அகத்திக்கீரை வறை

 

 

அகத்திக்கீரை பொரியல் செய்வது மிகவும் சுலபம்.  கீரை வகைளில் அகத்திக்கீரை மிகவும் நல்லது பொதுவாக அசைவ உணவு அதிகம் சாப்பிடுபவர்கள் இதுபோன்ற கீரைகளை பொரியல் செய்து சாப்பிடுவது நல்லதாகும். இதுபோன்ற பொரியல் செய்வதற்கு அதிக நேரம் தேவை இல்லை.

 

தேவையான பொருள்கள்:

 

ஒரு கட்டு அகத்திக்கீரை

ஒரு பெரிய வெங்காயம்

ஒரு தக்காளி

இரண்டு பச்சை மிளகாய்

கொஞ்சம் பூண்டு

ஒரு டீஸ்பூன் கடுகு உளுத்தம்பருப்பு

இரண்டு டீஸ்பூன் சமையல் எண்ணெய் 

அரை டீஸ்பூன் பெருங்கயப்போடி

கொஞ்சம் தேங்காய் துருவல்

கொஞ்சம் கருவேப்பிலை

கொஞ்சம் மல்லி இலை

தேவையான அளவு உப்பு

 

சமைக்கும் முறை:

 

அகத்திக்கீரை காம்பை எடுத்துவிட்டு மிக சிறிய துண்டுகளாக நறுக்கி தண்ணீரில் நன்றாக கழுவி தனியாக ஒரு பாத்திரத்தில் வைத்துக்கொள்ளவும்.

 

வெங்காயம், தக்காளி, பச்சை மிளகாய், பூண்டு, மல்லி இலை இவைகளை சிறிய துண்டுகளாக நறுக்கி தனியாக வைத்துக்கொள்ளவும்.

 

கேஸ் அடுப்பில் வாணலியை வைத்து சமையல் எண்ணெய்யை ஊற்றி மிதமான தீயில் வைக்கவும்.  எண்ணெய் நன்றாக காய்ந்தவுடன் கடுகு உளுத்தம்பருப்பு போடவும். கடுகு நன்றாக வெடித்ததும் அதோடு உளுதம்பருப்பும் பொன்னிறமாக மாறி இருக்கும்.  உடனே பெருங்கயப்பொடியை போடவும் பிறகு கருவேப்பிலையை போட்டு உடன் நறுக்கி வைத்துள்ள பூண்டின் துண்டுகளை போட்டு பொன்னிறமாகும் வரை வதக்கவும்.  பிறகு நறுக்கி வைத்துள்ள வெங்காயம், தக்காளி மற்றும் பச்சை மிளகாய் இவைகளை போட்டு நன்றாக வதக்கவும்.  பிறகு  தயாராக வைத்துள்ள அகத்திக்கீரையை போட்டு நன்றாக கிளறவும்.  பிறகு தேவையான அளவு தண்ணீர் மற்றும் உப்பு போட்டு நன்றாக கிளறவும்.  பிறகு மூடியிட்டு நன்றாக வேக வைத்து தண்ணீர் சுண்டும் வரை மிதமான தீயில் வைக்கவும்

 

பிறகு தேங்காய் துருவலை போட்டு நன்றாக கிளறி விட்டு நறுக்கி தயாராக வைத்துள்ள

மல்லி இலையை போட்டு மூடி காஸ் அடுப்பை நிறுத்தவும்.

அகத்திக்கீரை இரும்புச்சத்து அதிகம் நிறைந்தது . அத்துடன் நீரிளிவு நோயாளிகளுக்கு தேவையான உணவுகளில் முதன்மையானது . கிழமையில் இரண்டுமுறை உணவுடன் சேர்த்துக் கொள்வேன் இணைப்புக்கு நன்றி நுணா .

 

அகத்தி என்னும் சிறுமரம் தாவரவியலில் (நிலைத்திணை இயலில்) செஸ்பேனியா (Sesbania) இனத்தைச் சேர்ந்ததாகும். இதன் தாவரவியல் பெயர் செஸ்பேனியா கிராண்டிஃவுளோரா (Sesbania grandiflora) என்பதாகும். இது கெட்டித்தன்மை இல்லாதது, சுமார் 6. மீட்டரிலிருந்து 10 மீட்டர் வரை வளரக்கூடியது. இதன் இலைகள் 15 முதல் 30 செ.மீ. வரை நீளமுடையவை.

இம்மரம் இந்தியாவிலோ தென்ஆசியாவிலோ தோன்றியிருக்க வேண்டும் என்று துறையறிஞர்கள் கருதுகிறார்கள். அகத்தி மரம் பிற மரங்களைப் போல் அதிகம் கிளைகள் கிளைத்து வளருவதில்லை. அகத்தி இலைகள் கூட்டிலைகள் ஆகும். ஒவ்வொரு கூட்டிலையிலும் 40 முதல் 60 இலைகள் வரை இருக்கும். பொதுவாக வெப்பமானதும் அதிக ஈரப்பதம் நிறைந்த இடங்களிலும் வளர்கின்றது.

அகத்திக் கீரையில் 63 வகைச் சத்துகள் இருப்பதாக சித்த மருத்துவம் கூறுகிறது. இம்மரத்தின் பல பகுதிகள் மூலிகையாகப் பயன்படுகின்றது. சிறப்பாக இதன் இலை தமிழ்நாடு உட்பட தென்னிந்திய சமையலில் அகத்திக்கீரை மற்றும் அகத்தியின் பூவும் சமைத்து உண்ணப்படுகிறது.



       மருந்திடுதல் போகுங்காண் வன்கிரந்தி - வாய்வாம்
        திருந்த அசனம் செரிக்கும் - வருந்தச்
        சகத்திலெழு பித்தமது சாந்தியாம் நாளும்
        அகத்தியிலை தின்னு மவர்க்கு.

அகத்திக் கீரையில் 8.4 விழுக்காடு புரதமும் 1.4 விழுக்காடு கொழுப்பும், 3.1 விழுக்காடு தாது உப்புகளும் இருப்பதாகக் கண்டறிந்துள்ளனர். மேலும் அகத்திக்கீரையில் மாவுச் சத்து, இரும்புச் சத்து, வைட்டமின்(உயிர்ச்சத்து) ஏ ஆகியவையும் உள்ளன.


    அகத்தி கோழி, மாடு போன்ற கால்நடைகளுக்குத் தீவணமாகப் பயன்படுத்தப்படுகிறது.
    அகத்தி இலையிலிருந்து ஒரு வகைத் தைலம் தயாரிக்கப்படுகிறது.
    அகத்தியின் பட்டையும் வேரும் மருந்துப்பொருள்களாகப் பயன்படுகிறது.
    அகத்தி மரக்குச்சிகள் கூரை வேய்வதற்குப் பயன்படுகிறது.
    அகத்தியின் மிலாரிலிருந்தும் பட்டையிலிருந்தும் உரித்தெடுக்கப்படும் ஒரு வகை நார் மீன் பிடி வலைகளுக்குப் பயன்ப்டுகிறது.
    அகத்திப்பட்டை தோல் தொழிலுக்குப் ப்யன் படுகிறது.
    அகத்திப் பட்டையின் சாறு சிரங்குக்கு மருந்தாகப் பயன்படுகிறது.
    வேர் மூட்டுவலிக்கு மருந்தாக அரைத்துப் பயன்படுத்தப்படுகிறது
    வெண்மை நிற அகத்தி மரம் பொம்மை செய்யவும் வெடிமருந்து செய்யவும் பயன் படுகிறது.
    வெற்றிலைக் கொடிக்கால்களில் வெற்றிலைக் கொடி படரவும் மிளகுத்தோட்டட்தில் மிளகுக்கொடி படரவும் அகத்தி மரம் பயன்படுகிறது.