புதுடில்லி: பிரதமர் மன்மோகன் சிங்கை அடிப்பேன் என்று நான் பேசவில்லை என மேற்கு வங்க முதல்வர் மம்தா பானர்ஜி கூறியுள்ளார். நான் பேசியதை சில ஊடகங்கள் தவறாக அர்த்தப்படுத்தி வெளியிட்டுள்ளன என்று அவர் குறை கூறியுள்ளார்.

உர விலை உயர்வு உட்பட பல்வேறு பிரச்சினைகள் குறித்து பிரதமரை 10 க்கும் மேற்பட்ட முறை சந்தித்து விட்டேன்.
இதற்கு மேல் அவரை நான் அடிப்பேன் என்று மம்தா பேசியதாக திங்கட்கிழமை செய்தி வெளியானது.

இதையடுத்து மம்தா மன்னிப்புக் கேட்க வேண்டுமென்று மத்திய நகர்ப்புற வளர்ச்சித் துறை இணையமைச்சர் தீபா தாஷ்முன்ஷி வலியுறுத்தினார்.
இந்நிலையில் கொல்கத்தாவில் செவ்வாய்க்கிழமை மம்தா விளக்கமளித்தார்.

அப்போது பிரதமரை அடிப்பது என்று நான் பேசவில்லை. ஊடகத்தின் ஒரு பிரிவினர் தங்களின் சுயநலத்துக்காக நான் கூறியதை மாற்றி வெளியிட்டுள்ளனர். பிரதமரை பல முறை சந்தித்தும் பலன் ஏதுமில்லை. இதற்கு மேல் அவரை நான் அடிக்கவா முடியும்? என்றுதான் பேசினேன், ஆனால்,  நான் பிரதமரை தாக்க இருக்கிறேன் என்று சில ஊடகங்கள் செய்தி வெளியிட்டுள்ளன இது தவறானது.

ஊடகங்கள் உண்மையான செய்திகளை வெளியிட வேண்டும். மக்களைத் தவறாக வழிநடத்தும் வகையில் பொய்த் தகவல்களைக் கூறக் கூடாது. ஜனநாயக நாட்டில்  நான் பிரதமரை சந்தித்துப் பேசத்தான் முடியுமே தவிர நடவடிக்கைகள் எடுக்கவில்லை என்பதற்காக அவரை எதுவும் செய்ய முடியாது. இதைத்தான் பிரதமரை அடிக்கவா முடியும் என்று கேள்வியாக எழுப்பினேன். இதில் தவறு ஏதுமில்லை என்று மம்தா விளக்கமளித்துள்ளார்.

 

http://www.thinakkural.com/index.php?option=com_content&view=article&id=1688:2013-01-23-18-17-38&catid=56:india&Itemid=460

இப்படியான கேனையன்களை அடித்தாலும் தப்பில்லை.