சிங்க‌ள‌ம‌ய‌மாக்க‌லை எதிர்த்து நிற்கும் ஒரேயொரு த‌மிழ்க்கிராம‌ம்!

 

இல‌ங்கைக்கு வ‌ட‌க்கு கிழ‌க்குக்கு வெளியே வாழ்ந்த‌ த‌மிழ‌ர்க‌ள் குறிப்பாக‌ புத்த‌ள‌ம்தொட‌க்க‌ம் மாத்த‌றை வ‌ரையிலான‌ க‌ரையோர‌ப்ப‌குதிக‌ளில் வாழ்ந்த‌த‌மிழ்ப்ப‌ர‌த‌வ‌ர்க‌ளும், க‌ரையார்க‌ளும், முக்குவ‌ர்க‌ளும் எவ்வாறு இல‌ங்கை அர‌சின்திட்ட‌மிட்ட‌ செய‌ல்க‌ளாலும், இய‌ற்கையாக‌வும் த‌ம‌து த‌மிழ் அடையாள‌த்தை இழ‌ந்துசிங்க‌ள‌வ‌ர்க‌ளான‌தையும், அந்த‌ இனமாற்ற‌த்துக்கு க‌த்தோலிக்க ம‌த‌மும் ஒருகார‌ணியாக‌ இருந்த‌தையும் முன்னைய‌ ப‌திவில் பார்த்தோம். 

 

அத‌ன் தொட‌ர்ச்சியாக‌, எவ்வாறு த‌மிழ் மீன‌வ‌ர் குடிக‌ளை, அவ‌ர்க‌ள் சிங்க‌ளவர்க‌ளாலும்,சிங்க‌ள‌வ‌ர்க‌ளாக்க‌ப்ப‌ட்ட‌ க‌த்தோலிக்க‌ர்க‌ளாலும் க‌ட‌ல் போல் சூழப்பட்டிருந்தும் த‌ம‌துத‌மிழடையாள‌த்தையும், த‌மிழ் மொழியையும் 350 வ‌ருட‌ங்க‌ளுக்கு மேலாக‌ இழ‌க்காம‌ல்பாதுகாத்த‌ன‌ர்,  அத‌ற்கு எவ்வாறு அவ‌ர்க‌ளின் முன்னோர்க‌ளின், தமிழ்ம‌ய‌மாக்க‌ப்ப‌ட்ட‌ம‌காபார‌த‌த்தை அடிப்ப‌டையாக‌க் கொண்ட‌ பார‌ம்ப‌ரிய‌ த‌மிழ்நாட்டுக் கிராமிய‌ வ‌ழிபாடுஉத‌விய‌து என்ப‌த‌ற்கு உட‌ப்பு கிராம‌த்தில் இன்றும் த‌மிழ‌ர்க‌ளாக‌, தம‌து முன்னோர்க‌ளின் ம‌த‌ம், க‌லை, க‌லாச்சார‌ங்க‌ளை இன்றும் பேணிக்காத்து,சிங்க‌ள‌ம‌ய‌மாக்க‌லுக்கு த‌ப்பி வாழும் த‌மிழ‌ர்க‌ள் ந‌ல்ல‌ உதார‌ண‌மாகும்.

 

.

 

 

ம‌ன்னாரிலிருந்து மாத்த‌றை வ‌ரை வாழ்ந்துஅந்த‌ நில‌ப்ப‌குதியை த‌ம‌து க‌ட்டுப்பாட்டுக்குள்வைத்திருந்த‌ த‌மிழ‌ர்க‌ளின் அடையாள‌மாக‌இன்றும் ஒரேயொரு த‌மிழ்க்கிராம‌ம், இன‌, ம‌த‌மாற்ற‌ங்க‌ளுக்கு உட்ப‌ட்டு சிங்க‌ள‌வ‌ராக‌ம‌றுத்து, இன்றும் பெருமையுட‌ன் த‌ம‌துமொழியையும், த‌ம‌து முன்னோர்க‌ளின்ம‌த‌த்தையும், அவ‌ர்க‌ளின் பார‌ம்ப‌ரிய‌த்தையும்பாதுகாத்துக்கொண்டு த‌லைந்மிர்ந்து நிற்கும்கிராமம் உட‌ப்பூர் அல்ல‌து உட‌ப்பு ஆகும்.

 

சிங்க‌ள‌ ஊர்க‌ளால் சூழ‌ப்ப‌ட்ட‌ த‌மிழ்க்கிராம‌ம்.

ம‌ன்னாரிலிருந்து மாத்த‌றை வ‌ரை வாழ்ந்து த‌ம‌து க‌ட்டுப்பாட்டுக்குள் வைத்திருந்த‌த‌மிழ‌ர்க‌ளின் அடையாள‌மாக‌ இன்றும் ஒரேயொரு த‌மிழ்க்கிராம‌ம், இன‌, ம‌த‌மாற்ற‌ங்க‌ளுக்கு உட்ப‌ட்டு சிங்க‌ள‌வ‌ராக‌ ம‌றுத்து, இன்றும் பெருமையுட‌ன் த‌ம‌துமொழியையும், த‌ம‌து முன்னோர்க‌ளின் ம‌த‌த்தையும், அவ‌ர்க‌ளின் பார‌ம்ப‌ரிய‌த்தையும்பாதுகாத்துக்கொண்டு த‌லைந்மிர்ந்து நிற்கும் கிராமம் உட‌ப்பூர் அல்ல‌து உட‌ப்பு ஆகும்.ஒருகால‌த்தில் தொட‌ர்ச்சியாக‌ ச‌ங்கிலி போல் த‌மிழ்க்கிராமங்க‌ள் ம‌ன்னாரிலிருந்துமாத்தறை வ‌ரை இருந்த‌ன‌, அவ‌ற்றில் ப‌ல‌ த‌மிழ்க்க‌த்தோலிக்க‌ கிராம‌ங்க‌ளாக‌ மாறிஇன்று சிங்க‌ளக் கிராம‌ங்க‌ளாக‌ மாறிவிட்ட‌ன‌. ஆனால் உட‌ப்பு ம‌ட்டும் இன்றும்ஒரேயொரு இந்து த‌மிழ்க்கிராம‌மாக‌க் காட்சிய‌ளிக்கிற‌து. இந்த‌க‌ரையோர‌க்கிராம‌ங்க‌ளில் க‌ரையார் (சிங்க‌ளத்தில் க‌ர‌வா), முக்குவ‌ர், ப‌ர‌த‌வ‌ர், ப‌ர‌வ‌ர்அல்ல‌து க‌டையார் போன்ற‌ சாதிக்குழுவின‌ர் வாழ்ந்து வ‌ந்த‌ன‌ர்.

 

உட‌ப்பு திரெளப‌தி அம்ம‌னும் ம‌டுமாதாவும்

 

தாய்க்க‌ட‌வுளை வ‌ண‌ங்கும் த‌மிழ‌ர்க‌ளின்ப‌ண்பாடு த‌மிழ்க்க‌த்தோலிக்க‌ர்க‌ளுக்கும், த‌மிழ்இந்துக்க‌ளுக்குமிடையே ஒருவித‌ ஒற்றுமையைஅதாவ‌து மதங்க‌ளுக்க‌ப்பாற்ப‌ட்ட‌ந‌ல்லிண‌க்க‌த்தை ஏற்ப‌டுத்தியிருப்ப‌தை நாம்இல‌ங்கையில் காண‌லாம். உட‌ப்பு திரெப‌தி அம்ம‌னும், மடுமாதாவும் த‌மிழ்க் க‌ரையார்,ப‌ர‌த‌வ‌, முக்குவ‌ர் ச‌மூக‌ங்க‌ளின் முக்கிய‌ தெய்வ‌ங்க‌ளாக‌ விள‌ங்குகின்ற‌ன‌.

 

 

இன்று சிங்க‌ள‌வ‌ர்க‌ளாக‌ மாறி த‌ம‌துமொழியையும் க‌லாச்சார‌த்தையும் இழ‌ந்த‌த‌மிழ்க்க‌த்தோலிக்க‌ர்க‌ள், இன்றும் த‌ம‌துமுன்னோர்க‌ளைப் போலவே வ‌ட‌க்கிலிருக்கும்வ‌ன்னியிலுள்ள‌ ம‌டுமாதாவை வ‌ருடாந்த‌ம்சென்று த‌வ‌றாம‌ல் த‌ரிசிக்கும் வ‌ழ‌க்க‌த்தை ம‌ட்டும் கைவிட‌வில்லை.

 

உட‌ப்பு ம‌க்க‌ளின் க‌தை - ‍ ம‌ற‌வ‌ர்குல‌மாப்பிள்ளை

 

உட‌ப்பில் வாழும் த‌மிழ்க் க‌ரையார், முக்குவ‌, ப‌ர‌த‌வ‌ ச‌மூக‌த்தின‌ர் 17 ம் நூற்றாண்டிலேஇராமேஸ்வ‌ர‌ம், இராம‌நாத‌புர‌ம் போன்ற‌ ப‌குதிக‌ளிலிருந்து இல‌ங்கைக்குகுடிபெய‌ர்ந்ந்த‌தாக‌ அவ‌ர்க‌ளின் பார‌ம்ப‌ரிய ப‌ர‌ம்ப‌ரைக் க‌தைக‌ள் கூறுகின்ற‌ன‌. அந்த‌க்க‌தையின் ப‌டி, இராமேஸ்வ‌ர‌ம் மீன‌வ‌ர் குல‌த் த‌லைவ‌னுக்கு ஒரு அழ‌கான‌ ம‌க‌ள்இருந்தாள் அவ‌ளது பெயர் க‌ம‌ல‌க்க‌ண்ணி. அவ‌ளின் அழ‌கைக் கேள்வியுற்ற‌ ம‌ற‌வ‌ர்குல‌த்த‌ர‌ச‌ன் அவ‌ளை ம‌ண‌க்க‌ விரும்பினான். ஆனால் ம‌ற‌வ‌ர்மாப்பிள்ளையின் 'மைன‌ர்' விளையாட்டுக‌ளைக் கேள்விப்ப‌ட்ட‌ க‌ம‌ல‌க்க‌ண்ணியின்த‌ந்தைக்கு அவ‌ளை அவ‌னுக்கு ம‌ண‌ம்முடித்துக் கொடுக்க‌ விரும்ப‌வில்லை. இந்த‌க்க‌தையின் அடிப்ப‌டையில் சிங்க‌ளத்தில் 'ம‌ற‌வ‌ராயா' என்ற சொல் ஒருத‌லைக்காத‌ல்அல்ல‌து 'a desperado' என்ப‌தைக் குறிக்கிற‌து.

இல‌ங்கைக்கு வ‌ருகை

Temple Mural

ம‌ற‌வ‌ர் மாப்பிள்ளை எப்ப‌டியாவ‌து த‌ன்ம‌க‌ளைத்திரும‌ண‌ம் செய்து விடுவான் அவ‌னுக்குஅதிகார‌மும், ப‌லமும் உள்ள‌து என்ப‌தைஉண‌ர்ந்த‌ க‌ம‌ல‌க்க‌ண்ணியின் த‌ந்தைதிரும‌ண‌த்துக்கு ச‌ம்ம‌த‌ம் தெரிவித்தார்.திரும‌ண‌ப்ப‌ந்த‌ல் கூட‌ அமைக்க‌ப்ப‌ட்டுதிரும‌ண‌த்துக்கு ஆய‌த்த‌ங்க‌ள் எல்லாம் முடிந்துவிட்ட‌ன‌. ஆனால் அன்றிர‌வே த‌னது ம‌க‌ளையும்,குடும்ப‌த்தையும், உற‌வின‌ர்க‌ளையும்அழைத்துக்கொண்டு த‌ம‌து உடைமைக‌ளுட‌ன்இல‌ங்கைக்குப் ப‌ட‌கில் ஏறிவிட்டார் அந்த‌மீன‌வ‌ர் த‌லைவ‌ன்.

 

அடுத்த‌ நாள் திரும‌ண‌ப்ப‌ந்த‌லுக்கு வ‌ந்த‌ ம‌ற‌வ‌ர்மாப்பிள்ளையை அர‌சாணிக்காலில்க‌ட்ட‌ப்ப‌ட்டிருந்த‌ ஒரு நாய் எதிர்பார்த்துக்காத்திருந்த‌து. அந்த‌ அவ‌மான‌த்தாலும்,ஏமாற்ற‌த்தாலும் ஆத்திர‌முற்ற அந்த‌ மற‌வ‌ர்மாப்பிள்ளை எப்ப‌டியாவ‌து அவ‌ர்க‌ளைப்ப‌ழிவாங்கி, க‌ம‌ல‌க்க‌ண்ணியை அடைவ‌தாக‌ ச‌ப‌த‌ம் எடுத்துக் கொண்டான்.

 

இராமேஸ்வ‌ரத்திலிருந்து புற‌ப்ப‌ட்ட‌ மீன‌வ‌ர் குடிக‌ள் முத‌லில் ம‌ன்னார்த் துறையைவ‌ந்த‌டைந்து அங்கிருந்து தெற்குநோக்கி க‌ல்பிட்டிக்குப் போய், பின்ன‌ர் புத்த‌ள‌ம்வ‌ழியாக‌ முந்த‌ல் என்ற‌ த‌மிழ்க்கிராம‌த்தை அடைந்த‌ன‌ர். அங்கிருந்துக‌ட‌ற்க‌ரையோரமாக‌ இருந்தாலும், ஒரு சில அடிக‌ள் தோண்டிய‌துமே ந‌ல்ல‌ தண்ணீர்கிடைக்கும் வ‌ள‌மான‌ இட‌மாகிய‌ உட‌ப்பை அடைந்து அங்கே குடியேறின‌ர்.

 

                                                                                                  

க‌ம‌ல‌க்க‌ண்ணி குல‌தேவ‌தையானாள்

ஏமாற்ற‌ம‌டைந்த‌ மற‌வ‌ர் மாப்பிள்ளையின்ச‌ப‌த‌த்தைக் கேள்வியுற்ற‌ க‌ம‌ல‌க்க‌ண்ணியின்உற‌வின‌ர்க‌ள் அவ‌ளின் ச‌ம்ம‌தத்துட‌ன்அவ‌ளை நீரில் அமிழ்த்தின‌ர். அந்த‌ அப்பாவிப்பெண்ணைத் த‌ம‌து குல‌தெய்வ‌மாக‌வ‌ழிப‌டுகின்ற‌ன‌ர். அவ‌ள் உட‌ப்பு ம‌க்களைபாதுகாப்ப‌தாக‌ ந‌ம்புகின்ற‌ன‌ர் அத்துட‌ன்ஒவ்வொரு வ‌ருட‌மும் அவ‌ளை, நீர் நிறைந்த‌குட‌மாக‌ உருவ‌கித்து நினைவு கூர்ந்துவ‌ண‌ங்குகின்ற‌ன‌ர்.

 

    

                     

சித்திரை முக்கொட்டுக்கும்மி

 

 

இல‌ங்கையில் ப‌ல‌ கோயில்க‌ளில் தீமிதிப்புநிக‌ழ்ச்சிக‌ள் திருவிழாக்க‌ளின் ஒருஅங்க‌மாக‌ இருந்தாலும் உட‌ப்புதிரெள‌ப‌திய‌ம்ம‌ன் கோயில் தீமிதிப்புபிர‌பல‌மான‌து.

 

"நீண்டகால வரலாறும் தனித்துவமான கலை கலாசார நற் பழக்கவழக்கங்களுடன் பாரம்பரிய உணவு உடை உறைவிடங்களிடையே இந்தியாவின் தமிழகத்தின் இராமேஸ்வரத்துக்கான மண்வாசனையை காணக்கூடியதாக இருக்கின்றது . மேலும் தமிழகத்திலிருந்து வருவோர் தாம் இராமேஸ்வரம் நிற்பதாகவே கருதுவார்கள் . இங்கே வாழும் மக்கள் மான உணர்ச்சியும் இந்து மதத்தின் மீதான இனியில்லாத பற்றுறுதியும் கொண்டவர்கள்.வரலாற்றுரீதியான ஆய்வுக் குறிப்புக்களும் கர்ணபரம்பரையான கதைகளும் வாய்வழி செய்திகளும் இங்கு வாழும் மக்கள் கி.பி 1300-1400 ஆண்டுகளில் வீரசேகரப்பாண்டியன் மன்னனால் மன்னார் கற்பிட்டி உடப்பு போன்ற பிரதேசங்களில் தமிழகத்து மக்களை குடியேற்றியதாக வரலாற்றுக் குறிப்புக்கள் பகருகின்றன. அத்துடன் மாரியம்மன் கோயில் மணியில் கி.பி. 1750 ஆண்டு ஆண்டிமுனை உடப்பங் கரையூரவர் கோயிலுக்கு உபயம் என பொறிக்கப்பட்டுமுள்ளது. மேலும் 17ம் நூற்றாண்டின் நடுப்பகுதியில் 1634 ம் ஆண்டுகளில் இராமேஸ்வரத்தின் அக்காள் மடம் தங்கச்சி மடம் போன்ற கிராமங்களிலிருந்து 18 குடும்பங்கள் கடல் வழியாக மன்னார் கற்பிட்டி ஊடாக ஏழு தோணிகளில் உடப்பில் குடியேறியதாக கர்ணபரம்பரையான கதைகளும் வாய் மொழிச் செய்திகளும் விடை கூறுகின்றன.இதனை Patrons Devotees Goddesses – Masakazu Tanaka என்பவரின் நூலும் வரையறை செய்கின்றது.

 

இவர்கள் பின்வரும் ஏழு தோணிகளில் தங்கள் பயணத்தை மேற்கொண்டுள்ளனர். அதாவது கமலந்தோணி கப்பனார் தோணி கலப்போத் தோணி போத்தி தோணி சின்னத் தோணி பாபா தோணி மாந்திரியன் தோணி என்பனவாகும். இத்தோணிகளின் உரிமையாளர்களை சம்மாட்டியார் என்றும் தொழில் நடத்துனரை மண்டாடியார் என்றும் அழைப்பர். இப்பெயர்கள் இன்றும் உடப்பு நகரில் கடற்றொழிலாளரிடையே நிலவி வருகின்றன. இது போல முனியன் கறுப்பன் வைரையா வீரபத்திரன் காளி காளியப்பன் கமலமுத்து மாரிமுத்து போன்ற ஆண்களின் பெயர்களும் மாரியாய் முனியம்மா காளியம்மா வைரம்மா வடுவாச்சி வடிவு போன்ற பெண்களின் பெயர்களும் உடை அணிகளும் இங்குள்ள மக்களை இராமேஸ்வரத்துடன் தொடர்பு படுத்துகின்றன.

கூட்டத்தோடு வந்தவர்கள் சந்தனக் கட்டையினால் வடிவமைக்கப்பட்ட திரௌபதையம்மன் சிலையொன்றினையும் கொண்டு வந்தனர். இவர்கள் குடியிருந்த இடங்களில் எல்லாம் திரௌபதையம்மன் ஆலயம் அமைத்து வழிபட்டதாக வாய்மொழிக் கதைகள் பருகின்றன. இதுபோல் இன்று திரௌபதையம்மன் ஆலயமிருக்கும் பிரதேசம் அன்று ஒரு மேட்டு நிலமாகவே இருந்துள்ளது. இவ்விடங்களில் தில்லை மரங்களும் நொச்சி பிஞ்சால் செடிகளும் அடர்ந்து வளர்ந்த பூமியாக காணப்பட்டது. இவ்வாறான ஒதுக்குப் பிரதேசத்தை உடப்பூர் மக்கள் திருக் கோயிலுக்குரிய புனித பூமியாக மாற்றியமைத்தனர் . இன்று இப்பூமி பெருமைக்குரிய ஸ்ரீ பார்த்தசாரதி ருக்மணி சத்தியபாமா சமேதர் ஸ்ரீ திரௌபதாதேவியம்மன் திருக்கோயிலாக நவதள 108 அடிகள் இராஜ கோபுரத்துடன் கண்கவர் கவின்கலையாக காட்சி கொடுக்கின்றது.

கோயிலில்லா ஊரில் குடியிருக்க வேண்டாம் - என்பது தமிழர் வாக்கு. உடப்பு வாழ் மக்கள் தாங்கள் குருகுலத்தவர் என்றும் வேதவியாசர் மீனவப் பெண்ணுக்குப் பிறந்த மகான் என்றும் குருகுலத்து வேதவியாசரால் அருளப்பட்ட மகா பாரதம் பற்றி நன்கு அறிந்தவர்கள் என்றும் கூறுவர் . தாய் வழிபாட்டில் நம்பிககை கொண்ட இம்மக்கள் ஸ்ரீ திரௌபதா தேவியம்மன் ஆலயத்தை முதன்முதலில் மரங்கள் தடிகள் கிடுகுகள் கொண்டு கட்டி முடித்து சந்தனக் கட்டையினாலான ஸ்ரீ திரௌபதையம்மன் சிலையை மூல மூர்த்தியாக பிரதிஷ்ட செய்து வழிபட்டு வந்துள்ளனர்."

 

Source:

http://www.eegarai.net/t49838-topic

http://viyaasan.blogspot.ch/2013/04/blog-post_8191.html

 

இதனால் தான் இங்கு வாழும் இளைஞர்களை சிங்கள அரசு அவுஸ்திரெலியா ஆசை காட்டி படகுகளில் அவுஸ்திரெலியாவுக்கு அனுப்புகிறார்கள். அண்மைக்காலங்களில் உடப்பில் இருந்து அவுஸ்திரெலியாவுக்கு வந்தவர்கள் அதிகம்.

உடப்பில் வாழும் பெரும்பாலோர் , உடப்பில் பிறந்தவர்களைத்தான் திருமணம் செய்வார்கள். 2007,2008ல் விடுதலைப்புலிகள் அமைப்பில் 2,3 பேர் உடப்புகிராமத்தில் இருந்து இணைந்திருக்கிறார்கள் என்று சொல்லி இங்கு இராணுவ முகாம் ஒன்றை அரசாங்கம் அமைத்திருக்கிறது. 2008, 2009களில் சிலரை சந்தேகத்தின் பேரில் கைது செய்து சித்திரவாதைகள் செய்திருக்கிறது சிங்களப்படை. 2009க்குப்பிறகும் இங்கு இராணுவ முகாம் இருக்கிறது. இங்குள்ள இளைஞர்களை அவுஸ்திரெலியாவுக்கு அனுப்புவதில் சிங்கள அரசு உதவி செய்கிறது. இலங்கையின் வட மேற்குக்கடற்கரையில் இருக்கும் உடப்பில் இருந்து, இலங்கையின் வடகிழக்கு கடற்கரையில் இருக்கும் முல்லைத்தீவுக்கு இவர்கள் சிங்களத்தின் பயணமுகவர்களின் மூலம் அனுப்பப்பட்டு படகுகளில் அவுஸ்திரெலியாவுக்கு அனுப்பிவைக்கப்படுகிறார்கள். கிட்டத்தட்ட 10 இலட்சம் இலங்கை ரூபா மொத்தப்பயணத்துக்கு செல்விடப்படுகிறது. இவர்கள் படகுகளில் செல்லும் போது, கடலில் செல்லும் சிங்களக் கடற்படை இவர்களைக் கண்டும் காணாமல் நடந்துகொள்ளும். ஆனால் அவுஸ்திரெலியா அரசின் அழுத்தம் காரணமாக ஒரிரு படகுகளைப் பிடிப்பார்கள். அதாவது படகுகளில் அனுப்புபவர்களே இவர்களை கைது செய்வார்கள். அவுஸ்திரெலியாவுக்கு தஞ்சம் அடைந்த உடப்பினைச் சேர்ந்த 2,3 பேர் (அண்மையில் திருமணமானோர்)விருப்பத்தின் பேரில் திரும்பி சிறிலங்காவுக்கு சென்றுவிட்டார்கள். இதனால் இங்கு அகதி அந்தஸ்தினை எதிர்ப்பார்த்து இருக்கும் உடப்பினைச் சேர்ந்தவர்கள் தங்களுக்கு என்ன நடக்கும் என்று யோசனையில் இருக்கிறார்கள். பலருக்கு அகதி தஞ்சம் நிராகரிக்கப்பட்டு மேல்முறையீடுகள் செய்யப்பட்டு இருக்கிறது.

மகிழ்வாய் இருக்கிறது 

திருமலையில் உள்ள சலப்பையாறு கிராமத்தில் இருந்து படகு மூலம் முல்லைத்தீவு அலம்பிலிற்கு நடு இரவு அளவில் வந்து இறங்கினோம்.

 

அது ஒரு மீன் பிடிக்கும் சீசனாக இருக்க வேண்டும். உடப்பில் இருந்து வந்த  மீனவக்குடும்பங்கள் அலம்பிலில் வாடி போட்டு இருந்தார்கள்.

 

நடு இரவு என்றுகூட பார்க்காமல் எங்களுக்கு உடனடியாக சமைத்து உணவு தந்தார்கள். நல்ல பசி. பெற்றோல் மக்ஸ் வெளிச்சத்தில் கடற்கரை மணலில் இருந்து சாப்பிட்டோம். அன்றிரவு தென்னோலைக் கிடுகளால் போர்த்துக்கொண்டு கடற்கரையிலே நித்திரை.

 

இரண்டு தசாப்தங்கள் கடந்தாலும் அந்த உடப்பு மக்களின் விருந்தோம்பலும் உபசாரமும் இன்றும் இனிக்கிறது.