நவநீதம்பிள்ளை இலங்கைக்கு வரலாம், ஆனால் யுத்தம் இடம்பெற்ற இடங்களுக்குச் சென்று மக்களைச் சந்திப்பது, விசாரணைகளை மேற்கொள்வது, ஊடகவியலாளர் மாநாடு நடத்துவது என்பவற்றை அனுமதிக்க முடியாது என தேசப்பற்றுள்ள தேசிய இயக்கம்  அரசாங்கத்தை வலியுறுத்தியுள்ளது. 

 

இது தொடர்பாக தேசப்பற்றுள்ள தேசிய இயக்கத்தின் பொதுச் செயலாளர் டாக்டர் வசந்த பண்டார மேலும் தெரிவிக்கையில், 

 

ஐ.நா. மனித உரிமை ஆணைக்குழுவானது சர்வதேசத்தால் ஏற்றுக்கொள்ளப்பட்ட அமைப்பாகும். எனவே, அதன் ஆணையாளர் நாயகம் என்ற ரீதியில் நவநீதம்பிள்ளை இலங்கை வருவதையோ, அரசாங்கம் உட்பட அரசியல் தலைவர்களை சந்திப்பதையோ, பேச்சுவார்த்தைகளை நடத்துவதையோ நாம் எதிர்க்கவில்லை. 

 

அதை விடுத்து யுத்தம் இடம்பெற்ற இடங்களுக்குச் சென்று மக்களைச் சந்திப்பது விசாரணைகளை நடத்துவதை அனுமதிக்க முடியாது. விசாரணைகளை நடத்துவதற்கான அனுமதியை அரசாங்கம் வழங்கவில்லை. 

 

அது மட்டுமல்லாது, இவ்வாறான விசாரணைகளை நடத்தி எதிர்வரும் நவம்பர் மாதம் நடைபெறவுள்ள ஐ.நா. மனித உரிமை ஆணைக்குழு மாநாட்டில் உத்தியோகபூர்வ அறிக்கையை நவநீதம்பிள்ளை கையளிக்கவும் முடியாது. இதற்கான அதிகாரம் அவருக்கு கிடையாது. 

 

இலங்கை அரசாங்கத்தின் அனுமதியை மீறி அவர் செயற்பட முடியாது. அதனையும் மீறி நவம்பரில் அறிக்கை சமர்ப்பிக்க முனைந்தால் அரசாங்கம் நேச நாடுகளின் ஆதரவையும் பெற்றுக்கொண்டு இதற்கு எதிர்ப்பை வெளியிட வேண்டும். 

 

ஊடகவியலாளர் மாநாடு நடத்தக்கூடாது. ஐ.நா. வுக்கு உத்தியோகபூர்வ அறிக்கையும் சமர்ப்பிக்கக்கூடாது. இங்கு வரலாம். அரசியல் தலைவர்களை சந்திக்கலாம். பேச்சுவார்த்தைகளை நடத்தலாம். ஆனால், வெளியே வாயை திறக்கக்கூடாது. வந்தோமா, போனோமா என்றிருக்க வேண்டுமென்றும் டாக்டர் வசந்த பண்டார தெரிவித்தார்

 

http://www.onlineuthayan.com/News_More.php?id=858082206230257084

உண்மையை மறைக்க சிங்களக் காடையர்கள் எப்படியெல்லாம் முயலுகின்றனர்.