அரசாங்கம் - அதன் ஆளுனர் - ஆயுதப்படைகளின் உதவியுடன் வடக்கின் காணிக் கொள்ளை தொடர்கிறது

கிளிநொச்சி தொண்டமான்நகர் உதிரவேங்கை ஞானவைரவர் ஆலய காணிப் பறிப்பிற்கு நீதிமன்றம் இடைக்காலத் தடை

கிளிநொச்சி தொண்டமான்நகர் உதிரவேங்கை ஞானவைரவர் ஆலயத்தினரின் பயன்பாட்டில் இருந்து வந்த காணி தென்னிலங்கை வர்த்தகர் ஒருவருக்கு வர்த்தக நடவடிக்கைகாக ஆலய நிர்வாகம் மற்றும் பிரதேச மக்களின் கடும் எதிர்ப்புக்கு மத்தியில் வழங்கப்பட்டு அவரினால் குறித்த காணியில் அபிவிருத்திப்பணிகளும் மேற்கொள்ளப்பட்டு வந்த நிலையில் நேற்று முன்தினம்  (06) கிளிநொச்சி நீதிமன்றம் குறித்த காணியில் மேந்கொள்ளப்பட்டு வரும் அபிவிருத்தி நடவடிக்கைகளுக்கு இடைக்கால தடை விதித்துள்ளது.

நீதிமன்ற உத்தரவு

இது தொடர்பில் மேலும் தெரியவருவதாவது மேற்படி காணி தொடர்பில் கிளிநொச்சி நீதிவான் நீதிமன்றில் சட்டத்தரணி சதீஸ்குமார் விஜயராணியின் உதவியுடன் ஆலய நிர்வாகாம்  வழக்குத்தாக்கல் செய்தது. 

நீதிமன்ற உத்தரவு

வழக்கை விசாரணை செய்த நீதவான்  எம்.ஜ.வஹாப்தீன் குறித்த வழக்கின் பிரதிவாதியான வர்த்தகரை எதிர்வரும் இருபதாம் திகதி மன்றில் அஜர்படுத்துமாறு பொலீஸாருக்கு உத்தரவிட்டார். மேலும் மன்றில் அஜராகும் போது குறித்த காணி தொடர்பாக ஆவணங்கள் இருப்பின் எடுத்துவருமாறும் நீதிபதி உத்தரவிட்டார்.

உதிரவேங்கை ஞானவைரவர் ஆலயம்

அத்தோடு குறித்த வழக்கு எதிர்வரும் இருபதாம் திகதி வழக்கு விசாரணைக்கு எடுத்துக்கொள்ளும்வரை குறித்த காணியில் எவ்வித அபிவிருத்திப் பணிகளையும் மேற்கொள்ள வேண்டாம் எனவும் தடை உத்தரவு விதிக்கப்பட்டுள்ளது இந்த தடை ஊத்தரவு நேற்று குறித்த காணியில் ஒட்டப்பட்டுள்ளது.

குறித்த காணி ஏ9 வீதியில் கிளிநொச்சி மாவட்ட வைத்தியசாலைக்கு முன்பாக உள்ள பெறுமதிமிக்க காணியாகும்.

 மிக வேகமாக காணியின் சுற்றி மதில் கட்டும் வர்த்தகரின் பணி

இந்த காணி மிக நீண்ட காலமாக மேற்படி ஆலய நிர்வாகத்தின் ஆட்சியில் இருந்து வந்துள்ளது. அததோடு ஆலய நிர்வாகத்திடம் காணி கையளிக்கப்பட்ட ஆவணமும் உண்டு இந்த நிலையில் குறித்த காணி வட மாகாண ஆளுநரின் கடும் உத்தரவுக்க அமைவாக அதிகாரிகளினால் குறித்த வர்த்தகருக்கு வழங்ப்பட்டது. வர்த்தகரும் மிக வேகமாக காணியினை சுற்றி மதில் கட்டும் பணிகளையும் ஆரம்பித்து விட்டார். இந்த நிலையில்தான் மேற்படி இடைக்கால தடை உத்தரவு பிறப்பிக்கப்பட்டுள்ளது.