வணக்கம்,

 

காலத்துக்கு காலம் யாழின் வடிவங்களிலும், பகுதிகளிலும் மாற்றங்களை ஏற்படுத்துவது போன்று இப்பொழுதும்  யாழில் உள்ள பகுதிகளில் (Sections / Categories)  சில மாற்றங்களை ஏற்படுத்தத் தொடங்கியுள்ளோம். சில புதிய பிரிவுகளை ஏற்படுத்துதல், சில புதிய உப பிரிவுகளை உருவாக்குதல், இருக்கும் பகுதிகள் சிலவற்றை ஒன்றாக்குதல் மற்றும் வேறாக்குதல் போன்ற மாற்றங்கள் இவற்றில் அடங்கும். இத்தகையக மாற்றங்கள் தொடர்பான பொது அறிவித்தலுக்காக இந்த திரி பயன்படுத்தப்படும்.

 

இத்தகைய மாற்றங்கள் தொடர்பாக கருத்துகளை வழங்க விரும்புகின்றவர்கள் மற்றும் சந்தேகங்களை கேட்க விரும்புகின்றவர்கள் நாற்சந்தியில் அதற்கான ஒரு பொதுவான திரி திறக்கலாம்.

 

எந்த மாற்றமும் எதிர்பார்க்கப்பட்ட இலக்கினை அடைய முடியாமல் போய்விடின் எம்மால் எதிர்காலத்தில் திருத்தி அமைக்கப்படவோ அல்லது முற்றாக நீக்கப்படவோ முடியும் என்பதை குறிப்பிட விரும்புகின்றோம்.

 

 

புதிய உப பிரிவுகள்:

 

பல உறவுகளின் வேண்டுகோள்களுக்கு ஏற்ப கதை கதையாம் பகுதி இரண்டாக பிரிக்கப்படுகின்றது.

 

1. முற்றத்து மல்லிகை: கள உறுப்பினர்களின் சுய ஆக்கங்கள் (கதைகள், அனுபவப்பதிவுகள், பயணக் கட்டுரைகள் என்பன இவற்றில் இடம்பெறும்.

 

2. தோட்டத்து மல்லிகை: ஏனைய தளங்களில் இருந்து பிரதி செய்யப்படும் பதிவுகள் (யாழ் உறுப்பினர்களாக இல்லாதவர்களின் சிறுகதைகள், நாவல்கள், பயணக் கட்டுரைகள்)

 

கதை கதையாம் பகுதியில் ஏற்கனவே பதியப்பட்டுள்ள முன்னைய பதிவுகள் காலக்கிரமத்தில் இவ் பிரிவுகளுக்குள் நகர்த்தப்படும்.

 

இந்த மாற்றம் தற்போதைக்கு கதை கதையாம் பகுதியில் மாத்திரமே ஏற்படுத்தப்பட்டுள்ளது. இதன் பெறுபேறுகளின் அடிப்படையில் எதிர்காலத்தில் கவிதைப் பகுதியிலும் இதே போன்ற மாற்றத்தினை செய்வது பற்றி தீர்மானிப்போம்.

 

நன்றி

வணக்கம்,

 

தமிழக மாணவர்களின் எழுச்சி மிகு போராட்டங்களுக்கு யாழ் இணையம் தன் நன்றியையும் ஆதரவையும் தெரிவித்துக் கொள்வதுடன், தமிழக மாணவர்களின் போராட்டங்கள் தொடர்பான அனைத்து செய்திகளையும், தகவல்களையும், காணொளிகளையும் இணைப்பதற்காக புதிய பகுதி ஒன்று

'சிறப்புக்களம் - தமிழக மாணவர் எழுச்சி'  என்ற பெயரில் உலக நடப்புகள் பகுதியில் தொடங்கப்பட்டுள்ளது என்பதையும் கள உறவுகளுக்கு அறியத் தருகின்றோம்.

 

தமிழக மாணவர் போராட்டம் தொடர்பான அனைத்து பதிவுகளையும் இந்த சிறப்பு பகுதியில் இணைக்குமாறு அன்புடன் கேட்டுக் கொள்கின்றோம்.

 

நன்றி,

யாழ் கள நிர்வாகம்