எந்த ஒரு நாட்டுக்கும் எங்களது ஆயுதங்களை கீழே போடச் சொல்ல உரிமை கிடையாது: சி.புலித்தேவன்

எந்த ஒரு நாட்டுக்கும் எங்களது ஆயுதங்களை கையளிக்கச் சொல்லவோ கீழே போடச் சொல்லவோ உரிமை கிடையாது என்று தமிழீழ விடுதலைப் புலிகளின் சமாதான செயலகப் பணிப்பாளர் சி.புலித்தேவன் கூறியுள்ளார்.

ஐரோப்பிய ஒன்றியத் தடை குறித்து தமிழீழத் தேசியத் தொலைக்காட்சியில் நேற்று ஞாயிற்றுக்கிழமை (21.05.06) ஒளிபரப்பாகிய நிலவரம் நிகழ்ச்சியில் சி. புலித்தேவன் கூறியதாவது:

ஒரு விடுதலைப் போராட்டம் உச்சத்தை நோக்கிச் செல்லும்போது சர்வதேச சமூகம் மற்றும் பிராந்திய வல்லரசுகளால் அந்த விடுதலைப் போராட்டங்களுக்கு அழுத்தங்கள் கொடுக்கும்.

விடுதலைப் போராட்டங்கள் மீதும் அதை நடத்துகிற தலைமைகள் மீதும் இப்படியான அழுத்தங்களை காலத்துக்கு காலம் செலுத்துவது வழமையானது.

பொருளாதாரத்தில் படுவீழ்ச்சி, அகதிகளை உருவாக்குதல் போன்ற காரணிகளைக் கொண்ட தோல்வியடைந்த நாடுகளை அமெரிக்காவின் இரு அமைப்புகள் வகைப்படுத்தியுள்ளன. அதில் முதலாவது இடம் சூடானுக்குக் கொடுக்கப்பட்டிருக்கிறது. அந்தப் பட்டியலில் றுவாண்டாவுக்கும் லிபியாவுக்கும் இடையில் வருகிறது.

தோல்வியடைந்த நாடுகளை நாங்கள் கவனிக்காமல் விட்டுவிட்டால் அது எங்களைத் திருப்பிக் கடிக்கும் என்று கடந்த பெப்ரவரி மாதம் அமெரிக்காவின் வெளிவிவகாரச் செயலாளர் கொண்டலீசா றைஸ் ஒரு கருத்தை தெரிவித்திருந்தார். கொபி அனானும் தெரிவித்திருக்கிறார்.

இந்த நாடுகளை மீட்டெடுத்தால்தான் அந்த நாடுகளின் பூகோள கேந்திர மற்றும் பிராந்திய நலன்களைப் பாதுகாக்க முடியும் என்பதால் விடுதலைப் போராட்டங்கள் மீது தடைகளை விதித்து பேச்சுக்களில் கொண்டு போய் சேர்த்து உப்புசப்பற்ற அரைகுறைத் தீர்வை திணிப்பார்கள்.

ஆனால் எங்களுக்கு தமிழ் மக்களுக்கு ஒரு சரியான தலைமைப்பீடமாக எங்கள் தலைவர் இருக்கின்றார். எங்களது எதிர்காலம் எப்படியானதாக இருக்க வேண்டும் என்பதை தமிழ் மக்களும் தமிழீழ விடுதலைப் புலிகளும்தான் தீர்மானிப்பார்கள். ஐரோப்பிய ஒன்றியம், கனடா போன்ற நாடுகள் தடைகளை விதிப்பதன் மூலமோ அழுத்தங்களைச் செலுத்துவதன் மூலமோ எந்தவிதமான தீர்வையும் எங்கள் மீது திணித்துவிட முடியாது என்பதைக் கூற விரும்புகிறோம்.

நாங்க ஏந்தியிருக்கும் ஆயுதங்கள் எங்கள் மக்களால் எங்களுக்கு கையளிக்கப்பட்டவை. எங்கள் தமிழ் மக்களின் பாதுகாப்பு, சுதந்திரம்- விடுதலை- இலட்சியத்தை உறுதிப்படுத்திய பின்பு எங்கள் ஆயுதங்களை தமிழ் மக்களினது அரச கட்டமைப்புகளான தேசிய இராணுவம் மற்றும் கடற்படை ஆகியவற்றுக்கு மாற்ற முடியும். அதுவரையில் தமிழ் மக்களின் பாதுகாப்பு அரணாக உள்ள தமிழீழ விடுதலைப் புலிகள்தான் வைத்திருப்பார்கள்.

எந்த ஒரு நாட்டுக்கும் எங்களது ஆயுதங்களை கையளிக்கச் சொல்லவோ கீழே போடச் சொல்லவோ உரிமை கிடையாது. ஆயுதங்களைக் கீழே போடச் சொல்லுகின்ற நாடுகள் எதுவும் எங்களுக்கு ஆயுதங்களைத் தரவில்லை. தமிழீழ விடுதலைப் புலிகளின் பல்வேறு இராணுவத் தாக்குதல்களாலும் எங்களது சொந்த முயற்சிகளாலும் கொண்டுவரப்பட்ட ஆயுதங்களே இவை. இந்த ஆயுதங்களே தமிழ் மக்களின் பாதுகாப்பு அரண்கள்.

பாலஸ்தீன விடுதலைப் போராட்டத்துக்கும் இத்தகைய அழுத்தங்களைச் செலுத்தி யாசீர் அராபத்தை அமெரிக்காவுக்கு அழைத்துக் கொண்டு போய் இஸ்ரேலுடன் கைகுலுக்க வைத்தனர். ஒரு அரைகுறைத் தீர்வை ஏற்றுக்கொள்ளுங்கள்- எல்லாமும் நாங்கள் செய்கிறோம்- ஆயுதங்களை கையளியுங்கள் என்று கூறியது. அதை அராபத்தும் நம்பி ஏற்றுக்கொண்டார். ஆனால் இஸ்ரேல் இன்று என்ன செய்து கொண்டிருக்கிறது?

பாலஸ்தீன மக்கள் மீது விமானத் தாக்குதல்களை நடத்துகிறது- புல்டோசர்களால் பாலஸ்தீன மக்களின் வீடுகளை இடித்துத் தள்ளுகிறது. இதைக் கேட்க ஒருவரும் இல்லை.

பாலஸ்தீனத்தில் ஹமாஸ் என்ற ஒரு இயக்கம் இல்லாது போயிருந்தால் முழு பாலஸ்தீன மக்களையுமே இஸ்ரேல் அழித்தொழித்திருக்கும். ஹமாஸ் என்ற இயக்கம் உருவாகி அந்த மக்களுக்காகப் போராடுகிறபடியால்- சர்வதேசங்களின் அழுத்தங்களுக்கு அடிபணியாமல் தங்களது ஆயுதங்களை தாங்களே பாதுகாத்ததால்தான் இன்று பாலஸ்தீன மக்களின் பாதுகாப்பு உறுதிப்படுத்தப்பட்டிருக்கி

±ó¾ ´Õ ¿¡ðÎìÌõ ¬Ô¾ò¨¾ §À¡¼î¦º¡øÄ ¯Ã¢¨Á¢ø¨Ä ²¦ÉýÈ¡ø ±ó¾ ´Õ ¿¡Îõ ±ÁìÌ ¬Ô¾í¸¨Ç ¾óÐ ¯¾ÅÅ¢ø¨Ä. ¬É¡ø þÄí¨¸ «ÃÍìÌ ÁðÎõ «ó¾ ¯Ã¢¨ÁÔûÇÐ ²¦ÉÉ¢ø ÒÄ¢¸û ¨Åò¾¢ÕìÌõ ¬Ô¾í¸Ç¢ø ¦ÀÕõÀ¡Ä¡É¨Å þÄí¨¸ «Ãº¢¼Á¢ÕóÐ ¦ÀÈôÀð¼¨Å¾¡§É........!