தமிழர்களின் சமய சம்பிரதாயங்களை வழக்கத்திற்கு மாறாக மாற்றும் சிங்கள இனவாத

2500 வருடங்களுக்கு அதிக கால வரலாற்றைக் கொண்ட காதிர்காம ஆலயத்தின் வருடாந்த உற்சவமானது ஆனி அல்லது ஆடி மாதம் இடம்பெறுவது வழக்கமாகும். ஆனால், இம்முறை  வழக்கத்திற்கு மாறாக கதிர்காம உற்சவ வரலாற்றில் முதன் முறையாக ஒரு மாத கால தாமதத்துடன் கதிர்காம உற்சவத்தின் ஆரம்ப திகதி ஆகஸ் மாதம் 7ஆம் திகதியாக அறிவிக்கபப்பட்டுள்ளமை யாத்திரிகைகள் மத்தியில் அதிருப்தியை ஏற்படுத்தியுள்ளது.

 

கதிர்காம வருடாந்த உற்சவமானது, பலரது எதிர்பார்ப்புமிக்க ஒன்றாகும். காரணம் பக்தர்கள் தமது நேர்த்திக் கடன்களை நிறைவேற்றிக் கொள்வதற்காக இந்நாளுக்காக காத்திருப்பர்.

 

கதிர்காம உற்சவத்தை முன்னிட்டு பக்தர்கள் யாழ்ப்பாணம், மட்டக்களப்பு, போன்ற மாவட்டங்களிலிருந்து,  சுமார் ஒருமாத காலத்திற்கு  முன்னதாக காடுகளினுடாக பாத யாத்திரையாக வருபவர்களுக்கு பெரும் ஏமாற்றம் ஏற்பட்டுள்ளது.

 

வருடந்தோறும் ஜூலை மாதம் ஆரம்பமாகும் உற்சவம் இம்முறை ஆகஸ்ட் மாதத்திற்கு பிற்போடப்பட்டுள்ளமை எமக்குத் தெரியவிக்கப்படவில்லை என யாத்திரிகர்கள் தெரிவிக்கின்றனர்.

 

இது தொடர்பாக, கதிர்மாம ஆலயத்தின் பிரதான கப்புறாளை (பூசகர்) சோமபால டி.ரத்நாயக்க தெரிவிக்கையில்,

 

கொழும்பு அரசாங்கத்தின் சதித் திட்டத்தை மறைக்கும் கப்புறாளை வெசாக் பௌர்ணமியைக் காரணம் காட்டி தனது விவாதத்தை நியாயப்படுத்துகின்றார். 

 

இதேவேளை, யாழ்ப்பாணம் செல்வச்சந்நிதி ஆலயத்திலிருந்து 60 தினங்கள் பயணித்து உகந்தைமலை முருகன் ஆலயத்தை அடைந்த காதிர்காம பாதயாத்திரீகர்கள் பலர் உகந்தையோடு பயணத்தை முடித்துக்கொண்டு வீடு திரும்பியுள்ளனர்.

 

கதிர்காம பாதயாத்திரைக் குழுவிலிருந்த பக்தர்கள் இவ்வாறு உகந்தை முருகன் ஆலயத்துடன் தமது பயணத்தை நிறைவுசெய்துகொண்டுள்ளனர்.

 

கதிர்காம கந்தன் ஆலய உற்சவமானது ஒரு மாதம் பிற்போடப்பட்டமையே இதற்கு காரணமென பாதயாத்திரீகர்கள் தெரிவித்துள்ளனர்.

 

6 நாட்கள் காட்டுப் பயணத்திற்காக 16 தினங்கள் உகந்தையில் தங்கியிருக்க வேண்டிய நிர்ப்பந்தம் ஏற்பட்டுள்ளதாக அவர்கள் மேலும் தெரிவித்தனர்.

 

தமிழர்களின் பாரம்பரிய மரவுகளை படிப்படியாக சிதைக்கும் நடவடிக்கையில் ஈடுபடும் கொழும்பு அரசாங்கம், இந்துக்கள் காலம் காலமாக இறைவழிபாடுகளின் மரவுகளையும் மாற்றி சிங்கள மயமாக்கும் செயற்பாடுகளை கிழக்கு மாகாணத்தில் முன்னெடுத்துச் செல்கின்றமை குறிப்பிடத்தக்கது.