18.11.2007

விடுதலை கோரி தமிழ்க்கைதிகள் சிறைகளில் உண்ணாவிரதம்.

மட்டக்களப்பு மற்றும் வெலிக்கடைச்சிறைச்சாலைகளில் தடுத்து வைக்கப்பட்டுள்ள தமிழ்அரசியல் கைதிகள் தமது விடுதலையை வலியுறுத்தி உண்ணாநிலைப் போராட்டத்தில் குதித்துள்ளனர். மட்டக்களப்பு சிறைச்சாலையில் தடுத்துவைக்கப்பட்டுள்ள 38 தமிழ் அரசியல் கைதிகள் இந்த உண்ணா நிலைப்போராட்டத்தில் ஈடுபட்டனர்.

இவர்களில் 29பேர் சிறைச்சாலையின் கூரைமேல் ஏறி போராட்டத்தில் ஈடுபட்டு வருகின்றனர். தம்மால் முன்வைக்கப்பட்டுள்ள பிணை மனுக்கள் நிராகரிக்கப்பட்டுள்ள நிலையில் தாம் வருடக்கணக்காக சிறைவைக்கப்பட்டுள்ளதாகவும் தம் மீது திணிக்கப்பட்ட குற்றச்சாட்டுக்களை விசாரித்து விடுதலை செய்யுமாறும் கோரியே உண்ணாநிலைப் போராட்டத்தில் ஈடுபட்டுள்ளதாகக் கைதிகள் தெரிவித்துள்ளனர். ஆணைக்குழு ஆகியவற்றின் பிரதிநிதிகள், தமிழ்த் தேசியக்கூட்டமைப்பினர், பாராளுமன்ற உறுப்பினர்கள், நீதிபதிகள், அரச அதிபர்கள் உள்ளிட்டோர் சிறைச்சாலைக்கு வந்து தமது பிரச்சினைகளை அறிந்து விடுதலைக்கு நடவடிக்கை எடுக்கவேண்டும் என்றும் அதுவரையில் உண்ணாநிலைப்போராட்டத்தை கைவிடப் போவதில்லை என்றும் கைதிகள் தெரிவித்துள்ளனர்.

இதேபோல் வெலிக்கடைச் சிறைச்சாலையில் தடுத்துவைக்கப்பட்டுள்ள தமிழ் அரசியல் கைதிகளும் போராட்டத்தில் குதித்துள்ளனர். இவர்கள் கடந்த மாதம் 10ஆம் திகதி முதல் உண்ணாநிலைப் போராட்டத்தில் ஈடுபட்டத்தில் ஈடுபட்டு வந்தவேளை ஐ.நா.சபையின் மனிதஉரிமைகள் ஆணையாளர் லூயிஸ் ஆர்பர் சிறைச்சாலைக்குச் சென்று ஒருமாதத்திற்குள் விடுதலைக்கு நடவடிக்கை எடுப்பதாகவும் விடுதலை தொடர்பாக குழு ஒன்றை நியமித்து விசாரணைகளை மேற்கொள்வதாகவும் உறுதியளித்தபின்னர் போராட்டம் கைவிடப்பட்டிருந்தது. இந்த நிலையில் லூயிஸ் ஆர்பரின் வாக்குறுதிகள் இதுவரை நிறைவேற்றப்படாத நிலையில்கைதிகள் மீண்டும் போராட்டத்தில் குதித்துள்ளனர். .

http://www.sankathi.com/

மட்டக்களப்பு சிறைச்சாலையின் கூரை மீது ஏறியிருந்து உண்ணாநிலைப் போராட்டத்தில் ஈடுபட்டு வரும் தமிழ் அரசியல் கைதிகளின் போராட்டம் நேற்று ஞாயிற்றுக்கிழமை இரண்டாவது நாளாகவும் தொடர்ந்து நடைபெற்றது.

தொடர்ந்து வாசிக்க

மட்டக்களப்பில் நேற்று முன்தினம் சனிக்கிழமை முதல் தமிழ் அரசியல் கைதிகள் 28 பேர் மேற்கொண்டு வந்த உண்ணாநிலைப் போராட்டம் நேற்றிரவு முடிவுக்கு வந்தது.

தொடர்ந்து வாசிக்க