தமிழீழ அரசியல்துறைப் பொறுப்பாளர் சு.ப.தமிழ்ச்செல்வன் அவர்களை போர் நிறுத்தக் கண்காணிப்புக்குழுவின் தலைவர் உல்ப் ஹென்றிசன் கிளிநொச்சியில் இன்று(01.06.2006) சந்தித்து கலந்துரையாடினார்.

தமிழீழ அரசியல்துறை நடுவப்பணியகத்தில் முற்பகல் 10.30 தொடக்கம் 11.30 வரை இச் சந்திப்பு இடம்பெற்றது.

சந்திப்பின் நிறைவில் தமிழீழ அரசியல்துறைப் பொறுப்பாளர் ஊடகவியலாளர்களுக்கு வழங்கிய நேர்காணால் பின்வருமாறு,

கேள்வி:- இந்த சந்திப்பு தொடர்பாக?

பதில்:- கண்காணிப்புக்குழு தலைவர் கடந்த மூன்று தினங்களாக இங்கு தங்கியிருந்து நிலைமைகளை பார்வையிட்டார். எமது தளபதிகள், மக்களை சந்தித்து பேசியிருக்கின்றார். இன்று அவர் எம்மை சந்தித்தார். யுத்தநிறுத்த உடன்படிக்கை தொடர்பாகவும் கண்காணிப்புக் குழுவின் எதிர்கால நடவடிக்கைகள் தொடர்பாகவும் இன்று பேசியிருக்கின்றோம்.

ஐரோப்பிய ஒன்றிய தடை வந்ததன் பின்னர் சமாதான முன்னனெடுப்புக்கள், கண்காணிப்புக்குழுவின் செயற்பாடுகள் தொடர்பாக எடுக்கவேண்டிய தீர்மானங்கள் தொடர்பாக இன்னும் ஓரிரு தினங்களில் தலைமைப்பீடம் தீவிரமாக பரிசீலிக்க இருக்கின்றது. அதன்பின்பு கண்காணிப்புக் குழுவினரோடும் அனுசரணையாளர்களோடும் தொடர்பு கொள்வோம் என்று அவர்களிடம் கூறியிருக்கின்றோம்.

கேள்வி:- நோர்வேக்கு செல்லவிருக்கின்றீர்களா?

பதில்:- நோர்வே யுத்த நிறுத்த உடன்படிக்ககை தொடர்பாகவும் கண்காணிப்புக் குழுவின் செயற்பாடுகள், நடவடிக்கைகள் தொடர்பாகவும் பேசுவதற்கு அழைத்திருக்கின்றது. இவ்வழைப்பை எமது தலைமைப்பீடம் சாதகமாக பரிசீலிக்கின்றது. ஐரோப்பிய ஒன்றியத்தின் தடைக்கு பின்னர் எமது தலைமைப்பீடம் எவ்வாறான நிலைப்பாடுகளை எடுக்கவிருக்கின்றது, எடுத்திருக்கின்றது என்பதை எடுத்துச் செல்வதாகவே இந்த ஒஸ்லோ பயணம் அமையவுள்ளது.

கேள்வி: ஒஸ்லோவில் நடைபெறவுள்ள சந்திப்புக்கு நோர்வே இலங்கை அரசாங்கத்தையும் அழைத்திருக்கின்றது. எனவே, இச்சந்திப்பானது இருதரப்பையும் ஒன்றாக சந்தித்து பேசவுள்ளதா அல்லது தனித்தனியாக பேசவுள்ளதா?

பதில்: இது பேச்சுவார்த்தை அல்ல. இருதரப்பும் சந்தித்து பேசுவதற்கு ஒஸ்லோவுக்கு செல்லவில்லை. போர் நிறுத்த ஒப்பந்தத்தில் இரு தரப்பு என்ற வகையில் இருதரப்பையும் நோர்வே அரசு அழைத்திருக்கின்றது. கண்காணிப்புக்குழுவில் அங்கம் வகிக்கும் நாடுகளின் பிரதிநிதிகளோடு பேசுவதற்கும், முக்கியமாக அனுசரணையாளர்கள் என்ற ரீதியில் ஐரோப்பிய ஒன்றிய தடைக்கு பின்னால் எழுந்திருக்கின்ற நெருக்கடியான நிலைமைகள் தொடர்பாக இனி முன்னெடுக்கப்பட்ட வேண்டிய நடவடிக்கைகள் தொடர்பாக எமது தலைமைப்பீடத்தின் தீர்க்கமான சில நிலைப்பாடுகளையும் நோர்வே அனுசரணையாளர்களுக்கும் கண்காணிப்புக்குழுவில் அங்கம் வகிக்கும் நாடுகளுக்கும் தெளிவுபடுத்த வேண்டிய தேவை எமக்குள்ளது. அந்த அடிப்படையில் தான் எமது தலைமைப்பீடம் இதை சாதகமாக பரிசீலிக்கின்றது.

கேள்வி: கண்காணிப்புக்குழுவில் ஐரோப்பிய ஒன்றிய நாடுகளின் உறுப்பினர்களும் உள்ளனர். ஐரோப்பிய ஒன்றிய தடை இவ்வுறுப்பினர்களின் செயற்பாடுகளுக்கு பாதிப்பை ஏற்படுத்துமா?

பதில்: நிச்சயமாக அது பாதிப்பை ஏற்படுத்தும். அதனால், எமது தலைமைப்பீடம் ஓரிரு தினங்களில் கூடி இது பற்றி பரிசீலிக்கவிருக்கின்றது. அமைதி முயற்சிகளிலோ சமாதான முன்னெடுப்புக்களிலோ இருதரப்பும் சமத்துவமாக சமதரப்பு என்ற நிலையில் பார்க்கபடுவது அவசியம். அத்தகைய நிலைப்பாடுள்ளவர்களோடு தான் சமாதான முயற்சி பற்றியோ அமைதி முயற்சி பற்றியோ பேசலாம். பக்கச்சார்பான நிலையில் இருதரப்பையும் கையாள, தலையீடு செய்ய, பங்காற்ற முற்படுவதை மக்களாலும் எமது தலைமைப்பீடத்தாலும் ஏற்றுக்கொள்ள முடியாது.

கேள்வி:- தூதுக்குழுவில் யார் யார் செல்கின்றீர்கள்?

பதில்: இதுவரை தலைமைப்பீடம் முடிவெடுக்கவில்லை. ஒஸ்லோவுக்கு செல்வதாக இருந்தாலும் ஒஸ்லோவில் என்ன விடயம் பேசப்படவிருக்கின்றது என்பதை எமது தலைமைப்பீடம் ஓரிரு நாள்களில் கூடி முக்கியமான முடிவுகளை எடுத்து அம்முடிவுகளை எடுத்துச்செல்வதாகவே ஒஸ்லோ பயணம் அமையும்.

கேள்வி:- தற்போதைய நெருக்கடி நிலையில் தங்களது போக்குவரத்து ஒழுங்குகள் எந்தளவுக்கு பாதுகாப்பு உத்தரவாதம் கொண்டதாக இருக்கும்?

பதில்: புறப்படுவதாக இருந்தால் முழுமையாக பாதுகாப்பு, போக்குவரத்து ஒழுங்குகள் அனைத்துக்குமே நோர்வே அனுசரணையாளர்கள் பொறுப்பேற்க வேண்டும் என்று ஏற்கனவே கூறியிருக்கின்றோம். அதை மீண்டும் நாம் உறுதிப்படுத்திய பின்னர் தான் பயணம் அமையும்.

கேள்வி: நோர்வே பயணத்துக்கு தென்தமிழீழத்தில் இருந்து தளபதிகள் வன்னிக்கு வருதல் என்ற விடயமும் அடங்குமா?

பதில்: ஒஸ்லோவுக்கு பேச்சுவார்த்தைக்காக நாங்கள் செல்லவில்லை. தலைமைப்பீடம் முக்கியமான கட்டத்தில் முக்கியமான தீர்மானத்தை எடுத்தது நோர்வே அனுசரணையாளர்களுக்கு தெரிவிப்பதற்கான பயணமே தவிர, சமாதான பேச்சுக்களை முன்னெடுப்பதற்கான பயணம் இல்லை என்பதால் நாம் அதை வலியுறுத்தவில்லை, அதை எதிர்பார்க்கவில்லை. இருப்பினும் எமது தளபதிகள் போராளிகளின் பயணம் தொடர்பாக கண்காணிப்புக்குழுவின் தலைவர் சாதகமான முடிவெடுத்திருக்கதாகவும் அதற்கான ஒழுங்குகளை மேற்கொள்ள முயன்றுகொண்டிருப்பதாகவும் கூறியிருக்கின்றார்.

கேள்வி: ஐரோப்பிய ஒன்றியமும் இணைத்தலைமை நாடுகளும் சிறிலங்கா அரசு மீது அழுத்தம் கொடுத்த வெளியான செய்தி உண்மையானதா அல்லது வெறுமனே அறிக்கை மயப்பட்டது என்று நினைக்கின்றீகளா?

பதில்: அவர்களால் சிறிலங்கா அரசு பற்றியும் சமாதான விரோதப்போக்குகள் பற்றியும் சொல்லப்பட்ட விடயங்கள் உண்மைக்கு மாறானவை அல்ல. ஏற்றுக்கொள்ளப்பட வேண்டியவை தான். இருந்தாலும் அரசின் பயங்கரவாதத்தை எப்படி தடுக்கலாம்? பயங்கரவாத அரசை எவ்வாறு கையாளலாம் என்பது பற்றி சர்வதேச சமூகம் ஒரு தீர்க்கமான முடிவை எடுக்க வேண்டிய நிலையாக தான் அவர்களின் அறிக்கையின் வெளிப்பாடு இருக்கின்றது.

ஏனெனில், அதில் கூறப்பட்ட பெரும்பாலான விடயங்கள் அரச பயங்கரவாதத்ததல் கட்டவிழ்த்துவிடப்பட்ட மோசமான நடவடிக்கைகள் பற்றி அவர்கள் எடுத்தக்கூறியிருக்கின்றார்

இணைப்பிற்கு நன்றி மோகனண்ணா