இந்தோனேசியாவில் கப்பலில் உண்ணாவிரதம் மேற்கொண்டுள்ள தமிழ் அகதிகள்!

இந்தோனேசியாவில் கப்பலில் உண்ணாவிரதம் மேற்கொண்டுள்ள தமிழ் அகதிகள்!

Tuesday, July 19, 2011, 20:12உலகம், சிறீலங்கா

கடந்த சில நாட்களுக்கு முன்னர் நியூசிலாந்து செல்லும் வழியில் இந்தோனேசியக் கடல் பரப்பில் அந்நாட்டு பாதுகாப்புப் பிரிவினரால் தடுத்து வைக்கப்பட்டுள்ள 87 ஈழத்தமிழர்களும் உண்ணாவிரதப் போராட்டத்தை ஆரம்பித்துள்ளதாக இன்று அறிவித்துள்ளனர்.

இன்றைய தினம் குறித்த கப்பலுக்கு வந்த இந்தோனேசிய பாதுகாப்பு அதிகாரிகள் கப்பலில் இருந்த ஆறு பேரை பேச்சுவார்த்தைக்கென அழைத்துச் சென்றுள்ளனர்.

அவர்களிடம் அங்கு கப்பலில் இருக்கும் அனைவரையும் தரை இறங்குமாறும் அல்லது பலவந்தமாக இறக்கப்படுவார்கள் எனவும் மிரட்டியுள்ளனர்.

இதனைத் தொடர்ந்து கப்பலில் இருக்கும் அனைவரும் உண்ணாவிரதப் போராட்டத்தை ஆரம்பித்துள்ளனர்.

ஐக்கிய நாடுகள் சபையில் அங்கம் வகிக்கும் மனிதாபிமான அமைப்புக்கள் தங்களை அகதிகளாக பொறுப்பேற்றுக் கொள்ளும் வரை தாங்கள் கப்பலிலிருந்து இறங்கப் போவதில்லை என அக்கப்பலில் உள்ள ஈழத்தமிழ் அகதிகள் கூறியுள்ளனர்.

இலங்கையின் உள்நாட்டு யுத்தத்தால் கடுமையாகப் பாதிக்கப்பட்டு சுதந்திரமாக இருக்க நாடில்லாமல் அலையும் அப்பாவித் தமிழர்களின் அவல நிலையைப் புரிந்து கொள்வார்களா ஐநாவின் மனிதாபிமான அமைப்பினர்.

http://www.tamilthai.com/?p=22186