தளபதிதான் அடுத்த தலைவர் என முடிவாகி விட்டது - மணிவிழா மனக்கசப்புகள் உடன் - கருணாநிதி.

''மார்ச் 1-ம் தேதி மு.க.ஸ்டாலினுக்கு மணி விழா. பிறந்த நாள் விழா என்றாலே, போஸ்டர்கள், கட்அவுட்டுகள், வாண வேடிக்கைகள், பிரியாணி விருந்துகள் என்று அமர்க்களப்படுத்துவார்கள். மணிவிழா என்றால் கேட்க வேண்டுமா? தூள் கிளப்பத் திட்டமிட்டனர். உஷாரான ஸ்டாலின், 'ஆடம்பரம் இல்லாமல் அடக்கமாய் கொண் டாடுங்கள்’ என்று அறிவித்தார். எனவே, பல இடங்களில் கொண்டாட்டங்கள் அமைதியாக நிகழ்ந்தன.

60-ம் கல்யாணத்துக்கான ஏற்பாடுகள் அடையாறு கேட் ஹோட்டலில் நடக்கின்றன என்று சொல்லி இருந்தேன். வெள்ளிக்கிழமை காலையில் அடையாறு கேட் ஹோட்டல் ஆனந்த கேட்டாக மாறியது. சொந்தங்கள் மட்டுமே பங்கேற்கும் விழாவாக இதை நடத்துவதற்கு ஸ்டாலின் திட்டமிட்டார். அதனால் சில வருத்தங்களும் ஏற்பட்டன!''

 

'' 'மணிவிழா மாலை மாற்றல், தாலிகட்டும் வைபவம் ஆகியவை அடையாறு ஹோட்டலில் நடக்கிறது. அது குடும்பத்தினர் மட்டும் பங் கேற்கும் விழா’ என்று முதலில் அறிவிக்கப்பட்டது. அதனால் கட்சியின் மிக மூத்தவர்கள், ஸ்டாலினை வாழ்த்துவதற்கு ராயப் பேட்டை ஒய்.எம்.சி.ஏ. மைதானத்துக்குப் போனால் போதும் என்று இருந்தனர். கே.என்.நேரு, எம்.ஆர்.கே.பன்னீர் செல்வம் போன்றோர் முந்தைய நாளே ஸ்டாலின் வீட்டுக்குச் சென்று வாழ்த்திவிட்டு வந்துவிட்டனர். ஆனால், அடையாறு கேட் வைபவத்துக்கு கட்சி முக்கியஸ்தர்களில் சிலருக்கு மட்டும் அழைப்பு போயுள்ளது என்று தெரிந்ததும் மூத்த மாவட்டச் செயலாளர்கள் பலருக்கே வருத்தமாம்!''

' 'தளபதி தன்னோட குடும் பத்துக்கு மட்டும் அந்த விழாவை நடத்தியிருந்தா, நாங்க கவலைப்பட மாட்டோம். ஆனால், எங்களைவிட ஜூனியர் மாவட்டச் செயலாளர்களை அழைத்துவிட்டு எங்களைப் போன்ற சீனியர்களை அழைக்காமல் விட்டால் மாவட் டத்திலும் கட்சியிலும் எங்களுக்கு என்ன மரியாதை இருக்கும்?’ என்று மற்ற மாவட்டச் செயலாளர்களிடம் வருத்தப் பட்டார்களாம். 'மொத்தமே 35 மாவட்டச் செயலாளர்கள்தான். எல்லாரையும் அழைத்து ஓரமா உட்கார வச்சிருந்தாக்கூட மரியாதையா இருந்திருக்கும்’ என்பதுதான் ஆதங்கம். 'தளபதிதான் அடுத்த தலைவர் என முடிவாகி விட்டது. அனைத்து மாவட்டச் செயலாளர்களும் பங்கேற்கும் விழாவாக இருந்தால் அனைவரும் ஆசீர்வதிக்கும் மனிதராக இவர் இருக்கிறார் என்பதை உணர்த்தும் விழாவாகவும் அது அமைந்திருக்குமே?’ என்று ஒருவர் சொன்னாராம். இது ஒரு பக்கம்!''
 
''ஆவலாக அனைவரும் எதிர்பார்த்த அழகிரி வரவே இல்லை. சமீபகாலமாக ஸ்டாலின், அழகிரி இருவருக்கும் சரியான பேச்சுவார்த்தை இல்லை. அனைவரையும் வீடு சென்று அழைக்கும் பொறுப்பை மருமகன் சபரீசனுக்கு கொடுத்திருந்தார் ஸ்டாலின். அவரும் அழகிரி குடும்பத்தினரை அழைத்துள்ளார். மனசு சரியாக இல்லை, கால் சரியில்லை என்று அழகிரிகூட ஏதாவது காரணம் சொல்லலாம். ஆனால் அவரது மனைவி காந்தி, மகன் துரை தயாநிதி, சென்னையில் இருக்கும் மகள் கயல்விழி என யாரும் வரவில்லை. டோட்டல் பாய்காட்!''

 
''கனிமொழி அவரது அம்மாவுடன் வந்து வாழ்த்தினார். மற்றவர்கள் படங்களை எல்லாம் கடைசி கலர் பக்கத்துக்குத் தள்ளிய முரசொலிகூட, கனிமொழி, ராஜாத்திக்கு முதல் பக்கத்தை ஒதுக்கும் அளவுக்கு அவர்களுக்கு முக்கியத்துவம் தரப் பட்டுள்ளது!''
 
''காலை 6 மணி முதல் 7.30 வரை முகூர்த்த நேரம் என்று சொல்லி இருந்தனர். கருணாநிதிதான் தாலியை எடுத்துத் தர வேண்டும். 6.30 மணிக்கே அவர் வந்துவிடுவார் என்று எதிர்பார்த்தனர். ஆனால், கருணாநிதி 7.30-க்குத்தான் வந்திருக்கிறார். அதனால், மணிவிழா தம்பதி வெகுநேரம் காத்திருந்தனர். கருணாநிதி 6 மணிக்கே கிளம்பி விட்டார் என்று தகவல் சொல்லப்பட்டது. வந்துவிடுவார், வந்துவிடுவார் என்று எல்லோரும் காத்திருக்க, செயற்கையாக உருவாக்கப்பட்ட காலதாமதம் இது என்றும் சொல்கிறார்கள்!''


நன்றி : விகடன்

http://www.dinaithal.com/index.php?option=com_content&view=article&id=13155:thalapathy-karunanithy&catid=5:business-general&Itemid=101