பூந்தி லட்டு

[Thulasi_ca]

பூந்தி லட்டு

தேவையான பொருட்கள்

கடலைமா : 1 சுண்டு

வறுத்த அரிசிமா: 1 மேசைக்கரண்டி

அப்பச்சோடா: சிறிது துளி 2

நெய்/தேங்காயெண்ணை: 1/2 போத்தல்

உப்புநீர்: 2 மே. கரண்டி

சீனி: 1 1/2 சுண்டு

கேசரிப்பவுடர்: சிறிது 2 துளி

ஏலப்பொடி : 1 தே.கரண்டி

சாதிக்காய்த்தூள்: சிறிது துளி 2

பச்சைக்கற்பூரம்: ஒரு துளி

தண்ணீர்: 1 தம்ளர்

சிறு கற்கண்டுத்தூள்: 2 மே,கரண்டி

சீனி : சிறிதளவு

செய்முறை

-கடலைப்பருப்பைக் கழுவிக்காயவைத்துத் திரித்து எடுத்த ஒரு சுண்டு கடலைமாவுடன் அப்பச்சோடா, ஒரு மே. கரண்டி அரிசிமா என்பவற்றைச் சேர்த்துக்கலந்து அரித்துப் பாத்திரத்தில் இட்டுக்கொண்டு, உப்புநீர் விட்டு அளவிற்குத் தண்ணீரும் சேர்த்துத் தோசைமாப் பதத்திற்கு கரைத்து இரு மணிநேரம் வைத்துக்கொள்க.

-பின்பு தாச்சியில் சீனியைப்போட்டு ஒரு தம்ளர் தண்ணீர் விட்டு அடுப்பில் வைத்துக்காய்ச்சும் போது முதலில் சீனி முழுவதும் கரைந்து, வெளுவெளுப்பான நுரைப்பதம் தோன்றிப்பாகு பொங்கிக் கொதித்து கையில் ஒட்டும் பதத்தை அடைந்ததும் இறக்கி கேசரிப்பவுடர் கலந்து வைத்துக்கொள்க.

-பின்பு எண்ணெயைக் காயவைத்துக் காய்ந்த பின்பு எண்ணெயின் மேல் பூந்தி சட்டுவத்தை அல்லது கண் அகப்பையைப் பிடித்து கொண்டு அகப்பையில் கரைத்து வைத்துள்ள மாவைக் கரண்டியாலள்ளி விட்டு தட்டும்போது மாக்கரைசல் முத்து முத்துப்போன்று எண்ணெயில் விழுந்து கொள்ளும் இதை மெல்லிய பொன்னிறமாக இருக்கும்போதே அள்ளிக் காய்ச்சி வைத்துள்ள பாகினுள்போடுதல் வேண்டும். இவ்வாறே முழுவதையும் பொரித்துபோடும்போது, அடிக்கடி கரண்டியால்க் கிளறிக் கொள்ளவேண்டும் .

முழுவதையும் பொரிதுப்போட்டுச் சேர்த்து 2 மணிநேரம் வைத்துக்கொண்ட பின்பு அதனுள் பச்சைக்கற்பூரம், கற்கண்டுத்தூள், ஏலபொடி, சாதிக்காய்த்தூள் என்பவற்றைச் சேர்த்து சிறு சிறு உருண்டைகளாகப் பிடித்து பரிமாறலாம்.

[Rasikai]

செய்முறைக்கு நன்றி துளசி