stream_title_14

அராலிப்பகுதியில் இருந்து முதலாவது வேண்டுகோள் கடிதம். உண்மையில் 10 இலட்சம் ரூபாவில் வீடு கட்டுவது சாத்தியமில்லாத ஒன்று, இவர்களுக்கு மலசல கூடத்தை முழுமைப்படுத்தி வழங்கினால் வீடு கட்ட மலசல கூடத்திற்கு செலவாகும் (1.5 இலட்சம் பிற் வெட்டி, கட்டி முடிக்க) பணம் பயன்படும். (இக் கருத்தை காரைநகர் பிரதேச செயலகர் தன்னுடைய பிரதேச செயலக கூட்டத்தில் தெரிவித்திருந்தார்.} "முன்னோடி - அடிப்படை சுகாதார வசதி திட்டம் 2026" குழுவினருக்கு வேண்டுகோள் என இனிவரும் கடிதங்களில் குறிப்பிடவா என கூறுங்கள்.

புதிய கல்வி சீர்திருத்தம் தொடர்பில் பிரதமர் கருத்து! திங்கட்கிழமை (05) முதல் ஆரம்பமாகும் புதிய கல்வி ஆண்டில், தரம் 1 மாணவர்களுக்கான புதிய பாடத்திட்டத்தை ஜனவரி 29ஆம் திகதியும், தரம் 6 மாணவர்களுக்கான புதிய பாடத்திட்டத்தை ஜனவரி 21ஆம் திகதியும் ஆரம்பிக்க எதிர்பார்ப்பதாக பிரதமர் ஹரிணி அமரசூரிய தெரிவித்துள்ளார். அரசாங்க தகவல் திணைக்களத்தில் இன்று (4) இடம்பெற்ற கல்விச் சீர்திருத்தங்கள் குறித்த விசேட ஊடகவியலாளர் சந்திப்பில் கலந்துகொண்டு கருத்து வெளியிடும்போதே அவர் இதனைத் தெரிவித்தார். இதன்போது மேலும் கருத்து தெரிவித்த அவர் , புதிய கல்வி சீர்திருத்தத்தை அறிமுகப்படுத்துவது மட்டுமன்றி, அதற்கு இணையாக இந்த புதிய முறைக்கு மாணவர்களை பழக்கப்படுத்துவதற்கான திட்டங்களும் ஏற்பாடு செய்யப்பட்டுள்ளன. அதேபோல், பெற்றோர்களுக்கும் இது குறித்த அறிமுகத்தை வழங்குவதற்கான புதிய வேலைத்திட்டங்கள் முன்னெடுக்கப்பட்டுள்ளன. பாடத்தெரிவுகளுக்கு மாணவர்களைப் பழக்கப்படுத்துவது உள்ளிட்ட அனைத்து விடயங்கள் குறித்தும் அவதானம் செலுத்தப்பட்டுள்ளது. இந்த பாடத்திட்டத்தை நடைமுறைப்படுத்தும் ஆசிரியர்களுக்கான பயிற்சிகளும் வழங்கப்பட்டுள்ளன. இதுவரை 7,181 பயிற்சியாளர்களுக்கான பயிற்சித் திட்டங்கள் ஊடாக 132,580 ஆசிரியர்களுக்கு பயிற்சிகள் வழங்கப்பட்டுள்ளன. இதன்படி, புதிய பாடத் தொகுதிகளுடன் (Modules) தொடர்புடைய பாடங்களை கற்பிக்கும் ஆசிரியர்களில் 93 சதவீதமானோருக்கு தற்போது பயிற்சிகள் வழங்கி முடிக்கப்பட்டுள்ளன. இவற்றுக்கு இணையாக, இந்த புதிய சீர்திருத்தங்களை நடைமுறைப்படுத்துவதற்குத் தேவையான உட்கட்டமைப்பு வசதிகளை வழங்குவது குறித்தும் அவதானம் செலுத்தப்பட்டுள்ளதாக பிரதமர் ஹரிணி அமரசூரிய மேலும் குறிப்பிட்டுள்ளார். https://athavannews.com/2026/1458331

இதிலும் நான் உடன்படுகிறேன்.

ரஷ்ய எண்ணெய் கொள்வனவு; இந்தியாவுக்கு ட்ரம்ப் சூசகமாக மீண்டும் எச்சரிக்கை! ரஷ்யாவிலிருந்து இந்தியா தொடர்ந்து எண்ணெய் இறக்குமதி செய்வதால், அதன் மீது புதிய வரிகளை விதிக்கப்போவதாக அமெரிக்க ஜனாதிபதி டொனால்ட் ட்ரம்ப் சூசகமாக தெரிவித்துள்ளார். இது குறித்து ஞாயிற்றுக்கிழமை (04) ஏர்ஃபோர்ஸ் ஒன்னில் செய்தியாளர்களிடம் பேசிய ட்ரம்ப், ரஷியாவிடம் இருந்து எண்ணெய் வாங்கும் விவகாரத்தில் அவர்கள் ( இந்தியா) எங்களுக்கு உதவவில்லை என்றால் வரியை நாங்கள் அதிகரிப்போம். இந்தியா எங்களை சந்தோஷப்படுத்த வேண்டும். பிரதமர் மோடி மிகச்சிறந்த மனிதர், நான் மகிழ்ச்சியாக இல்லை என்பதை மோடி அறிவார். என்னை மகிழ்ச்சிப்படுத்துவது மிகவும் முக்கியம். அவர்கள் வர்த்தகம் செய்தால், விரைவில் அவர்கள் மீது வரியை உயர்த்துவோம் – என்றார். கடந்த ஆண்டு, ட்ரம்ப் தனது வரி தாக்குதலை தீவிரப்படுத்தினார். இந்தியா மீது 25 சதவீத பரஸ்பர வரியையும், ரஷ்ய எண்ணெய் வாங்குவதற்கு 25 சதவீத அபராதத்தையும் விதித்தார். சில வகைகளில் மொத்த வரிகளை 50 சதவீதமாக உயர்த்தினார். இந்த நடவடிக்கை புது டெல்லிக்கும் வொஷிங்டனுக்கும் இடையிலான உறவுகளில் கூர்மையான சரிவுக்கு வழிவகுத்தது. பிரதமர் மோடியுடன் தொலைபேசியில் உரையாடிய சில வாரங்களுக்குப் பின்னர் அமெரிக்க ஜனாதிபதியின் அண்மைய அச்சுறுத்தல் வந்துள்ளது. இந்த உரையாடலின்போது, இரு தலைவர்களும் தொடர்ச்சியான வரி பதட்டங்கள் இருந்தபோதிலும் இருதரப்பு வர்த்தகத்தை மேம்படுத்துவதற்கான தங்கள் பகிரப்பட்ட முயற்சிகளில் வேகத்தைத் தக்க வைத்துக் கொள்ள வேண்டியதன் அவசியத்தை வலியுறுத்தினர். இரு நாடுகளின் பேச்சுவார்த்தையாளர்கள் வரி முட்டுக்கட்டையைத் தீர்க்கும் நோக்கில் ஒரு புதிய சுற்று பேச்சுவார்த்தையைத் தொடங்கிய அதே நாளில் அவர்களின் உரையாடல் நடந்தது. வரி முட்டுக்கட்டையைத் தீர்க்க இந்தியாவிற்கும் அமெரிக்காவிற்கும் இடையிலான பேச்சுவார்த்தைகள் முடங்கியுள்ளன, அமெரிக்க விவசாயப் பொருட்கள் மீதான அதிக இறக்குமதி வரிகளைத் தடுக்க வொஷிங்டன் கடுமையாக அழுத்தம் கொடுக்கிறது. எனினும், நாட்டின் விவசாயம் மற்றும் பால் துறைகளைப் பாதுகாப்பதில் புது டெல்லி உறுதியாக உள்ளது. https://athavannews.com/2026/1458370

வெனிசுலா பதட்டம்; தங்கத்தின் விலை மீண்டும் உயர்வு! வெனிசுலா ஜனாதிபதி நிக்கோலஸ் மதுரோவை (Nicolás Maduro) அமெரிக்கா கைது செய்ததன் பின்னர், புவிசார் அரசியல் அபாயங்கள் குறித்து முதலீட்டாளர்களின் கவலைகள் அதிகரித்ததால் வாரத்தின் முதல் நாளான திங்கள் (05) வர்த்தகத்தில் தங்கத்தின் விலைகள் உயர்ந்தன. திங்கள் GMT 05.08 நிலவரப்படி, ஸ்பாட் தங்கம் ஒரு அவுன்ஸ் 1.8% உயர்ந்து 4,406.77 அமெரிக்க டொலர்களாக இருந்தது. பெப்ரவரி விநியோகத்துக்கான அமெரிக்க தங்க எதிர்காலம் 1.9% அதிகரித்து 4,413.40 அமெரிக்க டொலர்களாக காணப்பட்டது. வெனிசுலாவில் நடந்த நிகழ்வுகள் பாதுகாப்பான புகலிடத்திற்கான தேவையை மீண்டும் தூண்டிவிட்டுள்ளன, முதலீட்டாளர்கள் புவிசார் அரசியல் அபாயங்களிலிருந்து பாதுகாக்க முயற்சிப்பதால் பயனாளிகளிடையே தங்கம் மற்றும் வெள்ளி அதிகரித்துள்ளது என்று KCM வர்த்தகத்தின் தலைமை சந்தை ஆய்வாளர் டிம் வாட்டரர் கூறியுள்ளார். தங்கம் மற்றும் வெள்ளி இரண்டும் 2025 ஆம் ஆண்டில் சாதனை உச்சத்தை எட்டின, பின்னர் ஆண்டின் கடைசி சில நாட்களில் விலைகள் குறைந்தமையும் குறிப்பிடத்தக்கது. கடந்த சனிக்கிழமையன்று அமெரிக்கா மதுரோவைக் கைது செய்தது – இது 37 ஆண்டுகளுக்கு முன்பு பனாமா படையெடுப்பிற்குப் பின்னர் லத்தீன் அமெரிக்காவில் வொஷிங்டனின் மிகவும் சர்ச்சைக்குரிய தலையீடாகும். துணை ஜனாதிபதி டெல்சி ரோட்ரிக்ஸ் வொனிசுலாவின் இடைக்காலத் தலைவராகப் பொறுப்பேற்றுள்ளார். எனினும், மதுரோ தொடர்ந்து ஜனாதிபதியாக இருப்பார் என்றும் அவர் கூறினார். புவிசார் அரசியல் பதட்டங்கள், வட்டி விகிதக் குறைப்புக்கள், வலுவான மத்திய வங்கி கொள்முதல்கள் மற்றும் பரிவர்த்தனை-வர்த்தக நிதிகளுக்கான முதலீடுகள் ஆகியவற்றுடன் இணைந்து, கடந்த ஆண்டு தங்கத்தின் 64% ஆதாயங்களுக்கு பங்களித்தன. இது 1979 ஆம் ஆண்டுக்குப் பின்னர் அதன் மிகப்பெரிய வருடாந்திர ஆதாயமாகும். இது 2025 டிசம்பர் 26 அன்று $4,549.71 என்ற சாதனை அளவை எட்டியது. இலங்கை விலை விபரம்! கொழும்பு, செட்டியார் தெருவின் தங்க விலைகளுக்கு அமைவாக இலங்கையில் இன்று (05) 24 கரட் தங்கம் ஒரு பவுணின் விலையானது 359,000 ரூபாவாக காணப்படுகிறது. அதேநேரம், 22 கரட் தங்கத்தின் விலையானது 332,200 ரூபாவாக காணப்படுவதாக அகில இலங்கை நகைகள் விற்பனையாளர் சங்கப் பொதுச் செயலாளர் ஆர்.பாலசுப்ரமணியம் தெரிவித்துள்ளார். https://athavannews.com/2026/1458397

வெனிசுலா மீதான அமெரிக்க தாக்குதலில் உயிரிழந்த 32 கியூபர்கள்! ஜனாதிபதி நிக்கோலஸ் மதுரோவை கைது செய்வதற்காக வெனிசுலா மீது அமெரிக்கா நடத்திய தாக்குதலில் தனது குடிமக்கள் 32 பேர் உயிரிழந்ததாக கியூப அரசாங்கம் ஞாயிற்றுக்கிழமை (04) தெரிவித்துள்ளது. உயிரிழந்தவர்களுக்கு அஞ்சலி செலுத்தும் வகையில் ஜனவரி 5 மற்றும் 6 ஆகிய திகதிகளில் இரண்டு நாட்கள் துக்கம் அனுசரிக்கப்படும் என்றும், இறுதிச் சடங்குகள் குறித்து அறிவிக்கப்படும் என்றும் ஹவானா குறிப்பிட்டுள்ளது. கியூப அரசாங்க அறிக்கை சில விவரங்களை மட்டுமே அளித்தது. ஆனால் இறந்தவர்கள் அனைவரும் கியூப ஆயுதப்படைகள் மற்றும் உளவுத்துறை நிறுவனங்களைச் சேர்ந்தவர்கள் என்று அது கூறியது. மதுரோ ஆட்சிக்கு வந்ததிலிருந்து கியூபா அவருக்கு ஓரளவு பாதுகாப்பை வழங்கியுள்ளது. 63 வயதான மதுரோ மற்றும் அவரது மனைவி சிலியா புளோரஸ் ஆகியோர் சனிக்கிழமை வெனிசுலா தலைநகர் கராகஸில் அமெரிக்கப் படைகளால் கைது செய்யப்பட்டு அமெரிக்காவிற்கு கொண்டு செல்லப்பட்டனர். போதைப்பொருள் குற்றச்சாட்டில் மதுரோ நியூயோர்க் தடுப்பு மையத்தில் திங்கட்கிழமை (04) நீதிமன்றத்தில் முன்னிலைப்படுத்த காத்துள்ளனர். https://athavannews.com/2026/1458356

அண்ணை, புலர் அறக்கட்டளைக்கு ஊடாக இயலாமை உடையவர்களை மட்டுமே முன்னுரிமை கொடுத்து செயற்படுகிறோம். ஆனால் அந்த வங்கிக் கணக்கிற்கு பணம் அனுப்பினால் பணத்தை மீளப்பெற நிர்வாக அனுமதி கோரவேண்டும். அடிக்கடி பணத்தை மீளப்பெற நிர்வாகிகளை (அதிபர், ஆசிரியர்) தொந்தரவு செய்யவேண்டும். அதனால் தான் பயனாளிகளின் வங்கிக் கணக்கை பெற்று தர விரும்பினேன். இது சிரமம் என்றால் ஒரு வங்கிக் கணக்கை திறந்து தருகிறேன், அதனை "முன்னோடி - அடிப்படை சுகாதார வசதி திட்டம் 2026" மட்டுமே பயன்படுத்தும் வகையிலும் இணைய வங்கிச்சேவை, குறுஞ்செய்தி வசதி, வங்கி வரவு, செலவு அறிக்கை என்பவற்றை பெறக்கூடிய வகையிலும் செயற்படுத்தி தருவேன். மாதம் மாதம் வங்கி அறிக்கையை இங்கே வெளிப்படையாக பகிர்கிறேன். அரசு கண்காணிப்பு(ஒரு தடவையில் 10 இலட்சத்திற்கு மேல் அனுப்புவது) இருப்பதால் கவனமாக நிதியை கையாளவேண்டும்.

ஈரானில் வலுக்கும் போராட்டம் – உயிரிழந்தோர் எண்ணிக்கை 14 ஆக அதிகரிப்பு! ஈரானில் பொருளாதார நெருக்கடி காரணமாக மக்கள் தெஹ்ரான் உள்ளிட்ட முக்கிய நகரங்களில் வீதிகளில் இறங்கிப் போராட்டம் நடத்திவரும் நிலையில் பொதுமக்களின் இயல்பு வாழ்க்கை பாதிக்கப்பட்டது. போராட்டத்தின்போது ஏற்பட்ட வன்முறையில் சிக்கி 10 பேர் உயிரிழந்ததாக தகவல் வெளியானது. இந்நிலையில், சிகிச்சை பெற்று வந்த சிலர் இறந்ததை அடுத்து, போராட்டத்தில் சிக்கி உயிரிழந்தோர் எண்ணிக்கை 14 ஆக அதிகரித்துள்ளது. பல்வேறு மாகாணங்களில் பரவிய போராட்டம் மேலும் தீவிரமடைந்துள்ளது. இதேவேளை,நிலைமை மோசமானதால் மத்திய வங்கி ஆளுநரான முகமது ரெசா ஃபர்சின் தனது பதவியை இராஜினாமா செய்தார். ஒரு வாரத்துக்கும் மேலாக பொதுமக்கள் போராட்டத்தில் ஈடுபட்டு வருகிறார்கள். https://athavannews.com/2026/1458369

நன்றி அண்ணை. எனக்கு சம்பளம் தர விரும்பினால் அதனை புலர் அறக்கட்டளைக்கு உங்கள் நன்கொடையாக தரும்படி அன்புடன் கேட்டுக்கொள்கிறேன். (உண்மையில் சேவைக்கு ஊதியம் தேவையில்லை அண்ணை) என்னை இப்பணியில் ஈடுபட கேட்பது எனக்கு மிக மகிழ்ச்சி தருவது. ஏனெனில் வீட்டிற்குள் முடங்கி இருக்கும் நான் இந்தப்பணிகளுக்காக வெளியே பயணிப்பதில் அளவிட முடியாத மகிழ்வடைவேன். புதிய மூன்று சக்கர வாகனம் ஒன்றும் எனது கனடிய நண்பர் வாங்கித்தந்துள்ளார். ஒரே ஒரு பிரச்சனை நினைத்தவுடன் புறப்பட முடியாது. இன்னொருவர் வந்து வாகனத்தில் ஏற்றிவிடவேண்டும், முன்னர் தந்தையார் ஏற்றி விடுவார். உதவிக்கு வருபவர் பின்னேரம் தான் வருவார். இவையெல்லாவற்றையும் தாண்டி பொருளாதாரத்தில் பின்தங்கியுள்ள மக்களுக்கு உதவுவதில் ஆத்ம திருப்தி அடைகிறேன்.

கதை - 193 / 'மதத்தைத் தாண்டிய காதல்' அல்லது தேவாலய மணிக்கும் தைப் பொங்கலுக்கும் இடையில் / பகுதி: 03 புத்தான்டுக்கும் தைப்பொங்களுக்கும் இடையில் ஒரு நாள் அவன் காயங்களோடு வந்தான். போலீஸ் தாக்குதல். ஆராதனா முதல் முறையாக அவன் கைகளைப் பிடித்தாள். “நீங்கள் எல்லோருக்காகவும் நிற்கிறீர்கள். உங்களுக்கு யார் நிற்கிறார்கள்?” அடைக்கலம் பதில் சொல்லவில்லை. அவன் முதல் முறையாக தனக்கான ஆதரவை உணர்ந்தான். டிசம்பர் 31 இரவு, நகரம் பட்டாசுகளால் ஒளிர்ந்தது—கண்ணைக் கவரும், காதை கிழிக்கும், ஆனால் நிமிடங்களுக்குள் மறையும் ஒளி. அந்த மகிழ்ச்சி அந்த மண்ணிலிருந்து பிறந்ததல்ல; ஒரு வருடம் முடிந்துவிட்டதென்ற காரணத்துக்காக மட்டுமே உருவாக்கப்பட்ட தற்காலிக சந்தோஷம். மேலே வானம் மலர்ந்தபோது, கீழே நிலம் மாற்றமின்றியே இருந்தது. சோதனைச் சாவடிகள் தங்கள் இடங்களில் நின்றன. காணாமல் போன பெயர்கள் இன்னும் திரும்பவில்லை. நீதிமன்றங்களின் கதவுகளைத் தாண்டி நீதி இன்னும் வரவில்லை. இந்தக் கொண்டாட்டம் மக்களின் வாழ்விலிருந்து எழவில்லை; அது வெளியிலிருந்து வந்த ஒரு பழக்கம், மீண்டும் மீண்டும் பழகச் சொல்லப்பட்ட ஒரு நிகழ்வு. கடைசி பட்டாசு அணைந்ததும், இரவு தனது பழைய மௌனத்திற்குத் திரும்பியது; புதிய ஆண்டு வந்தது — பழைய சுமைகளைக் தோளில் சுமந்தபடியே. புத்தாண்டு ஆரவாரமாக பிறந்தது “ஜனவரி 1 ஆம் தேதி பிரபஞ்சம் சார்ந்தது அல்ல, இது ரோமானிய நிர்வாகம்” என அடைக்கலம் மீண்டும் ஆராதனாவுக்கு கூறினான். “இன்னும்,” ஆராதனா மெதுவாகச் சொன்னாள், “மக்கள் வலி முடிந்து நம்பிக்கை தொடங்கும் ஒரு திகதியை - ஒரு கோட்டை - ஆண்டு தொடக்கத்தை - விரும்புகிறார்கள். [“people want a line where pain ends and hope begins.”]” அந்த நிலையில், அறுவடை முடியும் மாதமான தை மாதம், மண்ணுடன் இணைந்த ஒரு நாளாக, நீங்கள் தேடும் சமயம் தாண்டிய வரலாற்று சிறப்பு மிக்க ஒரு நாளாக, "ஏற்றுக உலையே! ஆக்குக சோறே! கள்ளும் குறைபடல் ஓம்புக; ஒள்ளிழைப் பாடுவல் விறலியர் கோதையும் புனைக " - என்று புறநானூறு 172 கி மு 500 ஆண்டிலேயே கூறிய தமிழரின் திருநாளாக, உங்களுக்கு பொருத்தமான ஒரு நாளாக, நான் நம்புகிறேன் என்றவள் பின் மௌனமாக அவனைப் பார்த்தபடியே அருகில் இருந்தாள். கொத்துக் கொத்தாய்ப் பாவிருக்கும் சித்திரையிலே கூவும்குயில் மழை பெய்யும் கார்த்திகையிலே மெத்தக்குளி ராயிருக்கும் மார்கழியிலே-மிக வெப்பக்கதிர் காட்சிதரும் தைப்பிறப்பிலே. [பாவேந்தர் பாரதிதாசன்] அன்று இரவு, அவள் குரலைப் போலவே அவள் மௌனத்தையும் தான் நம்புவதை அடைக்கலம் உணர்ந்தான். அதன் பின் இருவரும் ஷாம்பெயின் [champagne] அல்ல, தேநீர் ஒன்றாக அருந்தினர். அப்பொழுது அடைக்கலம் தனக்கு பதவி உயர்வு, பாதுகாப்பு, ஒருவேளை சுதந்திரம் ஆகியவற்றை இழக்கும் வழக்குகளைப் பற்றி அவளுடன் தேநீரை மெல்ல மெல்ல குடித்தபடி பேசினான். அவள் அதை மௌனமாக கேட்டுக் கொண்டு தானும் தேநீர் பருகினாள். தேநீர் அருந்தி முடிந்ததும், அடைக்கலம், அவள் கண்களை நேராகப் பார்த்தபடி, திருமணம் அல்ல, ஆனால் தனது நோக்கத்தை - மோதிரத்துடன் அல்ல, உண்மையுடன் - அவளுக்கு முன்மொழிந்தான் [He proposed then—not marriage, but intention.]. திங்கள் முகம் மடந்தை இவளோ கங்கை நதியின் அழகு இவளோ! மங்கை எனும் மாயை இவளோ அங்கம் எல்லாம் சிலிர்த்தது ஏனோ? மதி ஒளிர்ந்து வானில் தவழ்கிறதோ சதி செய்து என்னை மயக்கிறதோ? ரதிதேவி வடிவான சிலை நீயோ விதி என்னை உன்னிடம் சேர்க்கிறதோ? “திணிக்கப்பட்ட தேதிகள் அல்லது கடன் வாங்கிய கனவுகளில் கட்டமைக்கப்பட்ட எதிர்காலத்தை நான் விரும்பவில்லை,” என்றும் அவன் அவளுக்கு கூறினான். “எனக்கு, எங்கள் தாய் நிலத்தில் வேரூன்றிய ஒரு திகதி வேண்டும். அதைத்தான் நீ அடையாளம் காட்டினாய்” என்றான். உழைப்பிற்கு அழகு சேர்த்த தையே பொங்கல் விழா தந்தது அதற்கோ ? அறுவடை தந்த செல்வமும் மகிழ்வும் தை பிறந்தால் வழிபிறக்கும் என்றதோ நன்றி கூறும் பாரம்பரியம் வளர்த்ததோ? இருவராய் இணைய நல்ல தருணமென முன்பனி நீராடி முடிவு எடுத்ததோ? தையில் திருமண வாழ்வு காண கோலம் போட்டு தோரணம் கட்டியதோ? வணங்கி வாழ்த்தி பொங்கல் பொங்கியதோ?" அவள், அவனுடைய முன்மொழிவுக்கு நேரடியாக பதில் அளிக்கவில்லை, ஆனால், ““நாம் இருப்பது போலவே இருப்போமா?” [“Will we remain who we are?”] என்று ஒரே ஒரு கேள்வியை மட்டும் கேட்டாள். அவன் ஒற்றைச் சொல்லில் “ஆம்.” என்றான். அவர்கள் அவசரப்படவில்லை. ஆறுதலாக அந்த சந்தர்ப்பத்துக்கு காத்திருந்தார்கள். பொதுவாக நாட்டு வழக்கில், “தை பிறந்தால் வழி பிறக்கும்” என்ற மூதுரை எல்லோரும் அறிந்த ஒன்றாகவே இருக்கிறது. ஆனால், இதில் எவ்வளவு செய்திகள் உள் அடங்கியிருக்கின்றன என்பது யாருக்கும் பொதுவாகத் தெரியாது. தமிழ் நிலங்களில் கார்த்திகை மாதம் வரை மழை இருக்கும். மார்கழி மாதம் வெள்ளம் வடிந்து ஆங்காங்கே குளம் போல நீர் தேங்கி இருக்கும். மார்கழி முடிந்து வரும் தை மாதத்தில் நீர் தெளிந்து விடும். தெளிவாக இருக்கும் தை மாத நீர், மக்கள் எண்ணங்களைத் தைத்துக் கொள்ளும் பளிங்கு போல இருக்கிறது. அதனால் தை என்னும் பெயர் இந்த மாதத்திற்கு வந்திருக்கலாம்? தை என்றால், தைத்தல் என்று பொருளும் உண்டு. மேலும் உழவர்கள் மழையின் உதவியால் ஆடி மாதம் முதல் உழைத்துச் சேர்த்த தானியத்தை [நெல்லை] மார்கழியில் வீட்டிற்குக் கொண்டு வந்து தமது உழைப்பின் பயனை அனுபவிக்கத் தொடங்கும் நாளே தைப்பொங்கல். உழைக்கும் தமிழ் மக்கள் தாமே கண்டுணர்ந்து, தமது உழைப்பிற்கு உதவிய இயற்கைக்கும், தம்மோடு சேர்ந்து உழைத்த கால்நடைகளுக்கும், தமது நன்றியையும் மகிழ்ச்சியையும் தெரிவிக்கும் விதமாக பொங்கல் படைத்தது வழிபட்டனர் என்பது வரலாறு. இது நிலத்துடன் சேர்ந்த ஒன்று. மதத்துடன் அல்ல. இப்படியான, தாய் நிலத்தில் வேரூன்றிய ஒரு நாளைத்தான் அடைக்கலம் தனது திருமணத்துக்குவிரும்பினான். தை பிறந்தால் வழி பிறக்கும் தையல் கனவும் பலன் தரும்! அறுவடை தரும் புது நெல்லில் நறு மணப் பொங்கலும் வரும் ! திருமணம் வேண்டி காத்து இருந்தவள் கரும்பு வைத்து கதிரவன் வணங்குகிறாள்! முன்பனி நீரில் மூழ்கி எழுந்தவள் அன்ன நடையில் அழகு காட்டுறாள்! ஜனவரி மாதம் வந்ததும், ஆராதனா குழந்தைகளுக்கு கால்நடைகள், சூரியன், நிலம் பற்றிய பொங்கல் பாடல்களைக் கற்றுக் கொடுத்தாள். அங்கு எந்த மதமும் இருக்கவில்லை, தமிழர் நிலத்துடன் இணைந்த பண்பாடு மட்டுமே இருந்தது. அதேவேளை, மூதாதையர் மண்ணை விட்டு வெளியேற மறுத்ததற்காக கைது செய்யப்பட்ட விவசாயிகளை அவன் தன் வாதாடும் திறமையால் பாதுகாத்தான். அங்கே தமிழரின் இருப்பு இருந்தது. ஒரு மாலையில், முதல் முதலாக சம்மதம் தெரிவித்து அவளும் சொன்னாள்: கடன் வாங்கிய தேதிகளில் கட்டமைக்கப்பட்ட ஒரு திகதி எமக்கு வேண்டாம் “கிறிஸ்துமஸ் போப் ஜூலியஸ் I [Pope Julius I] தேர்ந்து எடுத்த நாளில் பிறப்பைக் கொண்டாடுகிறது. புத்தாண்டு ஜூலியஸ் சீசர் [Julius Caesar] தேர்ந்து எடுத்த நாளில் பிறக்கிறது ஆனால் பொங்கல் தாய் மண்ணின் அறுவடையைக் கொண்டாடுகிறது. எவரும் தேர்ந்து எடுக்கவில்லை. மண்ணில் வேரூண்றிய ஒன்று அப்போது அவள் ஏன், தனக்கு உடனடியாக மறுமொழி கொடுக்காமல் காத்திருந்தாள் என்பதை அவன் புரிந்துகொண்டான் - பொங்கலுக்காக காத்திருந்தாள் என்று - தை பொங்கல் அன்று, பொங்கல் பொங்கி வடியும் பொழுது, அவர்கள் திருமணம் செய்து கொண்டனர். அந்த நாளை, எந்த பேரரசரும் தேதியை பெயரிடவில்லை. எந்த ஆலயமும் அதை உரிமை கோரவில்லை. எந்த அரசும் அதைக் கட்டுப்படுத்தவில்லை. சூரியன், பூமி, மற்றும் உயிர் பிழைத்த மக்கள் மட்டுமே. ஒரு கிறிஸ்தவ வழக்கறிஞர். ஒரு இந்து கலைஞர். மதமாற்றம் இல்லை. சரணடைதல் இல்லை. அவர்கள் அழிக்க முடியாத ஒரு அன்பை மட்டும் தேர்ந்தெடுத்தார்கள். நன்றி [கந்தையா தில்லைவிநாயகலிங்கம், அத்தியடி, யாழ்ப்பாணம்] முற்றிற்று துளி/DROP: 1974 [கதை - 193 / 'மதத்தைத் தாண்டிய காதல்' அல்லது தேவாலய மணிக்கும் தைப் பொங்கலுக்கும் இடையில் / பகுதி: 03 https://www.facebook.com/groups/978753388866632/posts/33138870995761454/?

வீர வணக்கம்

உலகளாவிய விநியோகச் சங்கிலிகளில் புவிசார் அரசியல் நிகழ்வுகளின் தாக்கம் உலகளாவிய விநியோகச் சங்கிலிகள் ஒரு வெற்றிடத்தில் இயங்குவதில்லை. அவை அரசியல் முடிவுகள், வர்த்தகக் கொள்கைகள், மோதல்கள் மற்றும் பொருளாதாரத் தடைகளால் ஆழமாக பாதிக்கப்படுகின்றன. திடீர் கொள்கை மாற்றங்கள் மூலப்பொருட்களை சீர்குலைக்கும் போது, போக்குவரத்து வழிகள் பிராந்திய உறுதியற்ற தன்மை காரணமாக சாத்தியமற்றதாக மாறும்போது அல்லது முக்கியமான மூலப்பொருட்கள் தேசிய நலன்களால் கட்டுப்படுத்தப்படும்போது வணிகங்கள் போராடுவதை நான் கண்டிருக்கிறேன். புவிசார் அரசியல் நிகழ்வுகள் விநியோகச் சங்கிலி செயல்பாடுகளில் ஏற்படுத்தும் தாக்கத்தை எந்த நிறுவனமும் புறக்கணிக்க முடியாது என்பதே உண்மை. இந்த மாற்றங்களுக்கு ஏற்ப மாறுவதற்கு எதிர்வினை நடவடிக்கைகளை விட அதிகமாக தேவைப்படுகிறது - இதற்கு மூலோபாய திட்டமிடல், மாற்று ஆதாரங்கள் மற்றும் உலகளாவிய அபாயங்களைப் பற்றிய புரிதல் தேவை. புவிசார் அரசியல் நிகழ்வுகள் உலகளாவிய விநியோகச் சங்கிலிகளை வடிவமைக்கும் முக்கிய வழிகளையும், இடையூறுகளைக் குறைக்க வணிகங்கள் என்ன செய்ய முடியும் என்பதையும் கூர்ந்து கவனிப்போம். வர்த்தகக் கொள்கைகள் மற்றும் கட்டணங்கள் விநியோக வலையமைப்புகளை மறுவடிவமைக்கக்கூடும் அரசாங்கங்கள் வரிகள் அல்லது வர்த்தக கட்டுப்பாடுகளை விதிக்கும்போது, விநியோகச் சங்கிலிகள் விரைவாக சரிசெய்யப்பட வேண்டும். மூலப்பொருட்கள் அல்லது முடிக்கப்பட்ட பொருட்களின் மீதான திடீர் வரி உயர்வுகள் காரணமாக ஒரே இரவில் தங்கள் மூலப்பொருட்கள் வாங்கும் உத்திகளை முழுமையாக மறுபரிசீலனை செய்ய வேண்டிய நிறுவனங்களுடன் நான் பணியாற்றியுள்ளேன். செலவுகள் எதிர்பாராத விதமாக அதிகரிக்கும் போது, வணிகங்கள் கடினமான முடிவை எதிர்கொள்கின்றன: கூடுதல் செலவுகளை உள்வாங்குதல், அவற்றை வாடிக்கையாளர்களுக்கு வழங்குதல் அல்லது வரி இல்லாத பகுதிகளில் புதிய சப்ளையர்களைக் கண்டறிதல். சில நிறுவனங்கள் சப்ளையர் தளங்களை பல்வகைப்படுத்துவதன் மூலம் இந்த அபாயங்களைக் குறைக்கின்றன, முக்கியமான பொருட்களுக்கு அவர்கள் ஒரு நாட்டை அதிகமாகச் சார்ந்திருக்கவில்லை என்பதை உறுதி செய்கின்றன. மற்றவை கட்டுப்பாடுகளை முற்றிலுமாகத் தவிர்க்க வர்த்தகத்திற்கு உகந்த பகுதிகளில் செயல்பாடுகளை நிறுவுகின்றன. வர்த்தகக் கொள்கைகள் எதிர்பாராத விதமாக மாறும்போது அதன் ஆதார உத்தியில் மிகவும் இறுக்கமாக இருக்கும் விநியோகச் சங்கிலி எப்போதும் போராடும். அரசியல் ஸ்திரமின்மை மற்றும் மோதல்கள் தளவாடங்களை சீர்குலைக்கின்றன போர்கள், போராட்டங்கள் மற்றும் இராஜதந்திர பதட்டங்கள் விநியோகச் சங்கிலிகளில் உடனடி இடையூறுகளை உருவாக்குகின்றன. முக்கிய கப்பல் பாதைகளில் ஏற்படும் மோதல்கள் காரணமாக வணிகங்கள் பெரும் இடையூறுகளை சந்திப்பதை நான் கண்டிருக்கிறேன், இதனால் அவை மாற்று வழிகளைத் தேட வேண்டிய கட்டாயம் ஏற்படுகிறது. ஒரு பிரதான உதாரணம் செங்கடல் நெருக்கடி, அங்கு வணிகக் கப்பல்கள் மீதான தொடர்ச்சியான தாக்குதல்கள் நிறுவனங்கள் ஏற்றுமதிகளை மறுவழியில் செலுத்த வேண்டிய கட்டாயத்தில் உள்ளன, இதனால் விநியோக காலக்கெடுவில் நாட்கள் அல்லது வாரங்கள் கூட சேர்க்கப்படுகின்றன. அவசரகாலத் திட்டங்களை வைத்திருப்பது அவசியம். மாற்றுத் தளவாடத் திட்டங்கள் இல்லாமல் ஒற்றை வர்த்தக வழியை மட்டுமே நம்பியிருக்கும் வணிகங்கள்தான் நிலையற்ற தன்மை ஏற்படும்போது முதலில் பாதிக்கப்படும். முதன்மை போக்குவரத்து வழிகள் இனி சாத்தியமில்லாதபோது, பல தளவாட வழங்குநர்களுடன் உறவுகளை ஏற்படுத்துவதும், பிராந்திய கிடங்குகளைப் பராமரிப்பதும் மிகவும் தேவையான நெகிழ்வுத்தன்மையை வழங்கும். பொருளாதாரத் தடைகள் சந்தை அணுகலையும் சப்ளையர் தேர்வுகளையும் கட்டுப்படுத்துகின்றன தடைகள் ஒரே இரவில் முழு விநியோகச் சங்கிலிகளையும் துண்டிக்கக்கூடும். சர்வதேச தடைகள் காரணமாக நீண்ட கால சப்ளையர்களுடன் வணிகம் செய்ய முடியாமல் திணறிய நிறுவனங்களுடன் நான் பணியாற்றியுள்ளேன். எண்ணெய், குறைக்கடத்திகள் அல்லது முக்கிய மூலப்பொருட்கள் மீதான கட்டுப்பாடுகள் எதுவாக இருந்தாலும், இந்த இடையூறுகளுக்குத் தயாராக இல்லாத வணிகங்கள் பெரும்பாலும் உற்பத்தி நிறுத்தங்களை எதிர்கொள்கின்றன. உலகளவில் செயல்படும் நிறுவனங்கள், புவிசார் அரசியல் முன்னேற்றங்களை உன்னிப்பாகக் கண்காணிப்பதன் மூலம் சாத்தியமான தடைகளுக்கு முன்னால் இருக்க வேண்டும். தடைசெய்யப்படாத பிராந்தியங்களில் மாற்று சப்ளையர்களுடன் உறவுகளைப் பேணுபவர்கள், தடைகள் வர்த்தகத்தைப் பாதிக்கும்போது அவற்றைச் சரிசெய்ய எளிதாக நேரத்தைக் கொண்டுள்ளனர். தடைகளின் சாத்தியக்கூறுகளைப் புறக்கணிப்பது ஒரு விலையுயர்ந்த தவறு, இது வணிகங்கள் தங்கள் விநியோகச் சங்கிலிகளை புதிதாக மீண்டும் கட்டியெழுப்பத் துடிக்க வைக்கும். வள தேசியவாதம் முக்கியமான பொருட்களை அணுகுவதை கட்டுப்படுத்துகிறது இயற்கை வளங்கள் நிறைந்த நாடுகள் சில சமயங்களில் பொருளாதார ஆதாயத்தைப் பெறுவதற்காக ஏற்றுமதிகளைக் கட்டுப்படுத்துகின்றன. நாடுகள் அரிய மண் தாதுக்கள், லித்தியம் மற்றும் எரிசக்தி வளங்களுக்கு வரம்புகளை விதிப்பதை நான் கண்டிருக்கிறேன், இதனால் அவற்றை நம்பியுள்ள தொழில்களுக்கு பற்றாக்குறை ஏற்படுகிறது. புதைபடிவ எரிபொருட்களிலிருந்து புதுப்பிக்கத்தக்க ஆற்றலுக்கு மாறுவது இந்த கட்டுப்பாடுகளை தீவிரப்படுத்தியுள்ளது, ஏனெனில் நாடுகள் முக்கியமான கனிமங்களின் மூலோபாய முக்கியத்துவத்தை அங்கீகரிக்கின்றன. இந்தப் பொருட்களைச் சார்ந்திருக்கும் வணிகங்கள், பற்றாக்குறை ஒரு நெருக்கடியாக மாறுவதற்கு முன்பு, நீண்டகால விநியோக ஒப்பந்தங்களைப் பெற்று, மாற்று ஆதாரங்களை ஆராய வேண்டும். சில நிறுவனங்கள் உள்நாட்டு உற்பத்தியில் முதலீடு செய்கின்றன அல்லது அரசியல் ரீதியாக நிலையான பிராந்தியங்களில் கூட்டாண்மைகளை உருவாக்குகின்றன, இதனால் ஒற்றை சப்ளையர் நாட்டைச் சார்ந்திருப்பதைக் குறைக்கின்றன. தயாராக இல்லாத நிறுவனங்கள் பெரும்பாலும் வளக் கொள்கைகளை மாற்ற வேண்டியிருக்கும். தொழில்நுட்பப் போட்டிகள் விநியோகச் சங்கிலி சார்புகளை மறுவடிவமைக்கின்றன. தொழில்நுட்பத்தால் இயக்கப்படும் விநியோகச் சங்கிலிகள் ஒரு தனித்துவமான சவாலை எதிர்கொள்கின்றன: அறிவுசார் சொத்து, குறைக்கடத்தி உற்பத்தி மற்றும் வளர்ந்து வரும் தொழில்கள் மீதான புவிசார் அரசியல் போட்டி. அரசாங்கத்தால் விதிக்கப்பட்ட தொழில்நுட்பத் தடைகள் நிறுவனங்கள் தங்கள் சப்ளையர்கள் மற்றும் கூட்டாளர்களை மறுபரிசீலனை செய்ய நிர்பந்தித்ததை நான் கண்டிருக்கிறேன். உலகளாவிய சக்திகளிடையே குறைக்கடத்தி தன்னிறைவுக்கான தொடர்ச்சியான உந்துதல் தொழில்நுட்ப போட்டிகள் விநியோகச் சங்கிலிகளை எவ்வாறு பாதிக்கிறது என்பதற்கான தெளிவான எடுத்துக்காட்டு. குறிப்பிட்ட தொழில்நுட்ப சப்ளையர்களை நம்பியிருக்கும் நிறுவனங்கள், புவிசார் அரசியல் மாற்றங்களின் அபாயங்களை மதிப்பிட வேண்டும். ஏற்றுமதி தடைகள் அல்லது கட்டுப்பாடுகளால் ஏற்படும் விநியோகச் சங்கிலி இடையூறுகளைத் தவிர்க்க பல வணிகங்கள் பிராந்திய உற்பத்தி வசதிகளில் முதலீடு செய்கின்றன. இந்தப் போக்குகளைப் புறக்கணிப்பவர்கள், கொள்கைகள் மாறும்போது முக்கியமான விநியோகச் சங்கிலிகளிலிருந்து தங்களை வெளியேற்றிக் கொள்ளும் அபாயத்தை எதிர்கொள்கின்றனர். சுற்றுச்சூழல் கொள்கைகள் விநியோகச் சங்கிலி சரிசெய்தல்களை இயக்குகின்றன உலகெங்கிலும் உள்ள அரசாங்கங்கள் சுற்றுச்சூழல் விதிமுறைகளை கடுமையாக்குகின்றன, இதனால் வணிகங்கள் தங்கள் விநியோகச் சங்கிலி உத்திகளை மாற்றியமைக்க வேண்டிய கட்டாயத்தில் உள்ளன. புதிய கார்பன் உமிழ்வு கொள்கைகளுக்கு இணங்க, தங்கள் தளவாடங்கள் மற்றும் உற்பத்தி செயல்முறைகளை மாற்றியமைக்க வேண்டிய நிறுவனங்களுடன் நான் பணியாற்றியுள்ளேன். இந்த விதிமுறைகள் போக்குவரத்து மற்றும் தாக்க ஆதாரங்கள், பேக்கேஜிங் மற்றும் கழிவு மேலாண்மை ஆகியவற்றை பாதிக்கின்றன. தொலைநோக்குப் பார்வை கொண்ட வணிகங்கள், விதிமுறைகள் தங்கள் கையை வலுக்கட்டாயமாகப் பயன்படுத்தக் காத்திருப்பதற்குப் பதிலாக, நிலையான விநியோகச் சங்கிலிகளில் இப்போது முதலீடு செய்கின்றன. தூய்மையான எரிசக்தி ஆதாரங்களை ஏற்றுக்கொள்ளும், போக்குவரத்தில் எரிபொருள் செயல்திறனை மேம்படுத்தும் மற்றும் சுற்றுச்சூழலுக்கு உகந்த பேக்கேஜிங்கிற்கு மாறும் நிறுவனங்கள், எதிர்கால ஒழுங்குமுறை மாற்றங்களுக்கு முன்னதாகவே தங்களை நிலைநிறுத்திக் கொள்கின்றன. இந்த மாற்றங்களைத் தாமதப்படுத்துபவர்கள் பெரும்பாலும் அதிக செலவுகளையும் பின்னர் விநியோகச் சங்கிலி இடையூறுகளையும் எதிர்கொள்கின்றனர். உலகளாவிய சுகாதார நெருக்கடிகள் விநியோகச் சங்கிலி பாதிப்புகளை வெளிப்படுத்துகின்றன சுகாதார நெருக்கடிகள் பாரம்பரிய புவிசார் அரசியல் நிகழ்வுகளாக இல்லாவிட்டாலும் , அவற்றுக்கான அரசாங்க நடவடிக்கைகள் பெரிய விநியோகச் சங்கிலி தாக்கங்களை ஏற்படுத்துகின்றன. எல்லை மூடல்கள், ஏற்றுமதி கட்டுப்பாடுகள் மற்றும் உள்நாட்டு உற்பத்திக்கு முன்னுரிமை அளிப்பது பெரும்பாலும் அத்தியாவசியப் பொருட்களின் கடுமையான பற்றாக்குறைக்கு வழிவகுக்கும். சுகாதார அவசரநிலைகளின் போது அரசாங்கங்கள் திடீரென மருந்துகள், மருத்துவப் பொருட்கள் அல்லது அத்தியாவசிய மூலப்பொருட்களின் ஏற்றுமதியைக் கட்டுப்படுத்தும்போது வணிகங்கள் போராடுவதை நான் கண்டிருக்கிறேன். இந்த இடையூறுகளைச் சிறப்பாகச் சமாளிக்கும் நிறுவனங்கள், பன்முகப்படுத்தப்பட்ட சப்ளையர் நெட்வொர்க்குகளைப் பராமரித்து, நிகழ்நேர விநியோகச் சங்கிலி கண்காணிப்பில் முதலீடு செய்கின்றன. முக்கியமான பொருட்களின் மூலோபாய இருப்புக்களை வைத்திருப்பது மற்றும் மாற்று உற்பத்தி ஆதாரங்களை அணுகுவதை உறுதி செய்வது, உலகளாவிய நெருக்கடிகளின் போது குறிப்பிடத்தக்க மாற்றத்தை ஏற்படுத்துகின்றன. புவிசார் அரசியல் நிகழ்வுகள் உலகளாவிய விநியோகச் சங்கிலிகளை எவ்வாறு பாதிக்கின்றன? வர்த்தகக் கொள்கைகள்: கட்டணங்களும் கட்டுப்பாடுகளும் செலவுகளை அதிகரிக்கின்றன. அரசியல் உறுதியற்ற தன்மை: மோதல்கள் போக்குவரத்து மற்றும் உற்பத்தியை சீர்குலைக்கின்றன. தடைகள்: சந்தைகள் மற்றும் சப்ளையர்களுக்கான அணுகலைக் கட்டுப்படுத்துங்கள். வளக் கட்டுப்பாடு: ஏற்றுமதி கட்டுப்பாடுகள் பற்றாக்குறையை உருவாக்குகின்றன. தொழில்நுட்பப் போட்டிகள்: விநியோகச் சங்கிலி சார்புகளை மாற்றுதல். சுற்றுச்சூழல் விதிமுறைகள்: மூலப்பொருட்கள் கொள்முதல் மற்றும் உற்பத்தியில் கட்டாய மாற்றங்களை ஏற்படுத்துதல். சுகாதார நெருக்கடிகள்: பற்றாக்குறை மற்றும் விநியோகச் சங்கிலி தாமதங்களை ஏற்படுத்துகின்றன. முடிவில் புவிசார் அரசியல் அபாயங்கள் நீங்கவில்லை, அவற்றைப் புறக்கணிக்கும் வணிகங்கள் தங்கள் விநியோகச் சங்கிலிகளை ஆபத்தில் ஆழ்த்துகின்றன. வர்த்தக மோதல்கள், பிராந்திய மோதல்கள், தடைகள் மற்றும் வளக் கட்டுப்பாடுகள் ஆகியவை உலகளாவிய தளவாடங்களை மறுவடிவமைக்கும். உலகளாவிய முன்னேற்றங்களைக் கண்காணிக்கும், சப்ளையர்களைப் பன்முகப்படுத்தும், மாற்று தளவாட வழிகளைப் பாதுகாக்கும் மற்றும் ஒழுங்குமுறை மாற்றங்களுக்கு முன்னால் இருக்கும் நிறுவனங்கள் எப்போதும் வலுவான நிலையில் இருக்கும். புவிசார் அரசியல் அபாயங்களை ஒரு பின்னோக்கிச் சிந்திப்பவர்கள், நெருக்கடிகளுக்கு முன்னால் இருப்பதற்குப் பதிலாக தொடர்ந்து எதிர்வினையாற்றுவதைக் காண்பார்கள். நன்கு தயாரிக்கப்பட்ட விநியோகச் சங்கிலி என்பது எதிர்பாராதவற்றுக்குத் திட்டமிடும் ஒன்றாகும் - ஏனெனில் இன்றைய உலகப் பொருளாதாரத்தில், நிச்சயமற்ற தன்மை மட்டுமே உறுதியானது. "நன்கு தயாரிக்கப்பட்ட விநியோகச் சங்கிலி என்பது எதிர்பாராதவற்றுக்குத் திட்டமிடும் ஒன்றாகும் - ஏனெனில் இன்றைய உலகப் பொருளாதாரத்தில், நிச்சயமற்ற தன்மை மட்டுமே உறுதியானது. Quora இல் என்னுடன் இணைவதன் மூலம் புவிசார் அரசியல் அபாயங்கள் மற்றும் விநியோகச் சங்கிலி நுண்ணறிவுகளுக்கு முன்னால் இருங்கள்." https://bengordonpalmbeach.com/2025/03/the-impact-of-geopolitical-events-on-global-supply-chains/#:~:text=Global%20supply%20chains%20don't,an%20understanding%20of%20global%20risks. மேலே கூறிய எனது கருத்துடன் நேரடியாக இந்த கட்டுரை சம்பந்தப்படவில்லை ஆனாலும் இதில் கூறப்பட்ட விடயங்கள் தற்போதய பிரச்சினைகள ஓரளவு பிரதிபலிப்பது போல உணருகிறேன்.

நீங்கள் கூறுவது விளங்குகிறது. உலக பிரச்சனைகளின் ஆணிவேர் பொருளாதாரம் என கருதுகிறேன், இந்த வெனிசுலா பிரச்சினை மற்றும் புதிய உலக ஒழுங்கின் போக்கு கோவிட் கால பாதிப்பு நீட்சியாக இருக்குமோ என கருதுகிறேன். கோவிட் காலத்தில் இருந்ததனை போல வழங்கல் சங்கிலியில் மிக பெரிய இடையுறு தற்போதுதான் உள்ளது, தற்பொதய முயற்சிகள் ஒரு தன்னிறைவு பிராந்திய பொருளாதாரத்தினை மையமாக மாற்றம் ஏற்படுவது போல உணருகிறேன். அமெரிக்க பொருளாதார நெருக்கடி; அமெரிக்க பாதுகாப்பு செலவீடுகளை மட்டுப்படுத்துகிறது, இது சேத கட்டுப்பாடு நடவடிக்கையாக இருக்குமா? முன்னரை போல அமெரிக்க பாதுகாப்பிற்கு அமெரிக்காவினால் செலவிடமுடியாது என கருதுகிறேன். இது ஒரு தவிர்க்கமுடியாத கால மாற்றம், அதற்கு சில கடந்த கால கொள்கைகளும் காரணமாகிறது என கருதுகிறேன்.

ஊதனம் என்ற சொல்லை இன்றுதான் கேள்விபடுகிறேன். நிதியுதவி யையா சொல்கிறீகள்? ஊதியத்தையே ஊதனம்என்று எழுதிவிட்டாரோ? வேலை மினக்கெட்டு செய்பவருக்கும் ஒரு பங்கு ஊதியம் கொடுத்தால் நல்லது.

வீர வணக்கங்கள்.

இந்தியாவிலிருந்து ஒரு தொகை பொருட்கள் கடற்புலிகளின் விநியோக நடவடிக்கை மூலம் தமிழீழத்திற்க்கு கொண்டுவருவதற்காக ஒரு வேலைத் திட்டம் கடற்புலிகளுக்கு தலைவர் அவர்களால் வழங்கப்பட்டது அதற்கமைவாக 06.10.1999 அன்று ஏற்கனவே நிலைகொண்டிருந்த மன்னார் மாவட்ட கடற்புலிகளுடன் .மேலதிகமாக சாள்ஸ் படையணியும் இணைந்தது.கடற்புலிகளின் சிறப்புத்தளபதியால் திட்டம் விளங்கப்படுத்தப்பட்டது இத்திட்டத்தின்படி கடற்புலி மேஐர் காமினி அவர்கள் விநியோக நடவடிக்கைக்ப் பொறுப்பாக செல்வதென்றும் விநியோகப் பாதுகாப்புக்குப்பொறுப்பாக எழிற்கண்ணன் அவர்களும் நியமிக்கப்பட்டருந்தார்கள் .ஆனால் இறுதிநேரத்தில் இந்தியாவில் பொருட்கள் எடுக்கும் இடத்தில் சிறிது தூரம் நடந்து எடுக்கவேண்டி இருந்ததால் போராளிகள் கூடுதலாக போடப்பட்டு இத்திட்டம் மாற்றப்பட்டது.புதிதாக மாற்றப்பட்ட திட்டத்தில் விநியோகநடவடிக்கைக்குப் பொறுப்பாக எழிற்கண்ணன் அவர்களும் விநியோகபாதுகாப்புக்குப் பொறுப்பாக அன்றையதினம் சிறப்புத்தளபதி சூசை அவர்களுடன் வந்திருந்த கடற்புலிகளின் துணைத்தளபதி லெப் கேணல் நிறோயன் அவர்களும் நியமிக்கப்பட்டு விநியோக நடவடிக்கை ஆரம்பமானது.07 .10.1999 அன்று அதிகாலை காலநிலை சீரின்மையால் விநியோக அணி மீது தீடிரென வந்த சிறிலங்காக் கடற்படையினர் தாக்குதல் நடாத்தினர் அதனைத்தொடர்ந்து எமது கடற்த்தாக்குதல் அணிக்கும் கடற்படையினருக்கும் அதிகாலை நான்குமணிவரை கடும் கடற்சமர் நடந்தது .விநியோக நடவடிக்கைப் போராளிகள் எவ்வித இழப்பகளுமின்றி தளம் திரும்பினர்.இவ் விநியோக பாதுகாப்புச் சமரில் தமிழீழத்திற்க்கு பலம் சேர்க்கின்ற நடவடிக்கைகளில் முக்கிய பங்காற்றியவரும் தென் தமிழீழ விநியோக நடவடிக்கைக்கு பொறுப்பாக இருந்தவரும் பல கடற்சமரை கடலில் செவ்வனவே வழிநடாத்தியவரும் கடற்புலிகளின் துணைத் தளபதியுமான லெப் கேணல் நிறோயன் உட்பட்ட போராளிகள் வீரச்சாவடைந்தனர். லெப்.கேணல் நிரோயன் பாலசுப்பிரமணியம் கிருஸ்ணபாலன் புளியங்கூடல் தெற்கு, ஊர்காவற்றுறை, யாழ்ப்பாணம் மேஜர் காமினி (ஜெயராஜ்) குப்புசாமி அருணாசலம் கதிரவெளி, மட்டக்களப்பு மேஜர் நகுலன் சண்முகலிங்கம் லோகேஸ்வரன் மாரீசன்கூடல், இளவாலை, யாழ்ப்பாணம் மேஜர் குகன் (செல்லையா) யோசப் நியூட்டன் நானாட்டான், மன்னார் மேஜர் சோழன் சேவியர் யோசப்பற்றிக் சுண்டுக்குழி, யாழ்ப்பாணம் கப்டன் இளநிலவன் டேவிற் அன்ரன் அருள்தாஸ் குடத்தனை, வடமராட்சி கிழக்கு, யாழ்ப்பாணம் லெப்டினன்ட் நாகமணி கோபால் முருகவேல் தென்னியங்குளம், துணுக்காய், முல்லைத்தீவு லெப்டினன்ட் பாவேந்தன் இராசதுரை ஜோன்கலின் உரும்பிராய் கிழக்கு, யாழ்ப்பாணம் லெப்டினன்ட் சொற்கோ இராமலிங்கம் ரவி முருங்கன்பிட்டி, மன்னார் லெப்டினன்ட் தமிழ்நம்பி அருள்யோகநாதன் சுரேஸ்குமார் பருத்தித்துறை, யாழ்ப்பாணம் 2ம் லெப்டினன்ட் மாறன் கிருபாகரன் றமணன் கரணவாய் தெற்கு, கரவெட்டி, யாழ்ப்பாணம் 2ம் லெப்டினன்ட் இசைவாணன் பொன்னுத்துரை தவசீலன் நீதிபுரம், மாங்குளம், முல்லைத்தீவு வீரவேங்கை முதல்வன் சிவபாலசுந்தரம் விஜயராஜ் 6ம் வட்டாரம், மயிலிட்டி, யாழ்ப்பாணம் வீரவேங்கை செம்பியன் முத்துக்கறுப்பன் நிமலேந்திரன் மயிலிட்டி, யாழ்ப்பாணம் வீரவேங்கை இனியவன் இராசரத்தினம் சசிராஜ் 7ம் கட்டையடி, சண்டிலிப்பாய், யாழ்ப்பாணம் https://irruppu.com/2021/04/05/%E0%AE%A4%E0%AE%AE%E0%AE%BF%E0%AE%B4%E0%AF%80%E0%AE%B4%E0%AE%A4%E0%AF%8D%E0%AE%A4%E0%AE%BF%E0%AE%B1%E0%AF%8D%E0%AE%95%E0%AF%8D%E0%AE%95%E0%AF%81-%E0%AE%95%E0%AF%8A%E0%AE%A3%E0%AF%8D%E0%AE%9F%E0%AF%81/?fbclid=IwY2xjawPIDAZleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEe52uv6NTA1neoY4LR-PtjICQm3ZwCLRXtgb-lgNQdzwiAE3PkUctGcqcXn94_aem_EJ3rQvGnx-ktjegIshe3FQ

முன்னாள் யாழ்பல்கலைக் கழக மாணவர் ஒருவரின பதிவிலிருந்து….. THUGS’ LIFE EPRLF இயக்கம் இலங்கையை ஆக்கிரமிக்கும் நோக்கோடு வடக்கில் நிலைகொண்ட இந்திய இராணுவத்தோடு(IPKF) மீளவும் பிரசன்மாகியிருந்தது. ஒவ்வொரு பிரதான சந்திகளிலும், சாலைத் திருப்பங்களிலும் இந்திய இராணுவம் நிலை கொண்டிருந்தது. EPRLF இயக்கத்தைச் சேர்ந்தவர்கள் மீளவும் வந்திறங்கினர். புலிகளை அழித்து இந்தியாவின் உதவியோடு ஈழத்தைக் கைப்பற்றுவோம் என EPRLF இன் தலைவர்களில் ஒருவரான வரதராஜப் பெருமாள் அறிக்கைவிடுக்கிறார். யாழ்ப்பாண நகரின் கோடியில் அமைந்திருந்த அசோக் ஹோட்டலில் இருந்து EPRLF இராணுவம் செயற்பட்டது. EPRLF குழுவினர், சந்தேகத்தின் பெரில் கைதுசெய்த பலரை வெட்டியே கொன்றனர் என்ற தகவல்கள் வெளியாகின. இந்திய இராணுவம் நிலைகொள்ள ஆரம்பித்த முதலாவது நாளில் இருந்தே மக்கள் விரோதக்க் கும்பலாகவே EPRLF தன்னை அறிமுகப்படுத்தியது. கொலை, கொள்ளை, பாலியல் வன்முறை என்ற அனைத்தும் இலங்கை இராணுவத்திற்கு ஒப்பான வகையில் நிறைவேற்றப்பட்டன. தேசியப் போராட்டம், வர்க்கப் புரட்சி, மக்கள் இயக்கம் என்ற அழகான வார்த்தைகளை உச்சரித்த EPRLF இயக்கம் இந்திய இராணுவத்தின் துணைக் குழுவாக இயங்க ஆரம்பித்தது. 1988 ஆம் நடுப்பகுதில் EPRLF மக்கள் மீதான பல முனைத் தாக்குதல்களை ஆரம்பித்தது. குறிப்பாகப் பல்கலைக் கழக மாணவர்கள் மீதான கைதுகள் உச்சத்தைத் தொட்டிருந்தன. பல்கலைக் கழகத்திற்குக் கல்விகற்கச் செல்வதென்பதே பாதுகாபற்றதாக இருந்தது. இந்த நிலையில் யாழ்ப்பாணப் பல்கலைக் கழக மாணவர் அமைப்புச் சார்பாக ஒரு துண்டுப் பிரசுரம் ஒன்றை வெளியிட்டோம். 1988ம் ஆண்டு நவம்பர் மாதம் இந்திய இராணுவத்தின் தலைமையில் மாகாண சபைத் தேர்தல்கள் நடைபெற்றன. அவ்வேளையில் யாழ்ப்பாணப் பல்கலைக் கழக மாணவர் விடுதியில் நான் தங்கியிருந்தேன். விடுதிக்கு நேர் எதிராக அமைந்திருந்த தொழில் நுட்பக் கல்லூரி தேர்தல் சாவடியாகப் பயன்படுத்தப்பட்டது. விடுதிக்குப் பின்புறமிருந்து தேர்தல் சாவடியை நோக்கி புலிகள் துப்பாக்கிப் பிரயோகம் செய்தனர். இதனையடுத்து இந்திய இராணுவத்தினர் விடுதியைச் சுற்றிவளைத்தனர். தெருவில் நடமாடிய ஒவ்வொருவரையும் எழுந்தமானமாகத் தாக்கினர். விடுதியிலிருந்து துப்பாக்கிக் குண்டுகள் வரவில்லை என்பதை விடுதியைச் சுற்றிவளைத்திருந்த இந்திய இராணுவத்திற்குத் தெரியப்படுத்த வேண்டும் என்று முடிவெடுக்கப்பட்டு என்னை அவர்களிடம் சென்று பேசுமாறு மாணவர்கள் முடிவெடுத்தனர். அவர்களிடம் பேசச் சென்ற போது நான் தேர்தல் சாவடியிலிருந்த இராணுவத் தளபதியிடம் பேசுவதற்காக அழைத்துச் செல்லப்பட்டேன். பஞ்சாபிக் காரரான அவரது முன்னால் சென்ற போது எனது மேலங்கியில் எண்ணைப் படிவு காணப்படுவதாகவும் துப்பாக்கிப் பிரயோகம் செய்தது நானாக இருக்க வேண்டுமென முடிவெடுக்கிறார். என்னை தீர விசாரிக்குமாறு சில இராணுவத்தினரிடம் அனுப்பி வைக்கிறார். அவர்கள் என்னைத் தாக்க ஆரம்பிக்கின்றனர். இரண்டு இராணுவத்தினர் ஒரு மேசையுடன் இணைத்து என்னைக் கட்டிவைத்துவிட்டு மிருகத் தனமாக அடிக்க ஆரம்பிக்கின்றனர். இரண்டு மணி நேரத்திற்கு மேலாக எனக்கு அடி விழுகிறது. இறுதியில் நான் மயக்கமடைந்து விட்டேன். மயக்கம் தெளிந்த போது எனக்கு சிறிதளவு நீர் அருந்த அனுமதித்தார்கள். தேர்தல் முடிவடைந்திருந்தது. இராணுவத்தினர் முகாமிற்கு செல்ல ஆரம்பிக்கின்றனர். எனது கைகளை இறுகக்கட்டி இராணுவ வாகனத்தை நோக்கி அழைத்துச் செல்கின்றனர். சேகர் என்ற தமிழ் அதிகாரி அங்கு வருகிறார். என்னைப் புலியா எனக் கேட்கிறார். இல்லை என்றதும் தனது சப்பாத்துக் கால்களால் எனது முதுகில் உதைகிறார். சில நிமிடங்கள் நினைவிழந்த நிலையில் மருதானாமடம் பிரிவைச் சேர்ந்தா இராணுவத்தினரின் வாகனத்தில் ஏற்றப்படுகிறேன். அங்கு என்னை ஒப்ப்டைத்தவர் சேகர். அந்த அணியின் பொறுப்பதிகாரிக்கு நான் புலிகள் சார்ந்தவன் என்று கூறியே ஒப்படைக்கப்படுகிறேன். மருதனாமடம் முகாமிற்கு அவர்கள் என்னைக் கொண்டு செல்லும் வரைக்கும் ஏறத்தாழ 10 நிமிட நேரமாக பலர் அங்கும் இங்குமாகத் தாக்குதல் நடத்தினர். சிகரட் புகைத்துக்கொண்டிருந்த இராணுவதினர் ஒருவர் என் மீதே அதனை அணைக்கிறார். பல தடவைகள் உரத்து அலறியும் எந்தப் பயனும் இல்லை. எல்லாமே மரத்துப் போனது போன்ற உணர்வு. இறுதியாக முகாமை அடைந்ததும் அங்கு இராணுவ வண்டியில் படுக்க வைக்கப்பட்டிருந்த எனது கால்களைப் பிடித்து இழுத்ததில் எனது தலை அடிபட விழுந்ததில் மற்றொரு தடவை நினைவிழக்கிறேன். நான் விழித்துக்கொண்ட போது என்னைச் சுற்றிப் பலர் தமிழில் பேசிக்கொண்டிருந்தார்கள். அவர்கள் அனைவரும் EPRLF உறுப்பினர்கள். எனக்குத் தெரிந்த ஒருவரையும் காணக்கூடியதாக இருந்தது. ஒரு சிலர் குடி போதையில் இருந்ததையும் அவதானிக்கக் கூடியதாக இருந்தது. எல்லோருமே என்னிடம் பல கேள்விகளைக் கேட்கின்றனர். அங்கிருந்த EPRLF உறுப்பினர் ஒருவர் நான் இந்திய இராணுவத்திற்கு எதிராகச் செயற்படுவது தனக்குத் தெரியும் என்கிறார். உடனடியாகவே கேள்விகள் நிறுத்தப்பட்டு சாரமாரியாகத் தாக்குதல் நடத்த ஆரம்பிக்கின்றனர். தமக்குத் தெரிந்த சித்திரவதை முறைமகள் அனைத்தையும் கையாள்கின்றனர். ஒரு புலி உறுப்பினரையாவது காட்டிக்கொடுக்காவிட்டல் கொன்றுவிடப் போவதாகக் கூறுகின்றனர். எனக்கு முன்னமே தெரிந்த EPRLF உறுப்பினர் அங்கிருந்து செல்லும் போது எனது முதுகில் வில்லுக் கத்தியால் கீறிவிட்டு மறு நாள் வரைக்கு இது இரத்தம் சொட்டப் போதுமானது எனக் கூறிவிட்டு அகன்று செல்கின்றார். மருதனாமடம் முகாம் வழமையாகக் கைதிகளைத் தடுத்துவைப்பதற்கான முகாம் இல்லை என்பதைத் தெரிந்துகொள்ள எனக்கு நேரமெடுக்கவில்லை. முகாமில் என்னைத் தவிர வேறு கைதிகளைக் காணமுடியவில்லை. இரவு நெடு நேரமாக கிணற்றிற்கு அருகிலிருந்த மரத்தோடு என்னைக் கட்டிவைத்திருந்தனர். நள்ளிரவு இருக்கலாம் ஒரு இந்திய இராணுவத்தினர் எனக்கு அருக்கில் வந்து குடிப்பதற்கு நீர் கொண்டுவந்து தந்த பின்னர் முகாமின் பின்புறதில் இருந்த மலசல கூடத்திற்குப் பின்புறம் காணப்பட்ட அறையில் அடைத்துவிட்டனர். இரவு உறங்கியதாக நினைவில்லை. அதிகாலையில் உறங்க முற்பட்ட வேளையில் சற்று உணவோடு அறைக்குள் எனைத் தள்ளிய இராணுவ சிப்பாய் வருகின்றார். சற்றுப் பின்னதாக இரண்டு EPRLF பிரதான உறுப்பினர்கள் வருகின்றனர். ஒருவர் மாகாண சபைத் தேர்தலில் போட்டியிட்ட தங்கன் என்ற மானிப்பாயைச் சேர்ந்தவர். மற்றவர் பிரதீப் என்பவர். நீ எப்போது புலியில் சேர்ந்தாய் என்று கேட்டவாறே தங்கன் என்னைச் சாரமாரியாகத் தாக்குகிறார். கிணற்றிற்கு அருகில் அழைத்துச்சென்ற அவர்கள் நீர் நிரம்பிய ஒரு வாளிக்குள் எனது தலையை அமிழ்த்துகின்றனர். நான் மூச்சுத்திணறும் வரைக்கும் நீருக்குள் எனது தலையை வைத்திருக்கின்றனர். என்னிடமிருந்து எதையும் பெற்றுக்கொள்ள முடியாமையால் அறைக்கு அழைத்துச் சென்று மீண்டும் தாக்குதல்களைத் தொடர்கின்றனர். அப்போது தமிழ்ப் பேசும் இந்திய இராணுவ அதிகாரி சேகர் அங்கு வருகின்றார். தனது பங்கிற்கு அறையின் மூலையில் உட்காரவைக்கப்பட்டிருந்த என்னை கால்களால் உதைக்கிறார். என்னை இங்கு வைத்து விசாரணை செய்தால் உண்மை சொல்லப்போவதில்லை என்றும் மானிப்பாயில் உள்ள விசேட சித்திரவதை முகாமிற்கு என்னை அழைத்துச் செல்லப் போவதாகவும் கூறுகின்றனர். அங்கே மின்சாரம் பாய்ச்சும் உபகரணங்கள் உட்பட பல சித்திரவதைக் கருவிகள் இருப்பதாகவும் நான் எப்படியும் உண்மை சொல்வேன் என்றும் பேசிக்கொள்கின்றனர். அதன் பின்னர் வெளியே வாசலுக்குச் சென்று அங்கு சித்திரவதைச் செய்யப்படும் போது இறந்துபோன ஒருவரைப்பற்றியும் பேசிக்கொள்கின்றனர். அவர்கள் அங்கிருந்து அகன்ற சிறிது நேரத்தில் அறைக்குள் வந்த உப நிலை இராணுவ அதிகாரி ஒருவர் தன்னை நாகரீகமாக அறிமுகப்படுத்திக்கொள்கிறார். ராஜஸ்தானைச் சேந்தவர் என்கிறார். நான் உண்மையில் புலி இயக்கத்தைச் சார்ந்தவனா என்று கேட்கிறார். நான் நடந்தவற்றை விபரிக்கிறேன். அவர் சித்திரவதை முகாமில் நடப்பவற்றை விபரிக்கிறார். கைகளில் நகங்களைப் பிடுங்குவார்கள், கண்களில் ஊசி ஏற்றுவார்கள் என்று மனித நாகரீகங்கள் கேட்டிராத பல சித்திரவதைகளைப் பற்றிக் கூறுகின்றார். அவர் கூறும் போதே அனுபவிப்பது போன்ற உணர்வு ஏற்பட்டது. முதல் நாள் இரவு EPRLF உறுப்பினர் கீறிய கத்திக்காயம் மேலும் வலித்தது. யாராவது எனக்குத் தெரிந்த பல்கலைகழகப் புலி உறுப்பினர் தொடர்பான தகவல்களை மட்டும் கூறினால் என்னை இங்கிருந்து விடுதலை செய்துவிடுவதாகக் கூறினார். வெள்ளிக்கிளமை விடுமுறை நாளொன்றில் கைது செய்யப்படிருந்தேன். அன்று சனி. இன்னும் ஒரு ஞாயிறு கழிந்தால் திங்கள் பல்கலைக் கழகத்தில் போராட ஆரம்பித்துவிடுவார்கள். போராட்டம் ஆரம்பித்தபின்னர் அடிகாயங்களோடு என்னை விடுதலை செய்ய மாட்டார்கள். ஒன்றில் கொலை செய்துவிடுவார்கள் அல்லது சித்திரவதை முகாமில் நீண்டகாலம் வைத்திருப்பார்கள் என்கிறார். பல்கலைக் கழகதிலிருந்து சிலர் அணுகியதாகவும் இராணுவ அதிகாரிகள் நான் கைதானதை மறுத்துவிட்டதாகவும் கூறுகிறார். கைதானதை நேரில் கண்ட சாட்சிகள் யாரும் இல்லாத காரணத்தால் கொலை செய்து அழித்துவிடுவது இலகுவானது என்கிறார். அவரோடு ஒத்துழைத்தால் விடுதலைக்காக ஆவன செய்வதாகக் கூறுகிறார். எனக்குத் யாரையும் தெரியாது என்று மீண்டும் கூறியதும் எதுவும் பேசாமல் அங்கிருந்து அகன்றுவிட்டார். மதிய உணவு தரப்பட்டதாக நினைவு. மாலை வேளையில் தங்கன் மீண்டும் என்னை வந்து மிரட்டிவிட்டுச் சென்றார். ஞாயிறு மாலை சித்திரவதை முகாமில் சந்திப்பதாகக் கூறினார். சில மணி நேரங்களின் பின்னர் அதே உப நிலை இராணுவ அதிகாரி வருகின்றார். புலிகளின் ஒரு உறுப்பினரை காட்டிக்கொடுத்த பின்னர் விடுதலையாகி வெளியில் சென்று தமக்குத் தகவல் தருமாறு செயற்பட்டால் உடனடியாகவே விடுதலை செய்வதாகக் கூறுகிறார். தவிர, நான் அதிகமாகத் தாக்கப்பட்டிருப்பதால் ஏனைய கைதிகள் அடைக்கப்பட்டிருக்கும் முகாம்களுக்கு அனுப்பத் தயாரில்லை என்றும் காட்டிக்கொடுக்கும் ஒப்பந்த அடிப்படையில் விடுதலை செய்யலாம் அல்லது சித்திரவதை முகாமிற்கு அனுப்ப வேண்டியதாக இருக்கும் என்கிறார். நான் இப்போது பேச ஆரம்பிக்கிறேன், “உங்களுடைய நாட்டில் வெள்ளையர்களை வெளியேற்றுவதற்கான போராட்டம் நடைபெற்றபோது மக்கள் ஆதரவு இருந்ததைப் போன்றே இப்போதும் புலிகளை மக்கள் ஆதரிக்கிறார்கள். ஆனால் புலிகள் தலைமறைவு அமைப்பு. மக்களுக்குப் பழக்கப்பட்டவர்கள் இப்போது அங்கே இப்போது தலைமறைவாகிவிட்டார்கள். காட்டிக்கொடுப்பதற்கு யாரும் இல்லை. ஆனால் நீங்கள் அப்பாவிகளைத் தாக்கினால் அவர்கள் புலிகளோடு இணைவதைத் தவிர வேறு வழி இல்லை என்றாகிவிடும்” என்பன போன்ற விடயங்களைக் கூறுகிறேன். ஆமோதிப்பது போன்று தலையசைத்துவிட்டுச் செல்கிறார். அவரை மீண்டும் நான் காணவில்லை. அன்று இரவு சித்திரவதைகள் குறைந்திருந்தன. மறு நாள் ஞாயிறு, மதியம் அளவில் முகாமின் முன்னரங்கில் காவலுக்கு நின்றிருந்த இராணுவத்தோடு என்னை நிறுத்தி வைத்தனர். தெருவால் புலி உறுப்பினர்கள் சென்றால் காட்டிக்கொடுக்குமாறு பணிக்கப்பட்டேன். துப்பாக்கியோடு ஒரு இராணுவச் சிப்பாய் தெருவில் போகிறவர்களை கண்காணித்துக்கொண்டிருந்தார். அவ்வப்போது இடைவெளி கிடைக்கும் போதெல்லாம் அருகில் நிறுத்தி வைக்கப்பட்ட என்னைத் தாக்குவார். பொழுது சாய்ந்ததும் மறுபடி அறைக்குக் கொண்டு செல்லப்பட்டேன். EPRLF உறுப்பினர்கள் வந்தார்கள். மானிப்பாய் முகாமிலிருந்து பிரதீப்பும் வந்திருந்தார். “*நல்ல தமிழ்” *மட்டும் தான் “தோழர்” பேசினார். வெளியே ஒடிச்சென்று பெரிய தடி ஒன்றைக் கொண்டுவந்து தாக்கியது நினைவிருக்கிறது. ஒரு கட்டத்தில் நான் நினைவிழந்துவிட்டேன். கண்விழித்த் போது யாரும் அருகில் இல்லை. நீண்ட நேரத்தின் பின்னர் இராணுவச் சிப்பாய் ஒருவர் வந்து ஏதோ ஹிந்தியில் கேட்டார். நான் பதில் சொல்லவில்லை. திட்டியபடி பல தடவை முகத்தில் அறைந்தார். அவர்கள் கூறியபடி சித்திரவதை முகாமிற்கு நான் கூட்டிச் செல்லப்படவில்லை என்பது ஆறுதலாக இருந்தது. மறு நாள் அதிகாலை அடி உதை எல்லாம் நிறுத்தப்பட்டிருந்தது. சித்திரவதை முகாமிற்குக் கொண்டு செல்லப்போவதாகவும் என்னை இராணுவ உடுப்பை அணிந்து கொள்ளுமாறும் ஒரு அதிகாரி உடை, தொப்பி ஆகியவற்றுடன் வந்தார். மதியத்திற்குச் சற்றுப்பின்னர், இராணுவ உடையுடன், பின்பக்கம் திறந்த இராணுவ வண்டியில் ஏற்றப்படுகிறேன். சித்திரவதை முகாமிற்குச் செல்லும் வழியில் எனது மானிப்பாய் வீட்டைச் சோதனையிடப் போவதாகச் சொல்கிறார்கள். வீட்டிற்குச் செல்லும் வழியில் பல்கலைக்கழகத்தில் போராட்டத்திற்கான தயாரிப்புக்கள் மேற்கொள்ளப்படுவதாக உளவாளிகள் மூலம் தகவல்கள் கிடைத்திருப்பதாகச் பொறுப்பதிகாரி சொல்கிறார். எனது வீட்டிற்குச் செல்லும் வழியில் கடை ஒன்றின் அருகில் சற்று மறைவான இடமொன்றில் என்னையும் இன்னொரு இராணுவ அதிகாரியை காவலுக்கும் நிறுத்திவிட்டு வீட்டைச் சோதனையிடச் செல்கிறார்கள். அவ்வேளையில் எனது வீட்டில் எனது ஆசிரியராகவிருந்த கலாநிதி சிறீதரன், பேராசிரியை ரஜனி திரணகம உட்பட உறவினர்கள், நண்பர்கள் பலர் “காணாமல்போன” என்னைக் குறித்துப் பேசிக்கொண்டிருந்ததை பின்னதாக அறியக் கூடியதாக இருந்தது. அங்கு சென்ற இந்திய இராணுவத்தினர் தாங்கள் என்னைக் கைது செய்யவில்லை என்றும், வீட்டில் ஒளிந்திருக்கிறேனா எனச் சோதனையிட வந்ததாகவும் கூறியிருந்தனர். எனக்குக் காவலுக்கு நின்றிருந்த இராணுவச் சிப்பாய் அருகிலிருந்த கடைக்கு பீடி வாங்குவதற்காகச் செல்கிறார். அவ்வேளையில் எனது வீட்டிற்கு அருகில் வசிக்கும் ஒருவர் தெருவால் நடந்து செல்கிறார். அவரை நான் சைகை காட்டி அழைத்ததும் என்னை நோக்கி வருகிறார். அடி விழுந்ததில் முகம் முழுவதும் வீக்கமடைந்திருந்ததால், கூர்க்கா இராணுவத்தைச் சேர்ந்த ஒருவர் அழைப்பதாகக் கருதியே அவர் என்னை அணுகியதாக பின்னதாக அவர் என்னிடம் கூறியிருந்தார். அருகில் வந்ததும் என்னை அடையாளம் கண்டுகொண்ட அவர் என்னுடன் ஏதும் பேசாமல் உடனடியாகவே மறுபக்கம் திரும்பிச் சென்று எனது வீட்டில் விடயத்தைத் தெரிவித்திருக்கிறார். வீட்டில் இருந்த அனைவரும் கடையை நோக்கி ஓடிச் செல்ல, நிலமையைப் புரிந்துகொண்ட இந்திய இராணுவத்தினர் அவசர அவசரமாக வாகனத்தை நோக்கி விரைந்து அதனைச் செலுத்த ஆரம்பித்தனர். வாகனத்தின் பின்னால் எனது குடும்பத்தினர் ,மற்றும் அவர்களுடனிருந்த பேராசியர்கள் ஓடிவருவதைக் காணக்கூடியதாக இருந்தது. இப்போது நான் முகாமில் உயிரோடு வைக்கப்பட்டிருப்பதைப் பலர் சாட்சியாகக் கண்டிருக்கிறார்கள். இராணுவ வாகனம் இடையில் நிறுத்தப்பட்டு யாரையோ தொடர்பு கொள்கிறார்கள். இப்போது அவர்களது திட்டம் மாறியிருக்க வேண்டும். மருதனாமடம் முகாமிற்கு மீண்டும் கொண்டு செல்லப்படுகிறேன். அன்று மாலைவரை எனக்கு யாரும் அடிக்கவில்லை. அன்று இரவிற்குள் எனது வீட்டார், ரஜனி திரணகம போன்றோர் பல அதிகாரிகளைச் சந்தித்து EPRLF செயலாளர் பத்மனாபாவையும் சந்திக்கின்றனர். அன்று இரவே விடுதலை செய்யப்படுகிறேன். காயங்கள் குணமாகும் வரை வெளியே வரக்கூடாது, பத்திரிகைகளில் படம் வரக்கூடாது, என்ற எச்சரிக்கையின் பின்னர் எனதுகுடும்பத்தாரிடம் ஒப்படைக்கப்படுகிறேன். * வைமன் வீதி முகாமில் நான் சந்தித்த வாசு இப்போது கே.பி இன் தன்னார்வ நிறுவனத்தின் பிரித்தானிய முகவர்…பிரித்தானியாவில் வசிக்கும் புலி எதிர்ப்பாளர். கலாநிதி சிறீ மனித உரிமைக்கான பல்கலைக்கழக ஆசிரியர் சங்கத்தின் செயற்பாட்டாளர், ஜெரோம் சில காலங்களின் பின்னர் மாரடைப்பால் மரணித்துவிட்டார், கிருபன் பிரான்சில் வசிக்கிறார், பிரதீப் பிரான்சின் புறநகர்ப் பகுதியில் வசிப்பதாகக் கூறுகிறார்கள். நான் மீண்டும் எழுத்துக்களோடு பிரித்தானியத்்தெருக்களில் https://www.facebook.com/naveen.navaneethan.50

உங்கன்ட சிவப்பு கோவணத்தையும் கழட்டி தொங்க விடுவாங்கள் கவனம்,

ஊதனம் என்ற சொல்லை இன்றுதான் கேள்விபடுகிறேன். நிதியுதவி யையா சொல்கிறீகள்? ஆம் எனில் உடன்படுகிறேன்.

திட்டத்தின் இலக்கு - அமெரிக்காவை இப்போ இருப்பது போல ஒரு ஒற்றை உலக வல்லரசாக அல்லாமல், அமெரிக்க கண்டத்தில் மட்டும் ஆளுமை உல்ல பிராந்திய வல்லரசாக சுருக்குவது. உலகை 3 ஆட்புலங்களாக spheres of influence ஆக்குவது. அவையாவன அமெரிக்காவின் ஆள்புலம் - வட தென் அமெரிக்கா, மேற்கு பசுபிக், மத்திய கிழக்கு ரஸ்யா ஆட்புலம் - ஐரோப்பா, மத்திய ஆசியா சீனா -இந்து சமுதிரம் சார் பகுதிகள், கிழக்கு பசுபிக்.

டிரம்ப் அமெரிக்காவும், நாம் அறிந்த டிரம்ப் அல்லாத அமேரிக்காவும் ஒன்றல்ல. பழைய சூத்திரங்கள் (formula) டிரம்ப் அமெரிக்காவுக்கு பொருந்தாது என்பது என் கருத்து. டிரம்ப் அமெரிக்காவுக்கு அமெரிக்காவின் பொருளாதார நலன் ஒரு பொருட்டல்ல. தேர்தலில் தோற்கும் அளவுக்கு பொருளாதாரம் அடி வாங்காதவரை. கிரீன்லாந்தை எடுத்து கொள்ளுங்கள். அமெரிக்கா அதை கைப்பற்ற வேண்டிய அவசியமே இல்லை. யாருக்கும் சொல்லாமல் - டென்மார்க்கை திரைமறைவில் நெருக்கினாலே தேவையான சகல வளமும் சலுகை விலையில் கிடைக்கும். ஆனால் இப்படி டென்மார்க்கை, ஈயுவை அவமானப்படுத்தும் விதமாக பொதுவெளியில் அமேரிக்கா நடந்து கொள்வது - கிரீன்லாந்தை எடுப்பது என்பதை விட, ஏனைய நேட்டோ/ஈயூ நாடுகளை அவமானப்படுத்த வேண்டும் என்பதே அமெரிக்காவின் பிரதான நோக்கம் என்பதை காட்டுகிறது. இதேதான் ஜப்பானுக்கும். ஏலவே கவனித்திருப்பீர்கள் - பெண்டகன் அண்மையில் வெளியிட்ட பல விபரங்கள் தாங்கள் செய்த அத்தனை war-gaming இலும் சீனாவிடம் அமெரிக்கா தோற்பதாக வெளிப்படையாக அறிவிக்கிறார்கள். பொதுவாக இது உண்மை எனிலும் இதை எந்த நாட்டு பாதுகாப்பு அமைச்சும் வெளிவிடாது. ஆனால் இந்த பெண்டகன் செய்கிறது. இது தைவானை கைவிடும் முடிவுக்கு அமெரிக்க மக்களை, உள்ளூர் ஆடியன்ஸை தயார் படுத்தும் முயற்சி என நான் காண்கிறேன். இதே ஒத்த அணுகுமுறைதான் ஜப்பான்- வடகொரியா, தென்சீன கடலில் சீனா-பிலிப்பைன்ஸ் விடயத்திலும் நடக்கும். மத்திய கிழக்கு தவிர உலகில் வேறெந்த பகுதியிலும், ஐரோப்பாவிலும் கூட, அமெரிக்கா வெறும் அறிக்கையோடு நிறுத்தி கொள்ளும் ஒரு நிலை விரைந்து ஏற்படும் என நான் எண்ணுகிறேன். அதேபோல் சம்பந்தமில்லாமல், தனது அயலில் சிவனே எண்டு இருந்த வெனிசுவேலா, கொலம்பியா, கியூபாவோடு இல்லாத விடயங்களை கூறி அமெரிக்கா பிரசனைப்பட்டு - அதில் அதன் நேரம், வலு செலவழியும். நேரடியாக வெல்லப்பட முடியாத ஒரு சக்தியை, எப்படி அதன் சக்திகளை ஒவ்வொன்றாக அகற்றி நீண்டகால நோக்கில் தோறகடிக்க முடியும் என்பதை காட்டும் ஒரு வேலைதிட்டத்தின் நடுப்பகுதியில் நாம் நிற்கிறோம். இதை முழுமையாக செய்து முடிக்க டிரம்ப் 3 ம் முறை ஜனாதிபதி ஆவது தேவைப்படும் என நினைக்கிறேன். Vance ஐ திடீரென டிரம்ப் ஓரம்கட்டுவதும் இதனால் என்றே எண்ணுகிறேன். அமேரிக்காவில் ஒரு ஆள்-அரசு இருப்பதாக பலர் சொல்கிறார்கள். இதை கணிசமாக கட்டுப்படுத்துவது யூதர்கள். ஆகவேதான் அமெரிக்காவின் இஸ்ரேல், மத்திய கிழக்கு கொள்கை வழமைபோல் இருக்கும் அல்லது மேலும் இஸ்ரேல்லுக்கு சாதமாகும். அங்கேயும் அமெரிக்காவின் வகிபாகத்தை குறைத்தால் - அது இஸ்ரேலை பாதிக்கும் - அப்போ ஆள் அரசு விழித்து, டிரம்பை அகற்ற பார்த்தால் - மொத்த திட்டமும் கெட்டு விடும். எனவேதான் மத்திய கிழக்கு மட்டும் வழமை போல் தொடர்கிறது.

அமெரிக்கா முன்னர் நடத்திய இராணுவ நடவடிக்கைகள் அல்லது அக்கிரமிப்புப் போர்களில் முவைத்த பொய்யான காரணங்களைப் போல் அல்லாமல் வெனிசுவேலா மீது தாம் மூன்று மணிநேர நடவடிக்கையினை நடத்தி மடூரோவைக் கைது செய்ததன் உண்மையான நோக்கம் வெனிசுவேலாவில் இருக்கும் எண்ணை வளத்தைத் தாம் கைய்யகப் படுத்தத்தான் என்று ட்ரம்ப் வெளிப்படையாகவே கூறியிருக்கிறார். எண்ணெய்க் கிணறுகளை கட்டுப்பாட்டின்கீழ் கொண்டுவந்து, அவற்றை மீளக் கட்டியெழுப்பி, முன்னர் அங்கு இயங்கிய அமெரிக்க எண்ணெய்க் கம்பெணிகள் கடந்த இரு வெனிசுவேலா நிர்வாகங்களினால் மூடப்பட்டபோது ஏற்பட்ட இழப்புகளுக்கான நட்டவீட்டை வளங்கப்போவதாகவும், பின்னர் எண்ணெயினை அகழ்ந்தெடுத்து, சுத்திகரித்து , ஏற்றுமதி செய்வதன் மூலம் பெறப்படும் பணத்தை இக்கம்பெணிகள் எடுக்கும் என்றும், வெனிசுவேலா நாட்டினை அபிவிருத்தி செய்யவும் இந்நிதி பயன்படும் என்றும் வெளிப்படையாகக் கூறியிருக்கிறார். ஆக, மடூரோ தேர்தலில் மக்களால் தோற்கடிக்கப்பட்டதோ அல்லது அமெரிக்காவினுள் போதைவஸ்த்தை கொண்டு வருவதைத் தடுக்க ஆவண செய்யாமலிருப்பதோ அவர் கைதுசெய்யப்பட்டு இழுத்துவரப்படுவதற்குக் காரணமில்லை. ட்ரம்ப்பிற்கும் புட்டினுக்கும் இடையே உள்ள ஒற்றுமை என்னவென்றால், ட்ரம்ப் வெனிசுவெலாவின் எண்ணெய் வளத்தை பலாத்காரமாகத் திருடப்போகிறார், புட்டின் உக்ரேனை ஆக்கிரமித்து வருகிறார்.

வங்கதேசம் விளையாடும் குழுவில் பெரிய நாடுகள் இங்கிலாந்து,மேற்கிந்தியா தீவுகள் ஆகியவை சூப்பர் 8 க்கு செல்ல அதிக வாய்ப்புகள் இருக்கின்றன. இங்கிலாந்துக்கு பதிலாக வங்காள தேசம் சுப்பர் 8 க்கு சென்றால் ஏற்கனவே தயாரிக்கபட்ட போட்டிகளின் அடிப்படையில் இலங்கையில் வங்காள தேசம் விளையாடும். ஆனால் மேற்கிந்தியா தீவுக்கு பதிலாக வங்காளதேசம் சூப்பர் 8 க்கு சென்றால் இந்தியாவில் வங்காளதேசம் விளையாடும்படி போட்டிகள் அமைக்கப்பட்டு இருக்கிறது. இப்போட்டிகள் இலங்கைக்கு மாற்றும் படி வங்காளதேசம் கேட்கும்