ஜோசப் பரராஜசிங்கம் கொலையாளிகள் யார்?: சிறிலங்காவுக்கு சர்வதேச நாடுகளின் நாடாளுமன்றக் கூட்டமைப்பு கேள்வி

தமிழ்த் தேசியக் கூட்டமைப்பின் நாடாளுமன்ற உறுப்பினர் ஜோசப் பரராஜசிங்கம் படுகொலை செய்யப்பட்டு பல மாதங்களான நிலையிலும் கொலையாளிகளை ஏன் கண்டுபிடிக்கவில்லை என்று சிறிலங்கா அரசாங்கத்துக்கு சர்வதேச நாடுகளின் நாடாளுமன்றக் கூட்டமைப்பு கேள்வி எழுப்பியுள்ளது.

உலகில் உள்ள நாடுகளின் நாடாளுமன்ற உறுப்பினர்களின் பிரதிநிதித்துவத்தை கொண்டு ஜெனீவாவில் இயங்கும் சர்வதேச நாடுகளின் நாடாளுமன்றக் கூட்டமைப்பு பரராஜசிங்கத்தின் படுகொலையை தமது 178 ஆவது கூட்டத் தொடரில் வன்மையாக கண்டித்துள்ளது.

இக்கண்டனத் தீர்மானம் பற்றிய அறிக்கையை சிறிலங்காவின் அரச தலைவர் மகிந்த ராஜபக்சவுக்கு சர்வதேச நாடுகளின் நாடாளுமன்ற கூட்டமைப்பின் செயலாளர் நாயகம் உடனே அனுப்பி வைத்துள்ளார்.

இப்படுகொலை தொடர்பான விடயங்களை உடனடியாக கவனத்தில் எடுத்து விசாரணையை மேற்கொள்ளுமாறு வேண்டுகோள் விடுக்கப்பட்டுள்ளது.

கண்டன அறிக்கையில் கூறப்பட்டுள்ளதாவது:

நாடாளுமன்ற உறுப்பினர் ஜோசப் பரராஜசிங்கத்தின் படுகொலையானது அதி உயர் பாதுகாப்பு வலயத்தில் சிறிலங்காவின் பாதுகாப்புப் படையினர் புடைசூழ இருந்தபோது 300 பேர் முன்னிலையில் நிகழ்ந்துள்ளது.

இச்சூழ்நிலையில் படுகொலையை நடத்திய கொலையாளி எதுவித தடையும் இன்றி தப்பி சென்றுள்ளது எமக்கு மிக அதிர்ச்சியைத் தருகிறது.

மேலும் படுகொலை நடந்து பல மாதங்களாகியும் பரராஜசிங்கத்தின் படுகொலையை ஒழுங்கான முறையில் விசாரித்து கொலையாளிகளைக் கண்டு பிடிக்காதது சிறிலங்காவில் "அரசு மன்னிப்புடன்" கொலைகள் நடைபெறுகின்றது என்ற நீண்ட நாள் குற்றச்சாட்டை தெளிவாக்குவது போல் உள்ளது என்று அந்த அறிக்கையில் கூறப்பட்டுள்ளது.

-புதினம்

ஜோசப் கொலையாளிகளை பிடிக்காதது குறித்து சர்வதேச பாராளுமன்றக் கூட்டமைப்பு கேள்வி

தமிழ்த் தேசியக் கூட்டமைப்பின் பாராளுமன்ற உறுப்பினர் ஜோசப் பரராஜசிங்கம் படுகொலை செய்யப்பட்டு பல மாதங்களான நிலையிலும் கொலையாளிகளை ஏன் கண்டுபிடிக்கவில்லை என்று இலங்கை அரசாங்கத்திடம் சர்வதேச நாடுகளின் பாராளுமன்றக் கூட்டமைப்பு கேள்வி எழுப்பியுள்ளது.

உலகில் உள்ள நாடுகளின் பாராளுமன்ற உறுப்பினர்களின் பிரதிநிதித்துவத்தைக் கொண்டு ஜெனீவாவில் இயங்கும் சர்வதேச நாடுகளின் பாராளுமன்றக் கூட்டமைப்பு ஜோசப் பரராஜசிங்கத்தின் படுகொலையை தமது 178 ஆவது கூட்டத்தொடரில் வன்மையாகக் கண்டித்துள்ளது.

இக்கண்டனத் தீர்மானம் பற்றிய அறிக்கையை ஜனாதிபதி மகிந்த ராஜபக்ஷவுக்கு சர்வதேச நாடுகளின் பாராளுமன்ற கூட்டமைப்பின் செயலாளர் நாயகம் அனுப்பிவைத்துள்ளார்.

இப்படுகொலை தொடர்பான விடயங்களை உடனடியாக கவனத்தில் எடுத்து விசாரணையை மேற்கொள்ளுமாறு வேண்டுகோள் விடுக்கப்பட்டுள்ளது.

இது தொடர்பான கண்டன அறிக்கையில் கூறப்பட்டுள்ளதாவது;

ஜோசப் பரராஜசிங்கத்தின் படுகொலையானது அதியுயர் பாதுகாப்பு வலயத்தில் படையினர் புடைசூழ இருந்தபோது 300 பேர் முன்னிலையில் நிகழ்ந்துள்ளது.

இச்சூழ்நிலையில் படுகொலையை நடத்திய கொலையாளி எதுவித தடையும் இன்றித் தப்பிச் சென்றுள்ளது எமக்கு மிக அதிர்ச்சியைத் தருகின்றது.

மேலும், படுகொலை நடந்து பல மாதங்களாகியும் பரராஜசிங்கத்தின் படுகொலையை ஒழுங்கான முறையில் விசாரித்து கொலையாளிகளைக் கண்டுபிடிக்காதது இலங்கையில் `அரசு மன்னிப்புடன்' கொலைகள் நடபெறுகின்றன என்ற நீண்ட நாள் குற்றச்சாட்டை தெளிவாக்குவது போல் உள்ளது என்று தெரிவிக்கப்பட்டுள்ளது.

-தினக்குரல்

கொலையாளி யார் என்று தெரியாட்டிதானே கண்டுபிடிக்க வேணும்

கொலை செய்தது யார் என்பதுதான் இலங்கை அரசுக்கு நன்கு தெரியுமே