இனப்படுகொலையாளி இராஜபக்சவின் இந்தியப் பயணத்திற்கெதிராக இலண்டனில் கவனயீர்ப்பு போராட்டம்

செப் 20, 2012

மானிட தர்மத்திற்கு முற்றிலும் மாறாக தமிழ்த்தேசிய இனத்தை இனவழிப்பு மூலம் இலங்கைத் தீவிலிருந்து முற்றாக துடைத்தெடுக்க முயன்று கொண்டிருக்கும் இனப்படுகொலையாளி இராஜபக்சவின் இந்திய பயணத்திற்கெதிராக எமது தமிழ் நாட்டு உறவுகள் பலவகையான போராட்டங்களை இந்தியாவின் பலபாகங்களிலிலும் நடாத்தி வருகின்றனர்.

இனப்படுகொலையாளி மகிந்த இராஜபக்சவிற்கு செங்கம்பள வரவேற்பளிக்க முன்வந்த இந்திய அரசின் தான்தோன்றித்தனமான செயலுக்கு கடும் கண்டனத்தை தெரிவிக்கவும் இனப்படுகொலையாளியின் வருகையை தடுத்த நிறுத்த அனைவரையும் அணிதிரளுமாறு கோரியும் எமது தமிழக உடன் பிறப்பு ஈகத் தமிழன் விஜயராஜ் தனக்குள் எரியும் நெருப்பை தன்தேகத்தின் மீதே கொட்டி ஈகச் சாவை அணைத்துக் கொண்டுள்ளார்.

எம் தாய்த் தமிழக உறவுகளின் அர்ப்பணிப்பிற்கும் அவர்களின் அயராது போராட்டத்திற்கு வலுச்சேர்க்குமுகமாகவும் இலண்டனில் இந்திய தூதுவலாயகத்திற்கு முன்னால் கண்டன கவனயீர்ப்புப் போராட்டம் ஒன்று ஒழுங்கு செய்யப்பட்டுள்ளது.

இடம்:

இந்திய தூதரகம்

India House, Aldwych, London, WC2B 4NA.

Nearest Tube: Temple or Holborn

காலம்:

21.09.2012 மாலை 3.00 மணி தொடக்கம் 6.00 மணி வரை

அனைத்து மக்களையும் கலந்து கொண்டு எமது தாய்த் தமிழக உறவுகளின் போராட்டத்திற்கு வலுச்சேர்க்குமாறு அன்புடன் வேண்டுகின்றோம்.

நன்றி

தமிழர் ஒருங்கிணைப்புக் குழு – பிரித்தானியா

TCC-UK info@tcc-uk.com

http://www.sankathi24.com/