ஷிராணியின் இடத்துக்கு மொஹான் பீரிஸா? சீறுகிறார் சரத் என். சில்வாரி

பிரதம நீதியரசர் பதவி யிலிருந்து ஷிராணி பண்டாரநாயக்கவை அகற்றும் விடயத்தில் அரசியல் இருக்கவில்லை என்று கருதியதால்தான் நாங்கள் அதற்கு ஆதரவாகக் குரல் கொடுத்தோம்.

பிரதம நீதியரசராக மொஹான் பீரிஸை நியமிக்க அரசு தீர்மானித்திருப்பதால் நாங்கள் தவறான விடயத்துக் காகக்குரல் கொடுத்துவிட் டோமோ என்றே எண்ணத் தோன்றுகிறது. இப்போது ஏற்பட்டுள்ள நிலைமை இஞ்சி கொடுத்து மிளகு வாங்கிய கதையாகத் தான் இருக்கிறது.

 

இவ்வாறு நேற்று காட்டமாகக் கருத்துத் தெரிவித்தார் முன்னாள் பிரதம நீதியரசர் சரத் என்.சில்வா. மொஹான் பீரிஸை பிரதம நீதியரசராக அமர்த்துவது தொடர்பில் கருத்து வெளியிட்ட அவர் மேலும் கூறியதாவது:

 

ஷிராணி பண்டாரநாயக்கவுக்குப் பின்னர் மொஹான் பீரிஸை அந்த இடத்தில் நியமிக்க முயற்சி எடுக்கப்படுவதை நான் ஆட்சேபிக்கிறேன். அரசின் எந்த பதவிகளுக்கும் சுகபோகங்களுக்கும் ஆசைப்படாமல் ஷிராணிக்கெதிரான குற்றப்பிரேரணை விவகாரத்தில் நான் நடுநிலையாக கருத்துகளைத் தெரிவித்துவந்தேன்.

 

ஷிராணிக்கெதிரான குற்றப்பிரேரணை அரசியல் ரீதியாகக் கொண்டுவரப்பட்டதல்ல. இது நிர்வாக ரீதியான சில பிரச்சினைகளை அடிப்படையாகக் கொண்டுவரப்பட்டதெனக் கூறப்பட்டதால்தான் நான் இந்த விடயத்தில் இறங்கி சில விடயங்களைத் தெளிவுபடுத்தினேன்.

 

ஆனால், இன்று நிலைமையைப் பாருங்கள். எல்லாமே தலைகீழாகப் போய்விட்டது. நான் தவறு செய்துவிட்டேனோ என்று எண்ணத் தோன்றுகிறது.

 

இலங்கை வரலாற்றில் பிரேரணை ஒன்றைக் கொண்டுவந்து பிரதம நீதியரசர் ஒருவரை அகற்றியிருக்கின்றனர். அந்த இடத்துக்கு நியமிக்க தகுதியானவர்கள் எவரும் இல்லையா? உயர்நீதிமன்றத்தின் கனவான்கள் போன்ற நீதியரசர்மார் உள்ளனர்.

 

ஷிராணி திலகவர்த்தன, காமினி அமரதுங்க, மர்சூக், ஸ்ரீபவன், ரத்னாயக்க போன்ற நீதியரசர்மார் எவ்வளவு மேன்மையானவர்கள். அவர்களில் ஒருவரை ஏன் நியமிக்கக்கூடாது? 

 

மொஹான் பீரிஸ் சட்டமா அதிபராகப் பொறுப்பேற்றபோதும் சர்ச்சைகள் எழுந்தன.  சிலர் வழக்குகள் கூட தாக்கல் செய்துள்ளனர்.

 

அவர் எல்லா ஆட்சிக்காலங்களிலும் எல்லா பதவிகளையும் வகித்த ஒருவர்.

 

ஊடகவியலாளர் எக்னெலிகொட காணாமற்போன விடயம் குறித்து அவர் தெரிவித்த சர்ச்சையான கருத்துகள் ஐ.நா. மனித உரிமைகள் ஆணைக்குழு வரை சென்று நாட்டுக்கு அவப்பெயரைத் தேடித்தந்தன.

 

இப்படியான ஒருவரை நியமிக்க எடுத்த முடிவை நான் ஆட்சேபிக்கிறேன். 

இந்தக் குற்றப்பிரேரணை விடயத்தில் நான் தெரிவித்த கருத்துகளைத் தனக்கு சாதகமாகப் பயன்படுத்தி அரசு இலாபம் அடைந்துவிட்டதுபோல் தெரிகிறது.

 

குற்றப்பிரேரணையின் பின்னணியில் அரசியல் இல்லை என்று நம்பிய மக்கள் அது தவறான நம்பிக்கை என்று இப்போது நினைக்கும் நிலைமை ஏற்படும்.

 

ஷிராணிக்குப் பதிலாக மொஹான் பீரிஸ் வருவது இஞ்சி கொடுத்து மிளகாய் வாங்கியது என்ற சிங்கள பழமொழிக்கு ஒத்ததாகவே இருக்கும் என்றும் குறிப்பிட்டார் சரத் என்.சில்வா. 

 

http://onlineuthayan.com/News_More.php?id=609651766715427946#

ஷிராணியின் இடத்துக்கு மொஹான் பீரிஸா? சீறுகிறார் சரத் என். சில்வாரி

பிரதம நீதியரசர் பதவி யிலிருந்து ஷிராணி பண்டாரநாயக்கவை அகற்றும் விடயத்தில் அரசியல் இருக்கவில்லை என்று கருதியதால்தான் நாங்கள் அதற்கு ஆதரவாகக் குரல் கொடுத்தோம்.

பிரதம நீதியரசராக மொஹான் பீரிஸை நியமிக்க அரசு தீர்மானித்திருப்பதால் நாங்கள் தவறான விடயத்துக் காகக்குரல் கொடுத்துவிட் டோமோ என்றே எண்ணத் தோன்றுகிறது. இப்போது ஏற்பட்டுள்ள நிலைமை இஞ்சி கொடுத்து மிளகு வாங்கிய கதையாகத் தான் இருக்கிறது.

முன்னாள் பிரதம நீதியரசருக்கே... நாட்டில் என்ன நடக்கின்றது, என்று தெரியவில்லை.