிதீ) இலங்கை கொலைக் கள கிளிப் களை அறிமுகப்படுத்திய இந்த நிகழ்வுக்கு சனல் போ வெளிநாட்டுச் செய்தியாளர் ஜோனாதன் மில்லர் (ஒணிணச்tடச்ண Mடிடூஞுணூ) இக்கலந்துரையாடலுக்குத் தலைமை வகித்தார்.

பொது நலவாய மற்றும் வெளியுறவு அமைச்சர் ஆலிஸ்டர் பர்ட் மனித உரிமைகள் சம்பந்தமான சர்வகட்சி நாடாளுமன்றக் குழுத்தலைவர் ஆன் குருய்ட், சர்வதேச மன்னிப்புச் சபையைச் சேர்ந்த பொலன்டா பொஸ்டர், திரைப்பட இயக்குனர் கோலம் மெக்ரே ஆகியோர் கொண்ட குழுவுடன் சியோவான் மெக்டோனா எம்.பி, என்ட்டி லய் எம்.பி, ஜி.எம். டவ்ட் எம்.பி, லீஸ்கொட் எம்.பி, யஸ்மின் க்யூரேஷி எம்.பி, மைக்கேப்ஸ் எம்.பி., ஜோன் ரயான் முன்னாள் எம்.பி.

கால் நூற்றாண்டுக் காலமான இலங்கை அரசுக்கும் பிரிவினைவாத கிளர்ச்சியாளர்களான தமிழ்ப் புலிகளுக்குமிடையிலான போரின் இறுதி நாட்களில் நடைபெற்ற போர்க் குற்றங்களும், மனித நேயத்திற்கெதிரான குற்றங்களும் பற்றி பரபரப்பூட்டிய விசாரணைகளுக்குப் பின் பிரசித்தப்படுத்தப்பட்டுள்ள காணொளிச்சான்றுகள் ஏற்கனவே பிரதமர் டேவிட் கெமரோனை ஆத்திரமூட்டச் செய்துள்ளன என்பது குறிப்பிடத்தது.

http://www.tamilthai.com/?p=20256

சிங்களச் செம்பில், மெல்ல மெல்லப் பச்சை படிகின்றது!

வெண்கல நிறம், முற்றும் மறையும் வரை, எமது முன்னெடுப்புகளைத் தொடர்வோம்!!!