கிறீஸ் மனிதர்களைப் போல பொதுபலசேனாவின் நடவடிக்கைகளும் தானாகவே செயலற்றுப் போகும் என முஸ்லீம் காங்கிரஸ் தெரிவித்துள்ளது.
 
கட்சியின் நாடாளுமன்ற முன்னாள் உறுப்பினர் ரபீக் ரஜாப்டீன் இவ்வாறு குறிப்பிட்டுள்ளார்.

 

http://www.hirunews.lk/tamil/56310

இலங்கை முஸ்லிம் சகோதா்களுக்கு ஏழுதும் அன்பு மடல்
 

ஆசிரியர் தலைப்பு 

முஸ்லிம் சகோதரர்களுக்கு அன்பு வணக்கம்! இலங்கைத் திருநாட்டில் நீங்கள் 8 சதவீதம். நாங்கள் 12 சதவீதம். இதனால் இரு இனத்த வர்களும் இந்த நாட்டில் சிறுபான்மை இனத்தினர் என்று முத்திரை குத்தப்பட்டவர்கள். இந்த நாட்டில் எல்லோருக்கும் சம உரிமை யும் சமத்துவமும் உண்டெனில் சிறுபான்மை இனம் பற்றி நாம் அலட்டிக் கொள்ளத் தேவையில்லை. ஆனால், சம உரிமையும் சமத்துவமும் ஆளும் தரப்பிற்கு ஒவ்வாமை தரக்கூடியனவாயிற்று. இதனால் சிறுபான்மை இனங்கள் என்ற பெயரில் தமிழ், முஸ்லிம் இனத்தைச் சேர்ந்த நாம் காலத்திற்கு காலம் பெரும்பான்மை இனத்தவர்களால் நசுக்கப்பட்டும் சுரண்டப்பட்டும் வருகின்றோம்.

 

எனினும் முஸ்லிம் மக்களாகி நீங்கள் உங்கள் மீதான அரச அடக்குமுறை குறித்து மெளனமாக இருப்பதையே புத்திசாலித்தனம் என்று நினைத்துக் கொள்கிறீர்கள். அதிலும் குறிப்பாக முஸ்லிம் அரசியல் தலைமைகள் இருக்கின்றனவே! அவர்களுக்கு முஸ்லிம் மக்கள் தொடர்பில் எந்த அக்கறைப்பாடும் கிடையாது.

அவர்களைப் பொறுத்தவரை அமைச்சுப் பதவியும் வருமானம் ஈட்டக் கூடியதான வளங் களும் கிடைத்தால் போதும் தங்கள் பொருளா தார பலத்தை உயர்த்திக் கொள்வதே அவர் களின் முழுக் கவனம் ஆகும். இதன் அடிப்படையிலேயே வன்னி யுத்தத்தில் தமிழ் மக்கள் சொல்லொணாத் துன்பத்தை அனுபவித்த போதிலும் முஸ்லிம் அரசியல் தலைவர்கள் மெளனமாக இருந்தனர்.

 

கிழக்கு மாகாண சபைத் தேர்தலின் பின்னர் தமிழ்த் தரப்புடன் இணைந்துகொண்டு சிறு பான்மை இனங்களின் உரிமைகளை வென் றெடுக்க வேண்டிய நேரத்தில் சிறிலங்கா முஸ் லிம் காங்கிரஸ் கட்சியின் தலைவரும் அமைச் சருமான ரவூப் ஹக்கீம் அரசுடன் இணைந்து கொண்டு தமிழ், முஸ்லிம் மக்களுக்கும் பாதகம் செய்தார்.

தமிழ் மக்களுக்காக முஸ்லிம் மக்களும் முஸ்லிம் மக்களுக்காக தமிழர்களும் குரல் கொடுத்து, சிறுபான்மை இனங்களின் பலத்தை அதிகரிக்க வேண்டிய நேரத்தில் ரவூப் ஹக்கீம் தனது சுய பொருளாதாரத்தை மட்டுமே கருத்தில் எடுத்து அரசுக்கு ஆதரவளித்தார்.

 

அன்புக்குரிய முஸ்லிம் சகோதரர்களே! அரசை எதிர்த்து தமிழர்கள் உரிமைப் போராட்டம் நடத் தியதன் காரணமாகத்தான் உங்களுக்கு பாதுகாப்பும் நலன்களும் கிடைத்தன. இந்த உண்மையை மறந்து முஸ்லிம் அரசியல் தலைவர்களின் இராஜதந்திரமே இவற்றைப் பெற்றுத் தந்ததாக நினைத்து விடாதீர்கள். அந்த நினைப்பு இருக்குமாயின் இப்போது உங்களுக்கு நடப்பதை நீதி அமைச்சராக இருக்கும் ரவூப் ஹக்கீமால் கூட ஏன் தடுக்க முடிய வில்லை. இதைப் புரிந்துகொண்டு சிறுபான்மை இன பேதத்தை உடைத்தெறிய தமிழ் - முஸ்லிம் உற வைப் பலப்படுத்துங்கள்.

 

http://www.valampurii.lk/index.php?option=com_content&view=article&id=851:2013-03-31-07-32-43&catid=79:2012-09-26-08-59-23&Itemid=491